مرحبا حبايبي العسل شلونكم ❤❤
#احببت من لا يبالي
#للكاتبه براء
قصي : باوع رقم غريب ... شاله .. الووو منو
نازك : بدموع الوو قصي اني نازك لاتسده حباب
قصي : لارد
نازك : قصي الله يخليك لا تسكت اريد احجي وياك
قصي : بهدوء شتردين انتي وتالي وياج
نازك : بدموع اريدك قصي حباب خلينه نتفاهم لا توصلها للطلاك
قصي : بحده من سابع المستحيلات افكر ولو تفكير انو ابطل على الطلاك ... لو تنكلب الدنيا اطلكج
نازك : بجت قصي الله يخليك سمعني اني تغيرت والله وندمانه على كلشي سويته ومستعده اسوي اي شي بس سامحني حتى اذا نكعد اني وياك بغير مكان المهم عندي انت بس الغي فكرة الطلاك اني ما اريد اتطلك اني احبك قصي وماحسيت بقيمتك لمن ابتعدت عنك
قصي : والله لو مو توبين وتتندمين لو تنزلين بوسين قندرتي ماارجعج انتي وحده خاينه وعديمه اخلاق وبعدين تعاي من شوكت تحبيني انتي جاا وين راح زين الي تتخيلي بفراشج فهميني كلبج سلفه كل شهر يم واحد
نازك : بدموع كل الي كلته صحيح بس والله اني متندمه ومستعده كلشي اسوي حتى نرجع سوه ... اما بالنسبه للحب فاني عرفت الحب وياك وكل الي جنت اسوي طيش لا اكثر ... خلي نرجع سوه قصي اني ادري بيك تحبني مثل مااحبك ليش تدمر حياتنه خلينه نبدي من الصفر
قصي : بعصبيه مثل ما بدينه من الصفر وتاليتها الكاج بغرفه اخويه اذكرج لو نسيتي ياشريفه
نازك : انسى زين لخاطر الله اني جاي احجي بخصوص علاقتنه والي بيناتنه
قصي : نازك من الاخير ماكو اي شي ينحجه بخصوصنه وكل الي بيناتنه منتهي يابنت الناس حفظي ماي وجهج وكرامتج وحلي عني وخليني بحالي وانتي هم روحي سوي الي تردي بس بعيد عنه ماراح اكلج اني اكرهج لو حاقد عليج لو اي شي لان انتي ماتستاهلين اكنلج اي مشاعر بكلبي سواء كانت كرهه او حب وهسه رجاءا بعد لا تراسليني تره اتصل على والدج وابلغه بازعاجج الي وهو ساعتها يتصرف وياج مفهوم وهسه يله ولي سده شامر الموبايل بعيد عنه
نازك : قصي قصي الووو حباب لا تسده الوو بجت بصوت عالي لاتسده اريد احجي وياك الله يخليك لا تعوفني
حور : جريت منها الموبايل عوفي وهسه تعاي سولفيلي شمسويه انتي حتى اخوتج هيج حادين سنونهم عليج وابويه ليش مايقبل تنزلين وفوك هذا رجلج ليش يريد يطلكج
نازك : بدموع لج حور قصي دره دره بكلشي دره احب زين ووافقت على موده ودره بمخططاتي كلها واهلي هم درو واعتبروني خاينه لهسبب يتعاملون وياي بهالطريقه و...... سولفتلها كلشي
حور : خلت ايدها على حلكها ... كل هذا صاير واني ذابه اللوم عليهم ... لج ليش هيج سويتي بروحج هاا كليلي شستفاديتي هسه مو كنالج كافي يانازك كافي بسج تكبر وغرور لا تصرفين بلا وعي لا تعمين على روحج بس اااخ منج لاحياة لمن تنادي3
نازك : لا تزوديها عليه الله يخليج اني من دون شي ضميري يانبني وكلتني الندم واحس روحي راح انفجر
حور : مايفيد الندم يا نازك اكو اخطاء ماتنغفر وخاصه الخيانه ... الرجال يسامح بكلشي اله بالخيانه لان بتصرفج هذا جرحتي رجولته استحلفج باالله لو قصي يحب وحده منه شنو راح يكون موقفج تقبلين قصي يتقرب منج ويتخيلج غير وحده
نازك : هزت راسها لا اكيد
حور : يعني اذا ماتقبلها على نفسج يصير تقبليها على غيرج اكيد لا بتصرفج بينتي انتي وحده بت شارع والناس من تدري ماراح تحجي عليج راح تحجي على اهلج يكولون هذوله ماعرفو يربون
نازك : انتي مو جماله عليه حور رجاءا تره كلامج جاي يأذيني
حور : تستاهلين من ايدج كتلج عوفي الي ابالج ركزي ببيتج ورجلج ما مشيتي على حجايتي وهاي شوفي شصار بيج هاي راح تطلكين وتعيشين هنا حالج حال الغريبه لان مستحيل ابويه بعد الي صار يرجع وياج طبيعي ولا حتى اخواني
نازك : غطت وجها باجيه ... كافيييي كااااافي الله يخللليج لاتحجيييين هيييج كلامججج يدقني
حور : حضنتها وبجت لج ليش هيج سويتي ليش
نازك : كافيي سدي الموضوع الله يخلييج
حور : مسحت دموعها خلص خلص سديته لاتبجين موزين صارلج فتره دموعج مانشفن مايصير عوفي البجي وكعدي صلي واعتذري من ربج على الاشياء الحرام الي سويتيها
نازك : انشالله انشالله
____
اليوم الثاني الساعه 10 صباحا
