في عيونك العسليه اهزم واقع في غرامك

بارت 10

حيووو قايز اخباركم يلا نبدأ
.
.
.
.
.
.
رؤى والياس

الياس: شفيك ماني ماكلك ترا
رؤى بخوف: ب بالله وخر لاتقرب مني تكفى
الياس بخوف عليها: شفيك يابنت الناس وهو يقرب
رؤى معد قدرت تتحمل صرخت ودموعها تنزل: وخرر شتبي مني ما ابيك ما ابيك أبعد عني لاتقرب الله يخليك مابقول لأحد وخر عني.
وهي تطيح على الأرض وتسكر اذنها وتردد: اكرهك اكرهك دمرتني.
الياس جمد مكانه معد قدر يتحرك هو ماسوا شيء لها عشان تبكي يوم شافها طاحت جته لحظة إدراك انه لازم يتصرف بس كيف هو عمره ماتعامل مع أنثى ماعنده خوات امه بس كيف يتصرف وش يسوي نفض افكاره و قرب منها وهو يحاول يهديها: اسمعيني أنا الياس مو اللي تكرهينه تكفين اسمعيني
كل محاولاته فاشله كانت تهز رأسها يمين ويسار ماتبي تسمع ماتبي تشوف ماتبي تتذكر.
الياس قفلت معه وضمها بقوه لصدره يبي يوصل لها انه ماهو اللي في بالها انه الياس اللي يحبها أي أي يحبها كان يكن لها مشاعر من اول يوم ماقدر يعبر لها ماقدر يعترف لكن اليوم كل شيء تغير يشوفها في ذا الحال ويسكت؟ طبعا لا كانت تبكي بحرقه وتقول: دمرتني الله لا يسامحك دمرتني ليش تسوي وانت اقرب شخص لي ليش.
حس بدموعها تبلل ثوبه رفع راسها يبين لها انه مو هو فتحت عيونها تشوفه وكأنها استوعبت هي وين وهي في حضن مين كانت محرجه منه بشكل ماتدري كيف بتبرر له لو يسألها وش تجاوب هل تفتح قلبها له وتعلمه ولا ماتثق فيه كان يشوف خدودها الحمراء من الاحراج حس على نفسه وشالها يغسل وجهها طالعت فيه مصدومه وهي تقول له: نزلني أعرف امشي ( صدق ماتستحين هذا وهو يساعدك)
الياس:................
.
.
.
.

عند بنوتاتنا
سفانه: اقولكم طولت مره ولا اتوهم
اماليا: الا والله وبزياده وش صاير ؟
وديان : بنات خلاص خلوها شتبون خلوها ترتاح
لارا: اعصابك حبيبي هدي شوي.
.
.
.
.
.
.
.
هاييي كيف بس وأنا راجعه لكم بأحداث اقوى مستعدين ترا تقريبا بأخلي الروايه عشرين او ١٥ بارت احتاج رايكم وبس والله
من تتوقعون سبب اللي تعيشه رؤى والبنات وش بيصير فيهم؟
اشوفكم بكره