في قبضة الليل

الليل سابع عشر

#في- قبضة -الليل

الليل سابع عشر

بقلم سجى

‏سمره والسمار البيه ميفشل
بت شيوخ الاصلي وطبعي
واذا أصعد ضهرها المهيل
المهره تبدي  تغير
البنيـة واهس اهـلي
ويا العرب منجل!
راس بيوم مادنكت
.الشيطان! رغم هوه هواي يتوسل .
................................................................
دجلة:- گاعدة اشتغل وتعب مبين على وجهي وهلگانة من روحة ورجعة بس كلهن تهون علمود ترف

:دچلةة دچلةةةة
دجلة:- اسم الله شگو
:-مريضة چابوها اليوم
دجلة:- شبيهااا؟؟
:- تخبلت تضرب نفسها ومانعرف شبيها

:-ركضت عليها بسرعة مانعرف شبيها كلساع تكمز وتكتل نفسها مريضة نفسياً حيل يارب الله يعافيها دخلت غرفتها شفتها تصرخ

دجلة:- حبيبتي اهدئي مااسويلچ
:- عوفونيييييي اكلكمممم فهمتووا
دجلة:- تتعالچين واطلعج
:- اكتلكم وحق هو علي وهذا ارعن وينهههههه

دجلة:- اتصلوا على زوچها عيني تخبلت هاي وانطوني ابرة منوم
:- مااريد منوم مااريد هيووو عوفوني اگلكم

:- حضرت ابرة منوم لزموها ثنين ممرضات وياي كوه ضربتها تصرخ وتملخ روحها خمس دقائق ونامت عفتها وطلعت رحت لكوفي اشرب چاي واجى زوجها ويا صديقه

:- شلونها
دجلة:- نفس حالة اني اكلكم اخذوها دكاترة احسن اخذوها دكتورة نفسية
:- انتِ شنو؟
دجلة:- اعرف اعرف بس انا مشغولة وتعرف سالفتي
:-انطيج شگد ماتردين وسالفتچ على عيني وراسي خليها تصير زين
دجلة:- قلبي مامرتاح الكم مسوين شي لبنية انتم ماتاخذونها مستشفى اهلية؟

اردف صديقة بالاستفزاز
:- سوي شغلچ وانطمي دكتورة
دجلة:- احترم أستاذ وهذا شغلي اسوي الاكدر عليها واني دكتورة عادي وبنية مخبلة وحالتها نفسيها مو زينة تهلوس وربما بيها سحر وشعودة وفوقها حامل على اقل فكرو بالطفل بطنها واني مااكول شي من بالي اخذوها دكاترة احسن وانتم مبين نو خوش ناس وراكم سالفة ربما خاطفين

:- معليچ دكتورة سوي شغلج وبس
دجلة:- كلشي مااسوي اخذوها
:- هيچ يعني؟
دجلة:- اي

:- گلت كلماتي أخيرة وعفتهم وطلعت رجعت لبيت بالتكسي اخذت ترف من ام عباس جيرانه وسلمت عليها ودخلت بيتنا واني ابوسها واحجي وياها ماتفهم زين وضعفانة من مرض وشعرها توكع

دجلة:- شلونها روحي انا
ترف:- تينه
دجلة:- اوي اوي شنو سويتي مع ام عباس
ترف:- اتلت وتربت عثير ولئبت ويا تينب(اكلت وشربت عصيرر ولعبت ويا زينب)

دجلة:- عفية ماتعبتيها؟
ترف:- لا لا
دجلة:- توجعج شي؟
ترف:- ايي هنا

:- وهي تاشر راسها وبطنها دمعت عيوني عليها سمعت صوت مرت عمي