مُلاذ : اي كمل
محمد : بعدين اكتشفوه بي جني قوي اعوذ بالله وراحوا يقرون عليه جانوا لازمينه جدي و3 عمامي بس جان أقوى وبحيث ماكدروله وضرب الشيخ بس لزموه وجتفوه وبعدين تخربط وشيخ كمل قرايه لحد ما رجع لوعيه وجان مستغرب انو ملتمين عليه كلهم وشيخ وهو كل شي ما يتذكر فشربوه مي واخذوه للبيت وجان تعبان فنام والشيخ طلب منهم يجيبونه باجر حتى يشوفونه طلع لولا وبعدين ورا مرور الايام تعافى
امير : يمه لا يطلعنا الطلي الاسود والقران اروح واعوفكم وابقوا انتوا وياه
شهم : كبر المفروض تكول ما اعوفكم ابقى وياكم للموت بس تريد الصراحه اني بس أشوفه ثانيه وحده ما ابقى والعباس خلال دقيقه اصل للبيت
مُلاذ : كبر يالعارات طلعتوا هيج والله يالله اربع وعشرين ساعه تتفيكون براسي هسه طلعتوا عارات مال اهفكم عجل
شهم : يابه شبيگ ماعندگ غير مال اهفگم عجل
مُلاذ : تسگت لو صدگ اسويها واهفگ عجل
اويس : يمعودين الله بالخير شبيكم لا تتعاركون
محمد : اي والله شبيكم جنكم ضراير متعارگات
مُلاذ : يي يله ما خلصتوا هل سمج والله خلصت القصه وهل سمج ماخلص
اويس : يابه شكد تنگ جنگ وحده تطلگ
مُلاذ : اويس ما تولي من يمي الجوع كاتلني وجاييني تكلي تطلگ
شهم : اكول هاج الثور علينه طلع جوعان
فضحكوا امير وشهم
مُلاذ : ماكو ثور غيرگ يا ثور صدگ راح اهفگ عجل
محمد : كافي يمعودين شبيكم واحد اكل الثاني اهدوا سموا بالله
اويس : شهم وامير روحوا صبوا الأكل لان انتوا اصغر القوم خادمهم يله روحوا بدون حجي لو اني اهفگم عجل مو مُلاذ
راحوا امير وشهم صبوا وكعدنا كلنا على السفره وبلشنا ناكل
اويس : عاشت ايدكم طيبه
مُلاذ : وين الطيبه مادام شهم سواها تلعب النفس
شهم : اذا مو طيبه ليش تأكل
مُلاذ : من الجوع اكل ما اعرف شلون متحمل
ليث : اي الف عافيه أكلوا شهم خويه اكعد رحمه الدينگ مو وكت عرگه وانت مُلاذ ليش حاط عقلگ بعقله خلي يولي لا تضوج اكعد هاي نعمه الله كافي تتعاركون مثل الضراير انتوا ولد عم
اويس : اي والله كافي تتعاركون ملينا مابينه نحاجز بيناتكم
يم بيلا :
جنت كاعده احجي بالتلفون ويه بت عمتي اما عمتي هي كُلش مقربه منه وهي ربتنا من بابا مات ( الله يرحمه ) واني واسيلا جنه نساعدها ونرتبلها صح عندي عمه ثانيه بس هيه نحبها اكثر
والله عدها حنيه ما شفتها يم ماما ومن عمتي جابت بعد سنتين من زواجها جابت بنيه ماكو مثل جمالها واني واسيلا جنه مكابلينها واحنا دائما نبقى يمها من عمتي تروح للدوام يعني احنا ربيناها
ودائما يشبهوها بينه وخاصه يشبهوها باسيلا وبت عمتي هاي اسمها
( في ) بس شلون في غير تجنن ومن هيه وصغيره كلها مكرشه عليها وشعرها اسود طويل يصل لركبتها وعيونها بنيه جبيره
ماشاءالله حيل حلوه وجانت دائما يمنه يعني احنا ربيناها
أنت تقرأ
النَيرَاجُ
Mystery / Thrillerأنَتِي وَحَدكِي بَالعّشقُ تُسكننَي وأنَيَ أرَاكِ أجَمَلُ خَلّقُ الله في نَظّري وأني أرَاكِ قَمّراً ونَجمَتاً تَطوفَ بِها وأني عَاشَقُاً لكي يَا مَن تُسكننَي وأنَتِي أفَضَلُ مَا كَتبَهُ الله لي
