في بعض الاحيان نرتكب بعض الاخطاء الخارجه عن ارادتنا تتسبب في جرح اشخاصا قريبين لقلوبنا فما عسنا ان نفعل فالضروف هي التي تحكمنا وما باستطاعتنا سوى القيام بالاعتذار الشديد لمدى الحياه على جرح قلوبا نظيفه ورائعه فنحن اسفون ونرجو ان نسامح على اخطائنا الغير مقصوده 🖤
•••••••••••••••••••••••••••••••••••••••••
#للكاتبه براء
#احببت_من_لايبالي
#بارت__36
نجمه : وصلنه للانبار استقبلونه الناس بره واني وامي والبنات دلونه على مكان النسوان دخلنه .... طلعت مرت الشيخ جلال (شيخه شمياء ) هي والبنات الي وياها ذاك الاستقبال ... شكد ناس حبابين
شيماء : اهلا وسهلا بعد كلبي نورتونا تفضلو
مريم : حبيبتي منوره بوجودكم
شيماء : تفضلو استريحو ... وصلو علما نصب غده
مريم : عيوني ام حازم ماكو داعي تزحمون نفسكم
شيماء : لا ماكو زحمه احنه اهل ام لؤي وانتي حجيه اجيبلج كرسي تصلين عليه اريحلج من الوكفه
خوله : لا شكرا بعدني بحيلي اكدر اصلي واني واكفه
شيماء : الله يدوملج الصحه ويحفظج حجيه
الكل : امين
خوله : رحم الله والديج
شيماء : يله من رخصتكم دقيقه
الكل : براحتج
جميله : كلش حبابين شفتو اسلوبها
مريم : اي همه خوش ناس الله يحفظهم
خوله : جاا وينها هاي نازك مدري شنو ولعابت لهل الاسم المخربط
مريم : يمه لخاطر الله لاتبدين
خوله : وشحجينه هسه
نجمه : كمنه توضينه وصلينه كملنه وكعدنه شويه ودخلت ام حازم هي وبناتها سلمن علينه ... يا ترى منو نازك منهن
شمس : شاورت جميله .... شتكولين منو نازك
جميله : اني اكول هاي ام الوردي
شمس : لا اني اكول هاي ام الثوب المشجر
جميله : هسه تعرفنه عليهن ونشوف
مريم : شلونجن حبيباتي شخابرجن
البنات : الحمدلله
مريم : جاا وين نازك
شيماء : ها اي هسه ... روحي يمه حور صيحي لاختج
حور : صار ... طلعت وصعدت لنازك فتحت الباب .... لج نازك امي تكول نزلي صار ساعتين كاعده تبدلين
نازك : طلعت بتوت الذهب ملاتي ... اي كملت بس البس ذهبي
حور : ولج شدعوه لابسه كل هالذهب شنو ماشايفه
