في قبضة الليل

الليل السادس

#في_قبضة_الليل

بقلم سجى ✨

خُزامى :- عمر وعيوني بعيونك
وانت عيونك لغيري
فضلتك على روحي
وضع وإياك
تقديري كول شقصرت وياك؟
ويتطلب بعد أكثر
على ذراعي تنام والليل
واقول ارتاح واني
أسهر

......................

خزامى:- محد تطلع ابقن هنا خوش

هزن رئوسهن واني طلعت وشفت شخص لابس اسود باسود وبيده سلاح التفت عليه
وشفت وجهه وهنا جان صدمه
فتحت عيوني بصدمه مامصدكه

خُزامى:- انت منو؟

:-شتسوين هنا هذا المكان خطر عليجن

خُزامى:-معليك روح انت

:-اختي ماعدنا نسوان تفتر بالشارع ونص الليل غيرة عراقية وين طمست ياعيني

خُزامى:- شكراً بس اني اعرف شنو اسوي

:- على اقل احجيلي انتِ مرة ومن يا عشيرة نعرفهم يمكن

خُزامى:- لا لااا مااريد

القدر:- انت شتريد روحححح منا يلااااا يلااااا

خُزامى:- قدررر سكتيي كلت محد تطلع

:-وعندج بنات ؟؟؟

خُزامى:- هاا ا......
ماكملت كلامي وهِياف وعذبة طلعن واكتمل سبحة بنجاح

:- ماشاء الله ماشاء الله شتسون هنا؟

خُزامى:- خوية چفينا شرك وخيرك اني بخير بعيداً عنكم ابقى يوم وصبح اشوفلي طريق اروح

:- اخذج لامي تبقين يمها واول ماتصير فجر تطلعن؟؟

خُزامى :- مااريد شكراً

كوه خليته يروح واني ماعندي ثقة بيه حسيتة مو راحة واكيد يعرف جسار وراح رجعت كعدت وبناتي نامن بمكانهن اول ماصار فجر كبل خليتهن يكومن وخطية هنن نعسانات عذبة كامت تبجي لان تريد تنام طلعنا لطريق گبل ومشينا مسافة طويلة

وكفت سيارة وصعدت كبل لبغداد اول ماوصلنا نزلت بناتي اكيد مااروح عند الإسلام اكيد يعرف ومااريد يصيرلة شي بسببي كعدت بالرصيف وبناتي يمي وحر كاتلنا اجت مرة بالعمر أربعيني

مرة:- بنيتي شتسوين هنا وبناتج وياج حار عليهن مو زين

خزامى:- ماعندي مكان اروحلة خالة

مرة:- تعالي وياي يلا يلا

خُزامى:- لا خالة مااريد شكراً زحمة عليج

مرة:- كومي دادا يلا

:- اخذتني وياها لبيتها ويا بناتي بيتها حلوة صغيرة واعتقد بس هي عايشة بيها

مرة:- اني عايشة وحدي وأمل الله جابكم الي افرح ويا هذني بنات

:-ابتسمت الها كعدت بالزاوية بس مرة وجهه مو راحة شاحب اللون وضعيفة نوب تدخن وبيتها صح صغيرة وحلوة بس وصخة وبناتي خافن منها