يوم ثاني 10:00 الصبح يم الرمُح :
كعدت على المنبه سديته وكمت للحمام غسلت وجهي ونزلت حتى اروح للأسواق اجيب اكل جبت اكل وكعدت اكل خلصت ودكيت على شهم حتى يجيبلي غراضيالرمُح : الووو شهم جيبلي غراضي
شهم : هاا اوگ شويه وجايگ
سديت المكالمه وكمت انظف البيت لان جبت منظفات رغم مابيه حيل بس نظفت البيت كله وره شويه اجه شهم
شهم : ها خويه كاعد تنظف خلي اساعدگ
الرمُح : يله هاگ روح نظف هذني
شهم : تمام
خلصنه تنظيف واحنا ميتين من التعب البيت بيه 3 طوابق وجبير وبيه اكثر من غرفة فكعدت على الكرسي
شهم : يمه ظهري راح
الرمُح : لعد اني شكول إذا مسوي حادث وكاعد انظف
شهم : جان خلينه مُلاذ واويس يجون يجلفون البيت
الرمُح : هسه اخليهم يرتبون غراضي ويعزلون البيت احنا نظفنا وهمه يعزلون
شهم : يله دگ عليهم خلي يجون هسه
فدكيت على اويس
الرمُح : هلو اويس ما تجي انت ومُلاذ عندي شغله وياكم
اويس : تمام هسه نجي اكو شي
الرمُح : لا سلامتگ بس تعال
اويس : تمام
سديت المكالمه وشهم فرحان لان اويس ومُلاذ راح يعزلون
الرمُح : طلعت هل كد خبيث تريدهم يعزلون
شهم : لو اني بدالگ اخليهم يجلفون البيت جلف يخلونه يلمع وبحجه مسوي حادث ابقى نايم
الرمُح : هسه لو يسمعونگ يلزمونگ يطايحون حظگ
شهم : اصبر يمگن اجوي اسكت لا تحجي كدامهم خوش
فدخلوا اويس و مُلاذ فكعدوا
مُلاذ : ها حجي ردتنه بشغله شنو هيه
الرمُح : أريدكم تعزلون البيت لان اني وشهم نظفنا وظهرنا نكسر بس عزلوا
اويس : تمام
مُلاذ : شوف نعزل بس لأنك مسوي حادث وبشرط شهم يعزل ويانا
شهم : لا والله ظهري نكسر ورجلي توجعني وايدي هم توجعني
مُلاذ : ماشاءالله إلا هسه كامن يوجعنگ بس لو دياحه جان طربگت مثل الحصان أستاذ شهم
شهم : اي هاي وحد هاي تنظيف وهاي طلعه كلشي ما اسوي
اويس : يابه اسكتوا مُلاذ خلي نعزل جان هسه مخلصين
فعزلوا البيت وطبعا ما نخلص من عركات شهم ومُلاذ عبالگ ضراير واحد يحب يخبث على ثاني واني وأويس نحاجز بيهم
المهم خلصوا و راح شهم دزيناه يجيب غداء
أنت تقرأ
النَيرَاجُ
Mystery / Thrillerأنَتِي وَحَدكِي بَالعّشقُ تُسكننَي وأنَيَ أرَاكِ أجَمَلُ خَلّقُ الله في نَظّري وأني أرَاكِ قَمّراً ونَجمَتاً تَطوفَ بِها وأني عَاشَقُاً لكي يَا مَن تُسكننَي وأنَتِي أفَضَلُ مَا كَتبَهُ الله لي