احببتها بصليبها

اول نظره

(اول نظره)
6:00 ص
ماما : ميمو حبيبي يله كعدي
مارتينا : مامي خمس دقايق بلييز
ماما : تؤؤ يله كومي
مارتينا : هفف .
كمت حتى اروح للمدرسه الزفت نبذه عني ( اسمي مارتينا عمري 16 سنه مسيحيه ادرس رابع ادبي حلمي اصير محاميه ماعندي اخوان امي وابويه عايشين و عندي خوات اثنين وحده اول مرحله ادارة اعمال والثانيه اول متوسط اني بنية لا خجوله و لا جريئه يعني عادي ذكيه كولش و شاطره بس ام دميعه شعري جوزي و عيوني رصاصي بيهن شويه زراك و بيضه عبالك مصاصي الدماء هو اصلا اشبه بيلا ) غسلت و بدلت و نزلت جوه .
مارتينا : صباح الخير
بابا : صباح العسل
ماما : اتأخرتي صارت 7:15 وين جنتي
مارتينا : ويي عززه بس لا جمانه راحت
ماما : من زمان
مارتينا : وين عافتني وحدي شلون حروح
بابا : تعالي اتريكي و لتبجين
اكلت لفة بين ما البس الحذاء و الجاكيت جان لونهه جوزي و حذاء جوزي و نيلي و صدريه نيلي و مسويه شعري ظفيره صفح و شادته بشريط نيلي ع شكل فيونكه .
مارتينا : باي اني رايحه
ماما : اليسوع يحميج .
رحت جانت المدرسه كولش بعيده ع بيتنه و المشكله بصف مدرسه مال ولد لذلك دائما اطلع من وكت نسيت اكولكم اني من الكراده بغداد دائما من اروح امر ع زينب حتى نطلع سوه مع العلم بيتهم بنفس شارع المدرسه دكيت باب بيتهم ..
زينب : جااايه بس لحظه
مارتينا : بسرعه ولج
زينب : صباحوو
مارتينا : هلا
زينب : شلونج
مارتينا : موزينه لان اتأخرت وشوفي الشارع كوله ولد و بنات مو راحه
زينب : لعد شدكولين ع الي عنده امتحان
مارتينا : اهاا امتحان اسلاميه عدكم موو
زينب : ايي سمعيلي هاي الايه
مارتينا : جيبي
ظليت اسمعلهه جان اسمع واحد يكول
الولد : لك فديتوووووو الي يسمع لج تعالي سمعيلي
الولد الثاني : فديييت الي يخلي زميلته تسمعلهه
مارتينا : لج زززينب
زينب : معليج امشي سريع و دنكي بس ع فكره صاااروخ ترى همه
مارتينا : اييع منيلهم . بقلبي كولت شنو هذولي هاي الكفشه شنوو وصلنه للمدرسه ...
(عمر)
7:00 ص
دك المنبهه اهووو شكد تافهه المدرسه مابيها شي حلوو بس مكانها بصف البنات عاد هنه شلون حاتات وحده ادكول للثانيه اني اجكم منج نبذه عني (اسمي عمر عمري 17 سنه صف خامس حشه السامع كولش شاطر جذذب امي ميته العام صارت بيهه جلطه وانطتكم عمرهه و عندي اخت وحدهه مرحله ثانيه جغرافيه و اخوان اثنين واحد مرحله اولى علوم كيمياء و الثاني ثالث متوسط اني ولد راعي بنات من النوع الي من يدز رساله يسوي تحديد للكل مشكلتي مرات اتيه بالاسامي هع عندي كفشه سوده و عيوني عسلي و حنطاوي طويل و ضعيف بس عندي عضلات مشكلجي ضلعي حسن من الدنكه للدنكه وهاهي ) بدلت و مشطت الكفشه دك عليه ابو علي (حسن) انطيته رفض و طلعت ...
حسن : هاا ابو الشباب
عمر : ابو علاوي حبيبي
حسن : ليش متأخر
عمر : ابن القندره هستوني انطيتك رفض
حسن : مو تأخرت ابن النعال
عمر : يبووو نسيت ولك يله بسرعه .
واحنه كاعد نمشي علمود نقابل الجكمات لكينه اثنين بنات يمشن وحده تسمع للخ وحده محجبه والثانيه لا مو بنات صاروووووخ كمنه اني و عمر انذب حجي بس منطنه مجال عاد هنا وكفت وكولت اني احب الي يعاندني
عمر : لك ابو علي منو تريد
حسن : اغاتي المحجبه بعد خالتك
عمر : الثانيه الي الا اوكعهه
(مارتينا)
جان اول درس عدنهه جغرافيه واجتي سوسن تلعلع من الصبح واني شلون الي خلكهه خلص الدرس ع صياح اقصد خير واجتي ام الاسلاميه فديته شكد حنونه
ست الاء : يله حبيباتي ورقتج و قلمج بسرعه وقتج ليضيع
مارتينا : ست
ست الاء : ها حبيبي
مارتينا : ست اني وين اروح
ست الاء : هاا مو انتي متمتحنين باعي اطلعي بالساحه بس لتفترين حتى ليحسون بيج واذا بارده روحي لشعبه الثانيه
مارتينا : لا ست اصلا حار الجو .
طلعت بره وجانت مدرسة الولد بصفنه حايط ع حايط جان توكع الطوبه شسوي رحت للمدرسه و كولتله كالت اشمريهه الهم من اجيت اشمرهه كمز ولد ع الحايط
عمر : حياتي الطوبه من يمج .
كبل شمرتهه قوي و اتذكرته خررب شيسوي هذا
عمر : يمه حياتي جبتي هدف ع الشمرهه هاي تعالي اعبرج تلعبين ويايه والهدف عليج ابوسه
مارتينا : اهوو ولي مناا
عمر : قلبوشتي اكول واجيج هاا كتبي 0770****
مارتينا : هفف .
المشكله صارت المره الرابعه الي يشمر بيهه الطوبه اخرشي رحت للمديره واجتي
المديره : لك شدسوي هنا
عمر : دا اتشمس ع الحايط
المديره : امشي لك انزل من الحايط
عمر : حايط الخلفوج علمود انزل مدرستنه و بكيفي
المديره : شنووو
عمر : مثل مسمعتي لو انركل هنا متحجين لا والحمزه نحتلكم هسه
المديره : لك كلب انزل
عمر : طالع عليج ترديني انزل بشرط
المديره : شنوو
عمر : تنطيني الحلوه الي بصفج
المديره : امشي لك حيوان وانتي انطي الطوبه يله
مارتينا : اااوك
عمر : هييي لصيحين عليهه .
شمرت الطوبه و نزل هو و المديره راحت وصارت الفرصه و خلص الدوام واني افكر بي خررب شكد حلوو زين شكو دافكر بي و هو صايع
زينب : لج يله لمي كتبج دا نطلع
مارتينا : اوك
لميت كتبي و طلعنه ...
مارتينا : صدوك شلونج بالامتحان
زينب : ان شاء الله ميه
مارتينا : عفييه
عمر : ااااااه يل حب
مارتينا : لج زينب هذولي شديسوون
زينب : ما ادري المهم حب باجر اشوفج
مارتينا : من كل عقلج تعوفيني وحدي
زينب : وصلت لبيتنه شتردين اهلي يكولون امشي سريع و مو تجاوبين و مو تبجين
مارتينا : طاح حظج
زينب : باي
مارتينا : ولييي
رحت و كمت امشي سريع و ابجي
عمر : فديتج لتمشين سريع مشابع منج
جمانه : ميمووو
مارتينا : جوجو حياتي
جمانه : شبيج
مارتينا : باعي هذا الولد دا يلحك بيهه
جمانه : هفف امداج عبالي ماخذه بالثمانين
مارتينا : لا بس مو دكولين لاهلي ع الولد
جمانه : شبيه خبله .
وصلنه للبيت وهو يلحك بيهه همزين الفرع مبي احد كوله ناس موظفين ولا عدهم ولد و جهال تقريبا احنه اكبر عائله بي ايسموه الفرع المهجور لو الميت مو يسموه جمانه واني نسمي دخلت طلعت المفتاح و فتحت الباب دخلنه بعدين قفلته وشفت جدول وجبات الطعام لكيت الغده ع ديانا مسويتلنه لفات و مخليتهه بالمايكرويف كمت حميتهن و جمانه طلعت الببسي كعدنه ناكل
جمانه : بكلتيلي البلد بنين (مكلتيلي الولد منين هذا قصدهه بس جانت تاكل فهيج يبين )
مارتينا : كم مره اكولج لتحجين وانتي تاكلين
جمانه : دكولي منين
مارتينا : من المدرسه الي بصفنه .
وحجيتلهه كولشي صار
جمانه : اكولج شي بس مو تزعلين
مارتينا : كولي
جمانه : ترى مبين عليج معجبه بي
مارتينا : شنو هل حجي اني انعجب بصايع
جمانه : بس هو حلو
مارتينا : هاا ايي
جمانه : مو تبينين شي لديانا ترى متنجرع
مارتينا : كولي لروحج
جمانه : اووك .
كملت غده بديت ادرس و محسيت الا الساعه بال 8:30 م كمت سبحت و كملت نزلت جوه
مارتينا : هاي داد
بابا : هيلو بيبي
مارتينا : حموووت من الجوع ممسوين شي
بابا : اسئلي نفسج عليمن العشه
مارتينا : عليه وي نسيت شتردون اسوي
بابا : جبت همبركر سوي لفات
مارتينا : اووك
سويت عشه و تعشينه اثناء العشه ...
ديانا : بابا شنو رايك نغير مكان بيتنه ونسوي يم الكنيسه حتى اكو بيهه مسيحين مو هنا بنص كفار
بابا : بس بفرعنه ماكو كفار
ديانا : اقصد مسلمين عشتوو
بابا : شنو هل حجي هذا منيلج هل طائفيه
ديانا : قابل الي دا احجي كذب
مارتينا : ديانا عيب عليج هذولي ناس بكتابهم موجود اسم المسيح و مريم العذراء هم
ديانا : منين تعرفين و مو تعلميني
مارتينا : كوله العالم تدري و اعلمج اذا جنتي غلطانه الكفار الي هم ماعدهم كتاب
ديانا : لا بله يعني هسه تعترفين بنبيهم ترى كل هذا كذب
مارتينا : اي ليش لا
ديانا : شكد قذره روحي استسلمي وياهم وصيري كافره
بابا : دياناااااا
مارتينا : لان حجيت الصح
بابا : معليج بيهه هي منين متعلمه هل حجي الفارغ ما ادري متدري قبل جنه حتى اسلاميه نحظرهه بالدرس بس محد ما خرب البلد غير امثالهه
ديانا : لان ادافع عن ديانتي
بابا : دافع عن ديانتج مو تغلطين ع ديانة غيرج حتى المسيح ميقبلهه كومي منا ما اريد اشوفج
ديانا : كايمه بدون متحجي
مارتينا : بابا اني احظر دروس الاسلاميه
بابا : ليش لدخلين اذا تبعدج عن دينج
مارتينا : لا تعجبني قصص الانبياء الي بيهه و الاسلاميه بيهه اقوال عن رضا الوالدين وغيرهه يعني اعتبرهه حكم متحرضني عن ديني
بابا : اوك لعد .
ثاني يوم كعدت من وكت و لكيت جمانه مسويه ريوك و ماكو احد بالبيت بس اني و جمانه و ديانا هسه طلعت همزين ما اريد اتعارك وياهه
(عمر)
كعدت من وكت خليت حسن يكعدني علمود اروح لبيت هاي البنيه كشخت و كملت جان اتجي ع حايطهم طلعت بنيه يكول عفريت مبينه جبيره
ديانا : شداسوي هنا
عمر : فرعج واني ما ادري
ديانا : كبرر
عمر : لفج سعلوه .
وره شويه طلع الكمر
عمر : صباح الورد
مارتينا : جمااانه
جمانه : يله امشي
رحت للمدرسه و ضايج
حسن : شبيك ابو الشباب
عمر : ضايج
حسن : افاااا تضوج واني اخوك
عمر : لك لحد الان ممطيه مجال و بس اشوفني تريد تبجي
حسن : كلنا في الهوا سوا
عمر : لدكوله
حسن : و علي وكعت اثنين اليوم وهاي ما انهزت ولك المشكله اخوهه سادس يمنه و بيتهم بالفرع يعني لو اموت متقبل
عمر : وشراح تسوي
حسن : حخلي امي تخطبهه بس اكمل
عمر : اي و شلونك زين حتطلع من السادس
حسن : انجب والله درجاتي زينه
عمر : والتلث دروس ابويه طالع بيهن
حسن : اي بقن اربع دروس ناجح يعني كولش زين مو مثلك ناجح بس ب 3
عمر : افااا يالضلع تعيرني
حسن : افااا وانا اخوك ما اعيرك بس شد حيلك بدرس وصير مثلي
عمر : الله كريم