ملكة الاسد الجزء الثالث

الفصل السادس والاربعون

مراد لفها ليه وقرب منها برغبه .تعرفي انك وحشتني اوي
زهره غمضت عينها باستسلام ومراد بيقرب اكتر وبعدين
...
تاني يوم الصبح
كانوا وصلوا لي الشقه اللي هيفضلوا فيها
لين بهدوء وهي بتبص ع الشقه .امال مرحناش الشقه القديمة ليه
ادم افتكر لما كسرها كلها وأن مفيش حاجه ع بعضها لكن قال وهو بيقرب منها ببراءة مزيفه.دي كانت مع الماضي مع ادم القديم دلوقتي ادم جديد وحياه جديده
لين اتوتر من كلامه ف رجعت لورا وقالت بكسوف .ممكن اشوف اهلي صح
ادم مره واحده قال بحزن مزيفه وضيق .ا.انا آسف .صدقني اسف
لين اتصدمت لما اعتذرلكن قالت.ع اي .حصل اي
ادم قالها اللي عمله تحت نظرات لين المصدمه.انا قولت علشان فعلا عايز ابدا معكي صفحه جديده وانا ندمان فعلا ع كل اللي حصل
لين بدموع وغضب.ازاي تعمل كداا .ازاي هااا.طب اهلي دلوقتي مفكرني هربت ثم أكملت بهمس .وكريم معقول افتكرني عملت كدا
ادم كور ايده بغضب وهو بيدوس ع سنانه لكن قال بهدوء مصتنع.انا هجي معكي وهقولهم كل حاجه  فضلتي معايا او لاا هعرفهم .بس مش دلوقتي مش هينفع أبدا دلوقتي صدقني
لين دخلت اول اوضه شافتها من غير ما ترد عليه
ادم بص عليها بضيق.كل ما احاول اقرب أبعدها اكتر
ادم مشي وركب العربية وطلع ع الفيلا
....
عند مراد وزهره
زهره اول ما فتحت عينها لاقت مراد فوقيها
زهره شهقت برعب .حرام عليك خوفتني .انت عامل كدا ليه
مراد وهو بيبص لتحت رح قال.حبيت اول ما تفتحي عينيكي تشوفني ثم اكمل بخبثه .صحيح ي زهره اللي حصل امبارح
زهره وشها بدأ يحمر لوحده
مراد وهو بيتني ايده وقرب من وشها اكتر.معقول بداتي تحبني .
زهره لفت وشها الناحية التانية وقالت بكسوف.بعد اذنك عايزه اقوم .
مراد .ما تقومي
زهره بكسوف وغضب .ازاي وانت كدا.شيل ايدك وابعد خليني اقوم
مراد دفن رأسه ف رقبتها بهدوء.بطلي تنكري انك بتحبني انتي فاهمه
مراد طبع بوسه خفيفه ع رقبتها وقام وهو سيبها في عالم تاني
مراد دخل الحمام ياخد دش
...
عند مالك قام من النوم وهو مبسوط وبص ع اللي نايمه جانبه بهدوء
مالك قرب منها وحرك ايده ع شعرها بشغف وهو بيفتكر ازاي حطها تحت الأمر الواقع ونقل هدومها
مالك قام لما سمع صوت مالك
مالك شاله من سريره بحب . حبيب بابا .
حمزه كان بيضحك وهو بيلعب بـ ايده
مالك .يلا نخرج ونسيب ماما نايمه شوي
مالك أخد حمزه ونزل تحت
تحت اول ما مالك نزل لاقه تمارا ماسكه ايد ادم وهي بتحرك أيدها ع وشه بدموع
مالك بص ع سميره تاخد حمزه وقرب منه وبص ع وشه بضيق .بقت احسن
تمارا بعتاب .كنت عارف أنه عمل حادثه وساكت ي مالك . بتكدب عليا
مالك بضيق .لسه عارف صدقني ومحبتش اقلقك
ادم بهدوء.خلاص ي حبيبتي ما أنا كويس قدامك اهو
وبعدين مسح دموعها.هطلع استريح شوي
تمارا هزات رأسها.هطلعلك فطار فوق كل الاول
ادم هز رأسه بهدوء وطلع
فوق ادم دخل اوضه وقلع هدومه
وفضل يبص ع نفسه في المرايا وهو بيقول .تستاهلي ي لين مستعد اعمل اي حاجه علشانك
ادم افتكر حمزه وفضل يبص ع نفسه بندم أنه كان بيمنعها من الحمل
تحت
مالك قعد بتعب
تمارا وهي بتحرك أيدها ع شعره.انتو اتصالحتوا انت ونور خلاص
مالك .حاجه زي كدا
تمارا.ربنا يهديهم ي حبيبي يآرب
مالك بهدوء. يآرب
فوق
نور قامت وبصت حوليها بملل
نور قامت بضيق ودخلت الحمام واخدت دش
نور فضلت تبص ع نفسها ف المرايا بهدوء
نور لنفسها.عايزه اي ينور.عايزه تبعدي ولا تكملي كدا ولا عايزه أي
نور مسحت ع وشها بتعب ولفه فوطه حولين جسمها وخرجت
واول ما خرجت واتحركت علشان تجيب هدومها
لاقت الباب بيفتح ومالك بيدخل
مالك ابتسم اول ما شافها كدا وقال وهو بيقرب منها.صباح الخير ي حبيبتي
نور بتوتر .صباح النور .حمزه مع سميره
مالك هز رأسه بعد ما حضنها .ااه قولتلها تأكله لحد ما تقومي
مالك بدأ يحرك رأسه في شعره وع رقبتها
نور بتوتر .مالك إحنا اتفقنا على اي
مالك سبها بحزن .حاضر
نور اخدت هدومها ودخلت الحمام بسرعه وبعد ما لبست خرجت
لاقت مالك بيسرح شعره وبعدين رش البرفان بتاعه وهو مركز ع انعكسها
نور اتوترت من نظراته ومش عارفه ازاي هتفضل معاا في مكان واحد
لكن مره واحده نور وشها بهت برعب
وحطه أيدها ع بوقها بصدمه
مالك لف وبصلها بستغراب.اانتي كويسه
نور فضلت بصه عليه بصمت ورحت اتحرك ع برا علطول
مالك كشر بضيق من تصرفاتها وخرج وراها
تحت نور اقعدت وهي في عالم تاني خالص
في الوقت دا نزل مراد وزهره
مراد بص ع مالك .يلا
مالك هز رأسه.لازم نمشي إحنا
مراد قرب من زهره وبسها من خدها قدامهم .هتوحشني
زهره بصت عليه بتحذير رح مراد ابتسم واتحرك ع برا
مالك أخد حمزه وبسه وبعدين قرب من نور وبسها
لو احتاجتي حاجه كلمني
نور ....
مالك بصلها بستغراب وخرج
....
عند أيهم كأن ماسك ايد فريده وهو بيبص عليها بهدوء.اتاخرتي اوي . وحشتني اوي.قومي بق ي فريده قومي
أيهم دموعه بدأت تنزل بضعف وهو حاسس أنها هتروح منه وأنها مش هتقوم منها
أيهم مسح دموعه ورجع يكلمها ع أمل أنها تقوم في اي لحظه
.....
بعد اسبوعين
عند ادم رجع من الشغل ع لين وقال بتعب. معلش اتاخرت عليكي .يلاا اجهزي علشان نلاحق نخرج
لين بصت عليه بهدوء وهي بتفتكر طول الاسبوعين اللي فاتو ازاي كان بيجي ولازم يخرجها كل يوم
لين بهدوء لأن كل دا مش فارق معها .قولتلك ملهوش لازمه .انت لسه مش كويس وكمان عندك مشاكل ف مش مشكله
ادم قام وقرب منها برفض .لاا دا حقك عليا . وخصوصاً اني مش بقدر اقعد معكي كتير
لين ابتسمت بتصنع .طب هدخل البس
لين دخلت وهي بتكلم نفسها.ع أساس اني هموت واقعد معك
بعد شوي لين خرجت بهدوء .أنا خلصت
ادم قرب منها وهو بيحرك ايده ع شعرها بحب .
ادم قرب منها علشان يبوسها لكن لين لفت وشها الناحية التانيه وقالت .ادم بعد اذنك بلاش
ادم بتصنع . طبعاا ي حبيبتي.براحتك . يلا
ادم اخدها وخرجوا بضيق
في العربيه.
ادم .تحبي نروح مكان معين
لين بملل .اي حاجه ي ادم مش هتفرق
ادم ابتسم بضيق وقال .هاخد مكان هيعجبك اوي مع أنه مينفعش دلوقتي بس كله يهون علشانك
لين قلبت عينها بملل وفضلت ساكته
ادم زود السرعه وهو بيحاول يتحكم في نفسه وهو شايف طريقتها
وبعد شوي وصلوا
ادم هزاها لما لاقها سرحانه .فوقي احنا وصلنا
لين فتحت عينها.انت جايبنه هنا ليه .
....
عند مالك ونور كانوا في البيت
مالك قفل الباب بهدوء مميت. دلوقتي حالا تقوليلي حصل اي .مالك مره واحده قلبتي وبقيتي غربيه كدا وطول المده اللي فاتت تتصرفتك مش عجبني .حتي مش بتتكلمي معايا وعلطول لوحدك .حصل اي لكل دا عملتلك اي علشان تعملي معايا كدااا .انطقي ساكته لييييه
نور اتكلمت بدموع.انا حامل
مالك واقف ثواني مصدوم .حامل .؟.
نور اتكلمت بدموع.معرفش حصل ازاي إحنا يعني محصلش حاجه بينا غير... نور مقدرتش تكمل
مالك قرب وبدأ يفوق من الصدمه هو كمان وهو بيبص ع بطنها ومش مصدق
لكن واقف لما قالت .أنا مش عايزه اولاد تاني دلوقتي مش مستعده لكدا .
مالك بهدوء.عايزه تنزلي يعني دا قصدك
نور فضلت ساكته
مالك بهدوء.لو دا اللي هيريح أنا معنديش مانع براحتك .شوفي هتكوني جاهزه امتي وأنا هكلم الدكتور واحدد معاد العمليه
نور بصت عليه بصدمه . انت موافق .
مالك بهدوء اكتر .طبعاا أنا مقدرتش اغضبك ع حاجه ولو دا هيرجع زي الاول وتكوني احسن ف ليه لاا .نور الام بتحب ابنها اول ما تحس أنه بدأ يتكون جواها عكس الاب وطالما انتي موافقه تعملي كدا في ابنك أنا مقدرش اقول حاجه
ورح خرج وسبها
نور قعدت على السرير وفضلت تعيط
مالك ركب العربيه وطلع بيها
....
عند ادم نزل ونزلها .مش قادر استني حاسس اني مضايق بسببك واني غلطت في حقكم ف لازم اصلح دا دلوقتي
ادم سبها وهو مضايق هو لو كان عليه كان قطع علاقتها بكل الناس لكن معلش دا هيساعده يقرب منها
فوق ادم خبط ع الباب وبعد ثواني الباب فتح وكانت امل
امل فتحت عينها بغضب اول ما شوفته .بتعمل اي هنا
ادم اتحرك وظهرت لين اللي عينها كلها دموع
امل بدموع .بنتي وبعدين سحبتها لحضنها
لين حضنت امها وفضلت تعيط بوجع وقهره
ادم كان بيبص عليها بهدوء
ادم .ممكن نتكلم ولا هنفضل وافقين ع السلم
امل بصت ع ادم بحقد وسحبت بنتها ودخلت
ادم دخل وراهم بملل وقفل الباب
امل وهي بتمسح دموعها.كنتي فين ي لين وازاي تسيبي البيت كدا وبعدين بصت ع ادم.اي اللي رجعك ليه تاني
وقبل ما لين ترد كان محمد فتح الباب ودخل
محمد واقف مصدوم لما لاقها وبص ع ادم اللي بيبص عليه وع وشه ابتسامه سماجه
محمد بغضب .انتي بتعملي اي هنا .مش هربتي من البيت جايه تاني ليه
لين قامت وقربت منه بصعوبة.بابا
محمد رفع أيده علشان يضربها .أنا مش ابوكي
لكن مره واحده كان ادم واقف قدامها وماسك ايده بغضب.بلاش تفكر تمد ايدك عليها تاني
محمد ابتسم بسخرية.انت اي .نفس اعرف عملت اي ف حياتي علشان تتطلعي كدا .اعمل اي علشان نخلص منك
ادم اتكلم بهدوء .مع الاسف مش هقدر تخلص مني وبعدين بص ع لين اللي بتعيط .لانك هتشوفني كتير والسبب لين ورح قال بخبثه.مراتي
محمد وامل بصوا لبعض.مراتك
محمد بص عليها بوجع .طالما مراتك اتفضل خد مراتك وامشوا من بيتك
ادم بلا مبالاة.اطمن هنمشي بس لما تعرف اللي عندي الاول
ادم قالو كل اللي حصل من الاول بكل برود كانه معملش حاجه
ادم .أنا كدا قولت كل اللي عندي . وأن لين ملهاش اي دخل وأنها متعرفش حاجه عن اللي حصل غير من قريب
ادم قرب منها وابتسم .همشي أنا وهجي اخدتك بكرا وبعدين بص ع محمد بجمود .أو في الوقت اللي تتصلي عليا فيه
ورح بسها من رأسها بحب وخرج علطول
محمد قعد بتعب . مستحيل يكون شخص طبيعي . مستحيل
لين قربت من محمد بدموع .بابا
محمد بص عليها بيأس مش عارف يعمل ايه
لين دخلت في حضنه .احضني أنا خايفه اوي وتعبت
محمد حضنها وضمها ليه وهو بيبص ع أمل اللي دموعها بتنزل بصمت
محمد قام بسرعه. لازم اكلم أبوه .اكيد ميعرفش حاجه.لازم يعرف ابنه بيعمل اي
لين منعته وهي بتمسح دموعها.لاا ي بابا ملهوش لازم
محمد .يعني اي
لين قالته ع اتفاقهم
محمد بجنون .وانتي مصدقه المجنون دا اكيد بيكدب عليكي
لين بهدوء.معنديش غير أنه أصدقه .معنديش امل تاني.لو كلمنا أستاذ اياد هيعمل اي يعني اهو رجعني ليه تاني اطمن ي بابا هو مش زي الاول
لين قامت وقالت بمرح مصتنع . كفايه دموع بق انتو وحشتوني اوي ونفسي اكل من أكلك اوي متعرفيش وحشتني اد اي
محمد قال بهدوء .وكريم ؟
لين سكتت لكن قالت .مالو .أنا واحده متجوزه دلوقتي واظن أنه خلاص .
لين بهدوء.هدخل اغير واجي
.....
عن مراد وزهره
كانت زهره قاعده تبص ع مراد اللي بيشتغل ع الورق بهدوء
مراد .عايزه تقولي حاجه
زهره.ابدا بس كنت بفكر اقعد عند ماما كام يوم
مراد .السبب
زهره بلا مبالاة مصتنعه.عادي
مراد ابتسم بعد ما سب الورق.معقول عايزه تهربي مني .لاا.لاا متقوليش بداتي تحبني ي زهره ولا اي
زهره قامت بغضب وتوتر .اي اللي بتقوله دا
مراد قرب منها وحط ايده ع وسطها وهو بيقولها .اي رأيك في فكره احلا .وبعدين قرب منها وقال بصوت واطي.نجيب حفيد لعيله بدل الهبل اللي بتقولي دا
زهره نزلت ايده وقالت بتوتر.مراد لم نفسك .أنا بجد عايزه اروح عند ماما
مراد وهو بيرجع يحط ايده تاني.لاا علشان مش هقدر اخليكي تبعدي عني بعد ما اتعود اقوم الاقيكي نايمه جانبي ثم اكمل بوقحه .عريانه
زهره ضربت مراد بغضب .سافل وحيوان
ودخلت الحمام بسرعه وقفلت الباب بغضب
مراد كان بيضحك بصوت عالي
جوا
زهره حطه أيدها ع وشه بكسوف
....

بليل عند مالك رجع بتعب بعد ما فضل يلف بعربية ودخل اوضه لاقها نايمه بعمق وأثر الدموع ع وشها
مالك قرب منها وحرك ايده ع بطنها بهدوء ورح أبتسم
مالك بسها من رأسها بحب وقام غير هدومه ورح نام جانبها بعد ما اطمن ع حمزه
....
تاني يوم الصبح
نور صحيت لاقت مالك بيلبس
مالك ابتسم . صباح الخير يا حبيبتي
نور بتوتر . صباح النور
مالك وهو لسه بيلبس .كلمت الدكتور ولو تحبي ممكن تروحي النهارده بليل
نور قامت بسرعه من ع السرير وقالت بخوف واضح .بسرعه كدا
مالك هز رأسه.احسن ي حبيبتي علشان ميحصلش مشاكل بعدين وانتي تتعبي لاني سمعت أن لما البيبي بيكبر بيكون صعب يبتعمل العمليه
نور بغضب .وانت مستعجل ليه.انت عايزو
مالك ابتسم لنفسه لكن قال .لاا طبعاا .أنا نفسي فيه جدا لكن مش هقدر اجبرك ع حاجه ولو دي رغبتك دلوقتي ثم اكمل بقصد انك تقت-لي ابنك ف براحتك ينور
مالك بهدوء.المعاد الساعه 7ماما هتروح معكي بس هي هتكون عارفه انك هتكشفي بس علشان متزعلش وكدة
نور بتوتر .انت مش هتجي
مالك برفض . لاا مش هقدر استحمل .آسف
ورح خرج وسبها وهو يبتسم بهدوء