๋๋࣭࣭ ⭑ألَـنَࢪجِـس ๋࣭ ⭑

البارت الاول

هلوو حبايبي طبعاً اعرفكم بنفسي اني نرجس مواصفاتي حنطاويه عيونيي لون عسلي كبار ومسحوبه وطولي 150 قزمة يعني بختصار حلوه وراح تبدي قصتي من عمري 6 سنين على اساس السنة اسجل بل مدرسة بس صار ضرف ولازم ننتقل من محافظتنة الي هية البصرة

علي (بابا): ام نرجس تعاي عندي حجي وياج

ساره (امي): اي ابو نرجس كول

علي: لمي غراضنة لان راح نعوف البصرة

ساره: ليش ياستار ليش نعوفها

علي: حولو شغلي لبغداد ولازم ننتقل لهناك على مود شغلي

ساره: تمام هسة المهن رحت الم الغراض بدون ما اعترض او احجي مع انو اني كلش ضايجة ومقهورة لان محافظتي الي تربيت بيها وعشت عمري كله بيها وصعبة علي بس شنسوي لازم اروح على مود العيشة الحمدلله

نرجس: ماما ماما

ساره: ها حبيبتي

نرجس: شوكت اتسجلوني بالمدرسة تره اني صرت جبيره

ساره: (يبووو نسيت مدرسه نرجس هسة شلون لازم من يجي الرجال احاجي على مود نرجس) ان شاءالله حبيبتي السنة اتسجلين

نرجس: اييييي الله واخيرا راح اسجل بالمدرسه

صباحا

ساره: كعدت اباوع اساعة ب10 اكعد ابو نرجس اساعة بل10

علي: اييي هسة شوي وأكعد

ساره: نزلت غسلت وفرجت وسويت ريوك بيض خبط وعيون ورحت لغرفة نرجس نرجس أكعدي يلة

نرجس: مأ نعسانة

ساره: أكعدي ماما يلة خل نتريك سوه على الواهس

نرجس: يلة هسة كعدتت

علي: نزلت غسلت وشفت نرجس كعدت

نرجس: صباح الخيرر

ساره، علي: صباح النور

علي: اكلنة وكملنه كمت غسلت وطالع

ساره: ابو نرجس وين رايح

علي: اطلع اشم هوة اشوف العالم اليوم جمعة ليش رايدة شي

ساره: لا بس علمود نرجس شلون مو علة اساس السنة نسجلها بل مدرسه شلون

علي: اي عادي بس انروح ونستقر ابغداد نسجلها هناك

ساره: اهاا ماشيي

علي: شبيج احسج ضايجة

ساره: اكيد اضوج لان راح اعوف محافظتي الي تربيت بيها واعوف اهلي وناسي

علي: ميخالف شنسوي والله اني جان عفتكم ورحت وحدي بس هم ماكدر اعوفجن وحدجن وماكو زلمة يمجن واني ماكدر اروح وارجع لان طريق بعيد شنسوي الحمدلله

ساره: الحمدلله

علي: بست راسها يلة اني طالع محتاجة شي

ساره: اريدك سالم