حب بلا امل

المفاجئه

الكلام اللى حقوله ده مهم جدا علشان حاله منال
ايه هو الكلام ده
بعد مرور ربع ساعه يخرج حسين من غرفه الطبيب وقد امتلاء عيونه بالدموع
اثبت يا حسين أثبت لازم منال تشوفك قوى
هكذا كان يحدث نفسه
يخرج من المستشفى ليقابل السائق الخاص
يقف ويشعل سجاره وهو يحاول ان يتماسك
خير يا استاذ حسين ؟
خير يا اسطى .....
الست منال كويسه ...حتخرج امتى ....طمنى ارجوك دى ذى بنتى ؟
ان شاء الله حتخرج قريب ادعى ليها من قلبك
فى ايه يا استاذ حسين شكلك مش مبسوط ومهموم
يحاول ان يتنصنع الفرح ولاكن دموعه تفضحه
منال حتعمل عمليه خطيره بكره !
ينهار اسود ...عمليه ...بكره ..لازم اقوله ما يجيش بكره
فى ايه يا سطى مالك ..بتخرف ولا ايه
لا ابدا بس بكره الحاج سيد جاى هنا علشان ياخد الست منال والست الكبيره ويروحوا
انت بتقول ايه يا غبى ويهم بضربه ثم يتركه بعد تجمع بعض الناس الموجودين فى المستشفى
امسك السائق الهاتف واتصل بالحاج سيد
سلام عليكم يا حاج
خير يا زيفت ايه تانى
الست منال حتعمل عمليه بكره وهى تعبانه جدا
كب ما انا عارف انها تعبانه المهم العمليه بكره الساعه كام
ليه يا حاج .....عاوز تعرف ليه
وانت مال .....
مش عارف ..بكره بالليل
الساعه كام
مش عارف
طيب ....غور اعرف وما تكلمنى علشان عندى اجتماع
اجتماع ...يا راجل يا ناقص ...بنتك فى المستشفى
حسبى الله ونعم الوكيل
لازم افهم الست هانم على كل حاجه
يلتفت يمينا ويسارا فيجد حسين واقف شارد ينفخ فى دخان سيجارته
يذهب اليه ليعرف مكان غرفه الانسه منال
تسمح يا استاذ ....حضرتك اسمك حسين مش كده
ايوه يا عم جلال
انت نسيتنى ولا ايه
لا ابدا يابنى بس الدنيا اخدت الواحد
ممكن اعرف رقم غرفه الست منال
ليه يا عمى
العفو يا استاذ حسين
خير ان شاء الله عاوز اقول حاجه للست الكبيره
عاوز رقم الغرفه يعنى بسيطه
تعالى معايا انا طالع هناك
طب ممكن تقولها تكلمنى على الموبيل
علشان مش حقدر اشوف الست منال وهى نايمه فى السرير
تعال ياعم جلال فى ايه مالك
يسكت وتبداء قطرات من الدموع تتساقط
بصراحه يا استاذ جلال انا غلطت فى حق الست الكبيره وحق الست منال
وكنت ببلغ اسرارهم للبيه سيد نظير اجر مالى
وكنت عاوز اقولها ان سيد بيه ناوى يخرب الدنيا عليهم
ماتخفش يا عم جلال
مش حيقدر يعمل حاجه بكره الصبح حيلاقى الجهاز المركزى بيطلب منه اوراق الشركات والمكتب المحاسبه بيعمل جرد على الشركه
اخره الفساد واكل مال اليتيم السجن
ونعم بالله ...فرحتنى بجوار السى يا ابنى
تعالى معايا شوف الست هانم وبلغها
مش حقدر سامحنى ..ويمسح عيونه من الدموع
يصعد حسين الى غرفه منال فيجد منال نائمه ووالدتها تجلس
بجوار السرير
ممكن يا ماما كلمه
خير يا ابنى فى ايه
تعالى بس معايا عاوزك فى كلمه
تخرج من الغرفه بينما منال ...تعيش لحظات من السعاده في حلم جميل
يجلس فى مكان مخصص للزوار
ةيبداء يحكى لها ما قاله الاسطى جلال
تسكت وتنظر الى حسين
ممكن تجيب الهاتف من غرفه منال
ممكن طبعا
يذهب الى غرفه منال ..فيجدها تهمس باسمه
حسين حسين انت فين .....بحبك والله بحبك
عارفه ان حياتى بايد الله وانى ممكن ابعد عنك
بس قلبى فداك ربى جانبك هو الدنيا كلها
يلتقط الهاتف ويخرج بسرعه الى والدتها
تلتقط الهاتف منه وتتصل
الوو سلام عليكم الاستاذ جمال المحامى
ايوه اذيك يا ست الكل خير
ممكن تاخد اجراءات الغاء التوكيل لزوجى
وتعمل اجراءات رفع الوصيه عن منال
الموضوع ده خلص من اسبوع يا هانم وبكره فى مكتب محاسبه حيستلم الشركه وانا بلغت النيابه بالتوكيل اللى عملته الانسه منال ليا بناء عن طلب منها شخصيا
طب اشكرك يا استاذ جمال
هو الاستاذ حسين بجوارك
اه ليه طب بلغيه سلامى وقولى له ان كل شى ماشى تمام
حاضر
هى فين ...الست اللى سايبه البيت لحد دلوقتى هى فين
انت يا استاذ فى ايه احنا فى مستشفى مش وكاله
انا عاوز اعرف مين اللى دخل منال هنا
وانت مالك يا سيد بنتى وانا حره فيها
بنتك .ههههههه اااه دلوقتى بنتك
ممكن يا استاذ تتكام بهدو ولا تخرج من هنا
وانت مال اهلك انا عاوز بنتى دلوقتى
لا استنى بنتك مين يا سيد
وانت مين ان شاء الله
ده حسين جوز منال
نعم اذاي انا حوديك فى داهيه
هههه مش تعرف لانك رحت خلاص فى ستين داهيه
انت بتقول ايه يا حيوان
بص وراك وانت تعرف
ينظر خلفه فيجد الامن وبعض من رجال الشرطه
ممكن يا سيد تيجى معانا
على فين ياحضره الضابط
على السجن ان شاء الله
ليه بقى ؟
حتعرف كل شى فى النيابه
يخرج من المستشفى وقد و ضعت فيه القيود الحديديه
تمر الساعات المتبقيه وتبدا رحله التجهيز للعمليات
وفى الصباح بينما حسين يجلس امام منال
حسين مالك شارد فى ايه
مافيش يا حبيبتى ابدا
ويغمض عينيه ليتوه فى عالم اخر
حسين انت مغمض عنيك ليه مالك
حسين ...حسين ...حسين
ماما ماما الحقينى حسين مش بيرد عليا
فى ايه يابنتى ماله
دكتور دكتور
يسرع الكل الى غرفتها
فى ايه يا انسه منال مالك
حسين مش بيرد عليا
طب ممكن ندخل العمليات
لا اسفه مش حدخل الا ما حسين يكلمنى ويدخل معايا
وبعدين ....حاضر يمسك يده يتحسس نبضه
ينظر الى الممرضه ....تاتى الممرضه بجهاز الضغط
بينما منال تنظر الي حسين والاجهزه معلقه فى جسده
ونبضات قلبها تخفق
يبتسم حسين ويفتح عيونه
تهداء ضربات قلبها وتعود الى مكانها بينما حسين
اسرع الدكتور الى منال وادخلها الى العمليات
ووقف حسين امام غرفه العمليات ممسك مصحف يقراء فيه
احست والده منال بالتعب فاخذت يد حسين وذهبت الى غرفه منال
احس حسين بدوار وان الدنيا تذهب بيه
ماما ماما ....انا وسقط على الارض
بينما منال فى غرفه العمليات تقاوم الموت
والدكتور يصارع الوقت لينهى العمليه
مرت الدقائق وغرفه منال قد تحولت الى منطقه خطره
حسين ممد على احد الاسره والكل يسارع فى انعاشه وعودته للحياه
بينما منال تنام فى الافاقه تصارع الموت
خرج الدكتور ليقابل والده منال ويخبرها انها قد خرجت من العمليات
فيجد حسين فى حاله غيبوبه
ينظر الى والده منال ويهمس فى اذنها
حسين ,,,احس بمنال ....منال تعشق حسين لدرجه انهم اصبحوا شى واحد
اصبحوا قلب فى جسدين لا يستطيع العيش بدونهما
كيف يا دكتور
حسين ومنال لا يستطيعوا الحياه معا
حبهم مكتوب عليه العدم فى الدنيا
حب بلا امل