# ๋๋࣭࣭ ⭑ألَـنَࢪجِـس ๋࣭ ⭑
البارت السادس**
ساره: يا اصخام الصخمني يمهه اشجاي تحجي انته شنو كتلت واحد شنو مات يمهه تنهجم بيتج ساره
سديت التلفون وكعت الطم وصرخ عزه بعينك علي ولك تكتل احد هاي تاليها اصير قاتل
نرجس: اسمع حجي امي واني داخله بصدمه ابوي مستحيل لا عزهه امي تملخ بخدودها وتصرخ يوم بس اهدي خل نفهم لسوين هيج
ساره: شفهم ولج شفهم ولج ابوج وكاتل واحد يمعزايهه شفهمممم متكليلي
نرجس: بدموع* لا يوم لتكولين هيج ابوي ميسويهاا رحت جبتلها مي تشرب وغسلتها خليتها رتاحت شوي ورحت للغرفه مخنوكهه ولازمتني الغصه رحت غسلت وتوضيت فتحت السجاده وصليت ركعتين وكعدت اقرا قرأن بلكي تروح الخنكه دائما هيج اني بس اختنك او شي اروح اقرا قرأن كلش ارتاح كملت وتصدقت ولخنكه ماراحت بقيت مده عل سجاده ابجي وادعي ياربي سهلها ياربي ماكو شي كمت احس بثكل صار عله جفني وعيوني ينسدن وحدهن نمت عل سجاده
ــــــــــــــــــــــــــــــــــــــــــــــــــــــــــــــــــــــــــــــــــ
محمد: كاعد بل محل ولولد ملتمين يمي
سجاد: اكلك محسن اشو متغير هل فتره شجاك 😉
محسن: اي والله يخوي متغير هل فتره صاير ثكيل كلش
محمد: اسكتون لو اكوم اكطع النعال عله روسكم
سجاد: زين والله عرفت الحجي عليك
محمد: ايي
سجاد: وتعترف يعني متغير
محمد: لا بس ماخذكم عله كد عقلكم
محسن: لا صدك احس متغير هل فتره
محمد: اشبيه يعني مو هل كاعد يمكم وسولف لو اله تردوني اكمز مثلكم
سجاد: يعني مجنت اسويهاا؟
محمد: انته كلتها جنت بس الواحد كل ميكبر كل ميعقل اله انتو دومكم زعاطيط
محسن: خلف الله عليك
محمد: لا حبيبي تدلل
نرجس فزيت على صوت الاذان اعيوني كوه افتحهن امورمات كمت غسلت وتوضيت وصليت كملت ورحت الغرفه امي لكيتها كاعده اصلي رحت اسوي عشه ولو حته نفس مالي بس علمود امي لتروح تتخربط كشرت البتيته ولبيذنجان وكليتهن وسويت طماكه كملت وخليت الصنيه ماما يله تعالي اكلي
ساره: ولله يايمه مالي نفس اكل منتضره ابوج عله نار
نرحس: ايي ميخالف بس اكلي كم لكمه هسه كعدت واكلنه كملنه وشلت الصنيه عزلت الاكل وغسلت الاماعين ومسحت المطبخ هم واخيرا كملت كعدت شويه وندك الباب رحت فتحته بابا 😭شبكته وصرت ابجي
ساره: اندك الباب وكامت نرجس فتحتهه عرفت اجه علي من سمعت نرجس تبجي ودخل هوه رحت اركض حضنته وصرت ابجي وكول: ليش هيج اسوي ليش ليش اصير مجرم احنه وين اروح ابلياك انضيع والله وهاي بنتك اناس تكوم اصيح عليها بنت القاتل ليش علي ليش اهئ اهئ هسه تكلي شلون كتلته وليش، كعدنه هوه بده يحجي
علي: جنه مقررين اني ولجماعه نفتح مشروع وخذنه من كل وحد مبلغ وردت اخليهن يمي و حارث اعترض وكال خلوهن يمي خليناهن يمه وبعد فتره سألته عل فلوس ونكر كدام الكل وكال انو مانطينه اي فلوس وعلى اساس اتفقنه عل مشروع بس مسلمنا اي فلس اني هنا تخبلت شنو مانطيناك خمس ملايين ونص يمك لتخبلني وهنا صار صياح واني فقدت وضربته على راسه ودفعته وماحس غير هذا انشمر بلكاع وطك راسه بحديده ونزفه كلش قوي عفته وجيت
محد من جماعتنه جان موجود من انطيته الفلوس وكلهم جانو موجودين اثناء ماضربته فلشغله راح تتلبس بيه وراح يطلعوني اني الي ماخذ الفلوس واني الي كتلته يعني شغلتي ميأوس منها
ساره: يا يمه اصخام الصخمني اشلون هيج ادفعه صدك جذب يمههه وين اروح اني وبنتك اذا رحت لسجن يمههه
نرجس: متأكد مات؟
علي: ماعرف بس الضربه الي اجت ابراسه كلش قويه ونزف هواي ف اكيد مات
نرجس: زين ماكو ايي شخص جان موجود من انطيته الفلوس او كامرات اي شييي وبعدين جوز ماميت اتاكدو
علي: والله ماعرف هوه اكيد اشوف اذا مات او لا وهمه اكيد راح يجون علينه وبعدين حته اذا عايش هم راح يفصلونه لان ضاربه اوصل للموت
نرجس: عل اقل ايفصلونه ولا يسوون غير شي صار هدوء وابوع الامي السبحه بيدها وتصفن وابوي امدنك ويده عله راسه وره شويه راحو لغرفهم واني هم رحت للغرفه اخذت التلفون ولكيت 5مكالمات من كوثر اوف حته نسيت اتصل عليها اكيد هسه واصلين اتصلت عليها
كوثر: الو ولج وينج والله ضل بالي عليج اتصل وماكوو
نرجس: بعدين افهمج هسه ميته تعب
كوثر: تمام عمري خير إن شاءالله
نرجس: شوكت وصلتو وين كعتو هسه
كوثر: والله ب6وصلنه ورحنه البيت عمي
نرجس: اهاا يله اخذي راحتج لعد اكيد تعبانه
كوثر: ايي والله ميته تعب بيباي عمري
نرجس: باي سديته ونسدحت نايمه وفكر بعد يومين الدوام ومنا سالفه ابوي اوفف.....************
********
ولهنا ويكون نهايه البارت طبعا اعرف قصير بس والله العضيم مريضه وتعبانه ماكدر بس لخاطركم جاي انزل لان جاي اطول عليكم واريدكم انتو هم تتفاعلون وياي وتصوتون على النجمه وتعلقون وسولي واهس استمر وبس احبكم ❤✨
أنت تقرأ
๋๋࣭࣭ ⭑ألَـنَࢪجِـس ๋࣭ ⭑
Ficción General. . . السَلام عَليكم 👋🏻 انا كاتبه جديده وهاي أول قصه اكتبها واتمنى تعجبكم وتدعموها💗✨
