رواية احببتها واغرمت بها واصبحت مريضة سرطان😔

بارت13

لازلت احبك وهذا موجز اخباري...وباقي التفاصيل انا مشتاق بالمره
(اذكر الله ياصاحبي )
(لاحول ولاقوة الا بالله )
لفت جدتها :انتي وش مقومك ومجلسك هنا عند الباب
هيّاف تلعثمت:كنت ادور على شاحني
جدتها :كاني سمعت صوت رجال والا اتحلم
هيّاف توترت وبان توترها:لا شكلك تحلمين كملي حلمك
جدتها شكت فيها وسكتت:روحي جيبي لي مويه
هيّاف راحت للمطبخ :اف يارب ماشكت فيني والا ماتخلي احد ماتقوله
طلعت كوب وراحت لجدتها
ام صبحي جدتها :وش مجلسك تبين تقومين عمتك
هيّاف كانت تدور الورقه اللي فيها رقم هايف تبي تعرف وش صار فيه وبأخوه
هيّاف :بدور ورقه فيها رقم رقم دكتورتي بالورقه
جدتها اشرت على شنطتها:عطيني شنطتي
هيّاف انصدمت وش ليكون الورقه اللي فيها الرقم بشنطتها
هيّاف مدت لها شنطتها وفعلاً طلعت الورقه اللي فيها رقم هايف
هيّاف :ليه اخذتيها
جدتها بكذب وهي كانت تبي تشوف الرقم حق مين بس على حظ هيّاف ماامداها تشوف :حطيتها بشنطتي خفت انها تضيع ويلا بنام وان ماصحيت على الصلاه صحيني
هيّاف اخدت الرقم وطلعت لغرفتها قفلت الباب وشافت مكان هايف واخذت فراشه صففت الفرش وحطتهم على جنب سجلت الرقم كلمت نفسها بعد ساعه بدق بشوف وضعهم الحين اكيد متقروش
عند هايف واهله ⏱️الساعه ٣فجراً
ام هايف تبكي وتمسح دموعها:يلا ياهايف خذني للمستشفى بشوف ولد الناس يويلي كانه مات بس وتبكي
هايف :لا ان شاء الله مافيه شي يلا اركبي بس بشوف اخوي
صعد فوق هايف دق الباب على منيف
منيف اخو هايف >سبق وقلت لكم
فتح الباب منيف متفشل من هايف :هلا والله باخوي اللي مانشوفه الا مره بالاسبوع
هايف :هلا فيك وش مسوي انت بولد الناس
منيف :ياولد حادني بالسياره وين اروح وين الف يلحقني نزلت من السياره انتظرت انه يعتذر بس قليل ادب يلومني ويحرك يده بطريقه قذره مااتحملت عطيته كفً وعاد اعتداء علي وكملت عليه
هايف :انت ماتقدر تتحكم باعصاب على طول الحين الولد بين الحياه والموت
منيف وهو متحسر وخايف فعلاً يموت بتدمر حياته منزل راسه وحاط يده بشعره :روح شوفه انت الحين يمكن تغير وضعه
هايف وهو واقف :اي بروح وببلغك بكل شي يلا تأخرت على امي ادع انه يحيا
طلع هايف من غرفة منيف الا يشوف خواته يبكون على حال امهم واخوهم
ود ومنى وفرح كلهم بصوت واحد:هايف امانه طمنا وش يصير معكم
فرح :انتبهه لماما
منى وهي تبكي:ياويله منيف ابوي مادرا عن شي
هايف :لاتعلمونه اذا جاء هو يعرف الحين تخوفونه لو درا وهو مسافر
هايف طلع راح عند امه
عند البنات ~~~بيت ابو هايف
منى وهي متوتره :بنات ادعوا الله يطمنا ومايصير شي بولد الناس
ود :اكثر شي خايفه اني افقده هو منيف <نسيت اكتب انهم تؤم منيف وود كلهم اعمارهم 22>ومتعلقين ببعض مرا
فرح :لا ان شاء الله مراح نفقده وش هالتشاؤم ياود
عند هايف وامه بالمستشفى اذن الفجر وهم بالمستشفى ⏱️
هايف راح يسأل الدكتور عن حالة الولد
هايف :بالله بسألك عن الولد اللي بالغرفه اشر على الغرفه اللي فيها الولد
الدكتور :الضربه كانت بنص الراس وماهي بسيطه والحين غيبوبه هو
هايف:طيب هو وش فيه
الدكتور :وضعه صعب فيه نزيف داخلي بالراس
ام هايف اللي كانت تسمع الدكتور بكت اكثر
الدكتور: مااعتقد انكم اهله لاني شفت اهله موجودين بالجهه ذيك مين بتكونون
هايف :اخوي اللي متسبب بالضربه
الدكتور وهو يشوف ام هايف محزن على حالهم:مابيدكم غير الدعاء ادعوا له
ام هايف تبكي وتدعي
هايف ضاق صدرها ماوده يشوف امه كذا
عند هياف وهي مانامت من يوم ماصحاها هايف وهي مانامت
صلت هياف ومسكت جوالها وهي متردده تدق على هايف والا لا
دقت بدون ماتحس
عند هايف يشوف المتصل والرقم غريب استغرب ورد
هايف :هلا مين معي
هيّاف توترت وش بتقول لها :لا رد ماردت هياف
هايف:من معي الو
هيّاف ردت :هايف صح
هايف انصدم صوت بنت وكانه يعرف هالصوت :اي مين بتكونين
هياف :هيّاف اكون وش صار معك
هايف وكانه اسمها طبطب عليه ومسح الهم اللي كان فيه طلع شوي عن امه خاف انه امه تسمعه :ياهلا كاني سمعت الاسم غلط عيدي ثاني مرا
هيّاف ضحكت حتى وهو بهم الا يطقطق هيّاف :لا ماسمعت غلط وضحكت كملت:وش صار باخوك وامك
هايف:الولد اللي اخوي ذابحه فيه نزيف داخلي براس والحين بغيبوبه دعواتك له
هيّاف حزنت على حالهم:ان شاء الله يقوم وتفرحون وامك للحين على حالها
هايف:اخ لو تشوفين امي قطعت قلبي والا اخواتي
هيّاف حزنت عليهم ودها تروح تطبطب عليهم : انت هونها على امك طمنها بالكلام انه ان شاء الله يتعافى ويصير مافيه شي
هايف :ماتستجيب
هيّاف:يلا اتركك
هايف :يلا انتبهي على نفسك وجدتك وعمتك صحيهم على الصلاه قبل يدورن لهم سالفه عشان يصجونك فيها اليوم وضحك يلا سلام
قفل الخط هايف ضحكت هيّاف على كلامه وتذكرت جدتها فعلا ماصحتها
نزلت تحت الا تشوف جدتها صاحيه وعمتها بعد
هيّاف منصدمه انه عمتها تسوي فطور
دخلت عليها هيّاف :وش تسوين بالفجريه
موضي :امي لازم بعد الصلاه تفطر
جلست بالطاوله هيّاف وطلعت لها عصير طبيعي من الثلاجه قعدت تشربه
موضي :ليش ماتساعديني والا بس فالحه بالاكلً
هيّاف :طيب اطلعي وانا اكمل باقي الفطور
موضي :عقب ماسويته كله
هيّاف :انتي تقولين ساعديني بعدين تقولين سويته كله
موضي :روحي افرشي السفره عند جدتك بس
اخذت السفره هيّاف وهي تشوف جدتها جالسه تستغفر
هيّاف بينها وبين نفسها زين تمسح ذنوبها اللي تسويها مع الناس
فرشت السفره بالطاوله الا جدتها تكلم :تعالي حطي السفره بالحوش
طلعت جدتها وهي ماسكه العكاز حقها
فرشت السفره هيّاف بالحوش وقامت تجيب الفطور مع عمتها
موضي :بكرا تعالي لاتسحبين عاد وش يفكنا من سوالف الناس يقولون مايعزمون بنت اخوهم
هيّاف وهي تتذكر انهم ماعزموها على العرس:وهم صادقين الناس ماتعزموني
موضي :مو كل عزيمه لازم نعزمك فيها وتكونين فيها
هيّاف :صادقه وعشان كذا بكرا مراح اكون موجوده
موضي :لاتجين بيزعل عليك عمك صبحي (موضي عارفه انه هيّاف تحب عمها صبحي )
هياف :اي تذكرت انه العزيمه له اجي ليه مااجي
طلعت موضي وطلعت هيّاف وهي ماسكه الخبز معها جلست بالحوش مع عمتها وجدتها
جدتها :هيّاف روحي جيبي شنطتي بشوف الموعد الساعه كم بالضبط
موضي:يمه الساعه ٨بس لازم نروح الساعه ٧ونص عشان بيكون زحمه
جدتها :اجل اجلسي هيّاف
هيّاف قامت من عندهم وهي تبي تنام مانامت زين
جدتها :اجلسي معنا افطري
هيّاف :مو متعوده افطر هالوقت هذا
موضي :دايم تحبين تكونين غير
هيّاف :شي راجع لي وطلعت لغرفتها
هيّاف فتحت شباك غرفتها وطفت المكيف لانه الجوء برد وخصوصا الفجر كان هواء بارد طفت الانوار وهي تشم ريحة عطر هايف بالمفرش حقها
سحبته وغطت نفسها فيه وهي تدعي انه الولد يصير مافيه شي
صارت الساعه 8 صباحاً
ناخذكم لمكان نادرا نزوره ~~~الولايات المتحده الامريكيه~~
باحدى شوارع امريكيا يتجول عبدلله <نذكركم اخو هيّاف😂>
عبدلله هو معه اصدقائه كلهم امريكين
عبدلله :يالهي بعد اسبوع واربعة ايام راح افقدكم كثيراً <يتكلم بالانغلش>
كرم:راح نفقدك كثير ايها الشاب الوسيم
يزن:بالحق نتفقد بعض نتفقد الذهاب الى الفطور سوياً
عبدلله :لماذا بعد الابتعاث ماتتقابل سوياً
يزن:حقاًً نعيد الذكريات سويا ايها الشاب الوسيم
كانو الاجانب ينادون عبدلله بالشاب الوسيم كان اكثر جمالاً ووسامه ياخذ من ملامح هيّاف بشكل كثيرر
نرجع لسعوديه وتحديدا الرياض الحبيبه⏱️الساعه 8صباحاً
صحت هيّاف وشافت جوالها الا تشوف الساعه 8 فزت تبي تشوف جدتها راحت لموعدها والا لا
نزلت تحت وهي تشوف البيت مافيه احد وعمتها شايله اغراض الفطور
وغاسله الاغراض هيّاف :سوت خير والله بس البلشه انهم لاجو يارب مايجون مالي خلق لصداع الراس
سوت لها فطور وكان عباره عن توست وعسل وجبن سوت لها كوب حليب مع شاهي وطلعت بغرفتها تفطر اخذت جوالها كلمت امها وخلصت
الا تشوف هايف داق  انصدمت من هايف ليه داق
هايف :ابشرك
هيّاف وهي مبسوطه :بشرني
هايف:الولد صحى من الغيبوبه وتحت الملاحظه
هياف فرحت :والله انبسطت الله يفرحكم بخروجه كيف وضع الوالده عاد
هايف :الحمدلله هدت يوم سمعت انه صحى من الغيبوبه
هيّاف :الحمدلله يالله بسكر بفطر
هايف تكدر خاطره:على طول تسكرين بسولف طيب
ضحكت هيّاف وقفلته بوجهه
هيّاف :هذا اللي ناقص اعطيك وجهه خلاص عطيتك وجهه اكثر من الازم
عند هايف اوريك ياهياف تسكرين الخط بوجهي
هايف :يمه خلاص تطمنتي انه صحى يلا نروح للبيت
ام هايف :يمه ابوك لايدري والله ليذبح اخوك منيف انت تكفل اذا يبون تحقيق
هايف :خلاص لاتشيلين هم
راح هايف وام هايف للبيت
ببيت ابو هايف
ود :يارب انه مافيه شي (ماعلمهم هايف بس بلغ هيّاف اللي اخده قلبه )
فرح :ان مافيه شي يالله مانمت لي يومين
منى :كلنا بس عساه يطلع الولد
منيف وهو ساكت وخايفه يكون فيه شي
الا يسمعون الباب يوم انفتح كلهم ركضوا له
ود :هاه الولد صحى وش صار فيه
منى :تكفى طمنا
فرح ضمت امها
هايف :شوي شوي علي ابشركم الولد صحى وان شاء الله يطلع
منيف فرح:اخخ الحمدلله الله فكني من شره وبلاه
هايف:انت ادع الحين انه يطلع من المستشفى ويصير كويس لازم تحقيق
هايف :عاد انا استأذنكم بروح اريح ويابنات خلو الوالده ترتاح تراها مانامت
منى :لاتروح بسوي فطور ونفطر كلنا مع بعض
هايف :لا لا انا وامي تو مفطرين
منى :اجل روحوا ناموا انا بسوي فطور لي ولاخواتي واخوي
هايف :منيف ماتدري ابوي كم يوم شغله
منيف:اسبوع
هايف:ان شاء الله والولد قد صحى
منيف :ياذن الله
هايف:لاتعودها يلا رح نام وبروح اريح
هايف راح لغرفة اللي فاقدها راح لدورة المياه اذ شور دافئ كون الجوء بدا يبرد خلص من الشور بينام لحد العصر ويقوم عنده جلسه
عند هيّاف
هيّاف تكلم نايفه هيّاف :الا نايفه تعالي بكرا عندنا حفله بيت جدي عمي جاي
نايفه: بشوف بقول لماما
هيّاف :تعالي انتي وامك لاتخلوني لحالي
نايفه:لا ماما ماتقدر من رجلها
هياف :اليوم بجي واسلم على امك ياروحي هي
نايفه :حياك ياعيوني
قفلت هيّاف من عند نايفه
راحت هيّاف اخذت عبت البانيو رغوه وصابون دخلت بالبانيو وهي تتسبح
هيّاف :يوه من زمان احسسس ماتسبحت من قلب وهي تسبح وخلصت من الشاور وهي تحط مرطب بكامل جسمها ريحة المرطب كان مايله لرائحة الكرز جهزت لسبها اللي كان عباره عن فستان قصير يوصل لين فوق الركبه له زمره من عند الخصر وعلاق لونه بينك كان راسم خصرها رسم فتحت شعرها من المنشفه حطت الخمريه بين اطراف شعرها مشطت شعرها وجففته خلصت من شعرها حطت مرطب بوجها وشوية بلشر وتنت وقلوس حطت ماسكرا شوي ومسكت الكتاب وقامت تقرا فيه شافت هيّاف التاريخ اللي كان باقي على جامعتها يومين زفزت بضيق ماله خلق لدوام
صارت الساعه 2:40دقيقه عند هايف
دق المنبه وهو يشوف الوقت فز مابقى شي على الجلسه
شاف اغراضه مجهزتهم الخادمه
غسل وجهه هايف ونادا :زمرد <شغالتهم>
زمرد:نعم بابا هايف
هايف:صلحي بخور وجيبي اوراقي من المكتب
زمرد اللي كانت متعوده على هايف وطلباته:بابا اجيب قهوه بكوب
هايف :لا لا بس روحي جيبي البخور والاوراق
طلعت زمرد وهي تبي تجيب الاشياء اللي قالها هايف
هايف لبس الكوبك وضبط مرسام الغتره الا تجي زمرد اخذ هايف البخور وبخر نفسه واخذ الاوراق وطلع شغل سيارته ومر على الكوفي اللي جنب الممشى اخذ قهوتين وكب كيك له ولهياف >ماينساها 😔
طلع من الكوفي ولف لجهة اللي فيها بيت هيّاف
نزل من السياره واخذ كوب هيّاف وكب كيك كله لها  ترك كوبه
رن الجرس
عند هيّاف وهي تأفففت ليكون جدتي جت بعد نزلت كتابها اللي كانت تقراه
هيّاف :مين
هايف لا رد خاف اذا رد تنذلت ومافتحت الباب
هيّاف شنو ذا ليكون قطو يدق فتحت الباب الا تشوف هايف على طول داخل
هيّاف :خير ليه ماتردد
هايف :خفت اذا رديت مافتحتي الباب لي
هيّاف وهي تشوف الكوفي معه :ليكون بتجلس وتحلي بعد
هايف :ودي اسويها بس عندي جلسه
هيّاف تذكرت جلسته الا كانت بعد شوي تبدا :اجل ليه جاي
هايف وهو مانزل عينه من شكلها وده يضمها ويروح كانت كانها طفله
هايف نزل الكوفي والكيك :هذي جايبه لك عشان تروقين وباليل تكلميني وغمز لها
هياف جت بتضربه الا هايف مسك يدها وحضنها
هياف تجمدت وماقدرت تسوي شي
هايف مبسوط انها متقبله الحضن يشدها اكثر
هيّاف صحت على نفسها وتنحنحت بلعت ريقها:انت خير من سمح لك
هايف ضحك :اشوفك متقبله وشديت اكثر لقيت فرصه ماصدقت ضحك اكثر وهو يشوف شكلها متفشله هيّاف جت بتتكلم الا تشوف هايف طالع ويسوي بيده باي
هيّاف سكرت الباب :الله ياخذك مدري وش صار فيني من ريحة عطره الكلب هيّاف ضحكت لما شافت الكوفي تذكرت كلامها هيّاف تطنزت:عشان تروقين وباليل تكلمين واثق من نفسه
اخذت الكوفي وهي تفتح الكيس وتشوف كب كيك اللي تحبه جابه لها هايف بالصدفه ماكان يعرف انها تحب هالنوعيه ذي انبسطت تبي تعرف هايف وين لقاه دقت عليه
هايف بالسياره ماشي للجلسه:هلا اعجبك الكوفي صح جايه تسأليني من وين
هيّاف ضحكت هذا كيف عرف:اممم انت كيف تعرف اشك انك كاهن
ضحك هايف:اعرف بس مراح اعلمك عشان كل شوي اجيبه لك وضحك اكثر وهي سمع هيّاف تتحلطم:عاد مو مكتوب شي عشان اعرف الكوفي من وين
هايف :امانه احسن اذا عكر مزاجك ابد دقي علي
ضحكت هيّاف :يلا اخليك تسوق
هايف :مو ودي اقول يلا بس بخليك تروقين
سكر الخط هايف وكمل يسوق
هيّاف وهي اول مرا تحس فيه احد يهتم فيها هالكثر
هيّاف :صدق جيتني من الله هديه من السماء بعدين ضحكت