#احببت_من_لايبالي
#الكاتبة_براء
#بارت____39
نازك : مرت زين جايه
مريم : ليش تسألين
نازك : دجاوبيني يايمه
مريم : اي جايه
نازك : هااا .... خوش جاا سمعيني مرت زين ماتحظر العقد وهسه ترحين تطلعيها بره
مريم : شلون شلون
نازك : والله مثل سمعتي
مريم : بعصبيه وانتي شعليج بيها حظرت او لا انتي شكو
نازك : والله العقد عقدي والبيت بيت ابويه يعني اخلي الي يعجبني واطرد الي مايعجبني
مريم : الواضح اني هواي اطيتج مجال كلت خطيه اعتبرها مثل بنتي واعاملها بطريقه محترمه .... بس انتي مو مال هيج اسلوب ... سمعيني وفتحي اذانج زين اني مو فقيره ولا غريره .... اكدر اسوي اشكال والوان وحتى هذا العرس اكدر بلحظه وحده افركشه ... وصدكيني اني كلمتي مسموعه ورجلي وولدي خاضعيلي مو شلون ماكان .... بكل بساطه اكدر من البدايه بعد ما سمعت شروطج التعجيزيه ارفض واكلج روحي ركعي راسج بميت حايط وسوي الي تردي اني ابني رجال ومايتعيب انتي الي تنعابين والسمعه عليج مو عليه ... بس اني خفت الله بيج وكلت خطيه اعتبرها مثل بناتي وشتريد اسويلها حتى توافق بس طلعتي فرد مره مو مجال
نازك : يعني حتى بعقدي مايحقلي اتهنه كتلج مااريد اشوفها ليش جبتيها وياج هااا لو اله تردين تنكدين عليه
مريم : لا تسويلج حلاوه بكدر مزروف .... صار اسبوع اني على اتصال دائم وياج ماكتيلي مااريدها تحظر ولو هو مو من حقج ترفضين وجودها هي وحده من اساس العائله واكيد لازم تحظر بعقد حماها
نازك : هسه اني ما اريدها تحظر شوفيلج حل ... اذا انزل واسمع بيها موجوده اكلب الدنيا والله
مريم : خلص اني نازله اخذها واطلع وياها .... وانتي عود كملي العقد وحدج
نازك : شدعوه كل هالدفاع المسلح الها
مريم : اني جنايني خط احمر احترامهن من احترام ولدي والي يمسهن يعني يمسني ... يله اني نازله اخذ جنتي واطلع مو انتي الي تمشين حجايتج عليه ... عافتها واجتي تطلع
نازك : اوكفي اوكفي خلص اني موافقه تحظر بس لاتزعلين
مريم : مو انتي الي تقررين تبقه لو لا اني الي اقرر هالشي
نازك : حضنتها خلص سوي الي تردي بس لاتزعلين كلشي ولا زعلج يمه .... بكلبها الله ياخذج يا حقيره
مريم : ابتعدت عنها .... ببرود يله اني نازله يم الناس وانتي لا تتاخرين عشر دقايق ونزلي لا تاخرينه
نازك : بابتسامه صار
_________________
براء : واكفه اسولف ويه البنات وحسيت بايد على متني درت وجهي شفت حنان
