عشق العمر🤎

البارت السادس عشر✨

عشق لبست ونزلت لقيت عمر واقف عند الباب بيتكلم ف التلفون وفقت تتأمل فيه وفي شياكته: يااه المز دا جوزي انا هحح يا حلاوة يولاد

عمر خلص المكالمه ولبس النظاره وقال : لو خلصتي تأمل فيا يلا

عشق فتحت بقها على آخره هاا دا عرف ازاي

عمر ابستم اقفلي بوقك يا حبيبتي واركبي

عشق بتزمر: طب هنروح فين وايه المفاجاه

عمر لما نوصل هتعرفي اصبري

،،،،،،،، في عربية أسر

اسراء :هو احنا رايحين فين يعم بخ

أسر: بصلها يا عمي وبخ امم انتي تحبي تروحي فين

اسراء : يااااه ياراجل اخيرا الاقي حد ياخد رايي
دا الواد اياد المعفن يوم الاجازه لما كان بيحن عليا ويطلعني فسحه كان بياخدني المكان اللي على مزاجه واماكن معفنه ولما بابا كان بياخدني ماما هي الي بتختار المكان

أسر: ضحك طب عايزه تروحي فين

اسراء : رجعت بضهرها لور بتكبر سيبني افكر بقااا

أسر : بضحك طب اخلصي وقولي عايزه تروحي فين

اسراء: بحماس عايزه اروح الملاهي نفسي اتمرجح
يااااه واتنطط ف البتاعه اللي بتطير الوحد لفوق وتنزله كده واقول بطييييخ ياااااه ياجدع

اسر: بسخرية نعم يا ختي هو انا واخد بنت اختي افسحها

اسراء بتزمر انا مليش دعوه مش انت هتفسحني يبقى انا اللي اختار

اسر: اتنهد طب يا حبيبتي ممكن غير النهارده المراجيح

دي اسراء قلبها دق من لقب حبيبتي: احم طيب اممم نروح السنيما اسر امم مش بطال وماله نروح انزلي

اسراء: استنى أسر ايه اسراء عايزه غزل البنات

اسر: ابتسم طيب تعالي ماسك أيدها وراح ناحيه الراجل بتاع غزل البنات وجبلها

ودخل السنيما

اسر : بتحبي تسمعي ايه اكشن رومنسي ورعب

اسراء: يعععع لا انا عايزه اسمع"" ماشا والدب""

اسر: بأستغراب دا مسلسل ولا فيلم وبتاع ايه دا

اسراء : دا انت فاتك نص عمرك يا باشه في حد ميعرفش ماشا والدب،، دا حلو اوي

أسر : اه يعني عن ايه يعني

اسراء : بفخر دا كرتون يابني

اسر : بصدمه يعني انتي عايزانا نسمع كرتون اممم أو نروح المراجيح والله انا حاسس اني واخد بنت اختي بجد افسحها امشي يا بت قدامي يارب صبرني دا ايه البلوي دي

اسراء : بتزمر على فكره سمعاك

اسر: اتنيلي يختي مسمعش صوتك