احببتها بصليبها

بداية مستقبل

(بداية مستقبل)
(عمر)
رجعنه للبيت لكيت عزرائيل موجود ههههههه اقصد الوالد و اني كبل ركض للغرفه اركض جابر اركض
ابو عمر : تعال تعال
بكر : يابه اريدك بموضوع
ابو عمر : شنو ابني
بكر : لازم عمر يحضر للسادس من هسه و يدخل محاضرات للكيمياء و الفيزياء و الاحياء
ابو عمر : اي ميخالف
بكر : اوك يعني موافق حتى اشوف المدرسين
ابو عمر : اي و شيردون اني حاضر
بكر : اوك يابه
عمر : بابا اني اسف اخر مره اوكع بتلاثه
ابو عمر : لخاطر دراستك للسادس ما راح تتعاقب
عمر : اشكرك .
(مارتينا)
نمت كعدتني ماما ع العشه و تعشيت خررب منايمه هيج نومه من زمان
بابا : جمانه
جمانه : يس داد
بابا : باجر حضري ملابسج بالخمسه الطياره
جمانه : حقاااا شكرا لك ابي لقد افرحتني بهذا الخبر
بابا : لا شكر ع واجب عزيزتي
ديانا : لا ارى داعي لذهابك
جمانه : لماذا
ديانا : فقط راي
جمانه : اذا احتفظي برايك لنفسك
مارتينا : كفاكم جدال ع المائده
ماما : جمانه اني حوصلج باجر و ارجع بعد يومين
جمانه : ثانكس مامي .
صعدت الغرفتي و خليت جمانه و ديانا يتعاركن جنت كولش مشتاقتله لذلك دزيتله مسج
مارتينا : بشر شنو طلعت
عمر : بتلاثه حدوك
مارتينا : اوك .
دك عليه و جاوبته
عمر : الو
مارتينا : هلو
عمر : شلونج
مارتينا: متعجبه
عمر : من شنو
مارتينا : اني ضايجه لان مطلعت الاولى و حبيبي طالع بتلاثه و مضايج
عمر : شكولتي
مارتينا : شكولت
عمر : كولتي حبيبي مو
مارتينا : هااا ما ادري شلون طلعت
عمر : عيديهه
مارتينا : مااا
عمر : بداعتي
مارتينا : حبيبي
عمر : بعد مره
مارتينا : كافي مو اخذك الواهس
عمر : هههههه حبيبي
مارتينا : نعم
عمر : راح ابدي ادرس للسادس من باجر لان عندي ملكات اثنين يردني اطلع مهندس
مارتينا : والله فرحتني بس منو هذني الملكات
عمر : امي وانتي
مارتينا : اي هيج اريدك بس اكولك
عمر : هااا
مارتينا : اريد معلومات عن صديقك اكو شخص موصيني
عمر : هاا صح ذكرتيني اكوو شخص يريد معلومات عن صديقتج هماتين
مارتينا : ههههههههه
عمر : شنو رايج انسوي كروب ع الواتس
مارتينا : اوك بس اشوفه تقبل
عمر : اووك .
رحت دخلت عليهه و لكيتهه كاعده كولتله و وافقت كولتله مجرد نصير كولنه اصدقاء و نتعرف بعد مدرت هو نفسه صديقه الي حيكون بالكروب
(الكروب)
عمر : هلو
مارتينا : هلاوات
زينب : السلام عليكم
حسن : و عليكم السلام
عمر : خلونه نتعرف بس اني اسئل سؤال و انتوا اجاوبون
حسن : شنو مدرسه
عمر : انج...
حسن : انت
عمر : يله كافي كل شخص يكول اسمهه اني عمر
مارتينا : اني مارتينا
زينب : اني زينب
حسن : اني حسن
عمر : شكد اعماركم اني 17
حسن :17
مارتينا : 16
زينب : 15
عمر : زينب انتي صديقة ميمو موو
زينب : يب ضلعتهه هم
حسن :15 لازم بالثالث مو رابع
زينب : لان شاطره بالثاني عبروني كبل للثالث بس امتحنت و نجحت صرت بالرابع ويه مارتينا
حسن : اها
زينب : ايي
عمر : شعجب دخلتوا ادبي
زينب : اني درخيه
مارتينا : علمود اصير محاميه
حسن : اني دخلت علمي علمود. اصير دكتور
زينب : ليش دكتور
حسن : صديقي من جنت صغير مات بمرض و بوكتهه كولت لازم اصير دكتور علمود اعالج الي مثلهه
زينب : الله يرحمه
عمر : اني دخلت علمي علمود اصير مهندس لان امي هيج رادتني و وصيتها هاي قبل لتموت
زينب : ربي يرحمهه حتبجوني
مارتينا : لج اضحكي ام حلك
زينب : مثل حلكج
عمر : شراح تسون بالعطله
حسن : حدرس للسادس
مارتينا : احجي وياكم و العب ويه جلبي
عمر : هههههه
زينب : ما ادري بس راح اخلصهه زيارات
حسن : وين ترحين
زينب : باجر للكاظم و راهه يومين بكربلاء و يومين بالنجف و الاسبوع الوراه افتر ابغداد
حسن : ادعيلي عليج الله
زينب : ان شاء الله
عمر : اني و مارتينا نترخص
حسن : كفار
زينب : هههههههه احجوا يمنه بس نشوف
مارتينا : بعدج صغيره
حسن : اني جبير
عمر : نستحي منك لان اكبر منه
حسن : كبر لفك .
بقه حسن و زينب يحجون سوه و عرفوا بمشاعرهم بس محد مكال للاخ استمرت علاقتي ويه عمر لحد يوم نتائج السادس و جان قلبي يدووك حتى رحت للكنيسه ادعيله جان ادز مسج زينب بالكروب ...
زينب : لكم حصلت الموقع و دا تحمل نتائجكم
حسن : اوك بسررررعه زينب
مارتينا : يااا رب تنجحون
عمر : اذا مو ناجح لتحجون
زينب : اوكفوا طلعت
عمر : بسم الله
حسن : يا الله يا محمد يا علي وين الله بجاه ام البنين عند ربهه ناجح
زينب : مبرووووووووووووك
حسن : كولي والله
زينب : والله حسن معدلك 96
حسن ابشر امي واجيكم
عمر : واني
زينب : معدلك 90
عمر : عاااااا ابشر اهلي
(حسن)
بس كالت زينب النتيجه عطت عيطه اخت الجذب وربي الدرج سويته خطوه وحده
حسن : لج يمممه
ام حسن : يمه بشر
حسن : لج يمه معدلي 96 بمه
ام حسن : كللللللللووووووش شايف الخير حبيبي يمه فدوه لقلبك تستاهل
حسن : كافي لتبجين يمه دموعج غاليه
حسين : لك حسسن مبرووووووك
ابو حسن : مبروووك ابني رفعت روسنه فوك
فاطمه : فدوووه لقلبك حبيبي وربي فرحت مبروك حياتي
(عمر)
جان قلبي يدوك سريع كولت بس لا راسب بس زينب كالت النتيجه كبل رحت شبكت بكر
بكر : لك شبيك كول
عمر : لك
علي : لكم عمر ناجح معدله 90 طلعته بالنت
بكر : عااااااااا لك نجحت مبرووووك
علي : مبرووووك عمووووري
عمر : الله يبااارك بيكم ابويه وين
ابو عمر : ها راسب اوكف اطلع الحزام
عمر : يا حزام ضمه احسلك معدلي 90
مريم : كول والحمزه
عمر : والحمزه
ابو عمر : الف مبروك ابني رفعت راسي
عمر : الله يبارك بيك ما ريد شي بس جارجر
ابو عمر : اكو خوش حصان عند العربنجي اشتري
عمر : لا يابه لا احنه متفقين ع الجارجر
ابو عمر : ادلل يا لون
عمر : فستقي
ابو عمر : اول يوم كليه هي يمك .
صعدت فوك ابدل ابويه عزمنه بصمد بهاي المناسبه بدلت و لكيت صورة امي و عثمان معلكه جنت اتمنى اشوف فرحتهم الي بس حسبي الله ع الي جان السبب ما ادري و لكيت علي شابكني
عمر : شبيك
علي : اتمنيته ويانه عمر مشتاقلهه وربي و عثمان صح نتعارك اني وياه بس والله احبه و جنه نتشاقه
عمر : كافي حبيبي الله يرحمهم
علي : اممم بس هي وعدتك تسويلك حفله بكل الفرع بس تكمل شو ماهي ليش هيج بسرعه عافتنه اني احسدك تدري ليش
عمر : كافي حبيبي كافي
علي : لان انت عايش وياهه اكثر مني و الله مشايف منهه شي وربي مجنت اقصد اصير وكح
عمر : هي ويانه منو كلك عافتني ترى روحهه باقيه كوم بدل خلي نروح ليضوج ابويه انت متريده يضوج موو
علي : لا .
هو بس طلع انقهرت من حجيه وربي اني هم هيج بس لازم اصير قوي علموده الدموع مراح ترجعهم النه ابد بهل اثناء اجتني رساله ..
مارتينا : مبروووووووووك
عمر : هههههههه الله يبارك بيج حبيبي
مارتينا : وربي فرحتلك حبيبي كولش
عمر : يا عمري شعندي غيرج
مارتينا : يا روحي
عمر : حبيبي ابويه عازمنه لازم اروح بس ارجع ادوك مارتينا : انتظرك حياتي
(حسن)
كولش فرحت بنجاحي الفرحه ابد متنوصف يعني شي حلو انك تكمل دراستك و ترفع راس اهلك فوك جانن احلى 12 سنه بحياتي و طبعا فرحت لضلعي وربي يستاهل واخيرا حكدر اخابر اخوهه و اخلي امي تخطبهه بس لازم هي تخلص سادس ما اريدهه تلتهي و لازم اني اشتغل بالعطله علمود مصاريف الجامعه لان لازم ابدي اعتمد ع نفسي وابويه يكفي مصاريف البيت و المدرسين الي خلهم الي بس شنو اشتغل شي اكيد هذا الصايع عمر ميشتغل لان اهلي حالتهم ممتازه خررب شلون هسه
(ثاني يوم) حسن ...
كعدت الساعه 8 ص علمود ادور ع شغل لكيت ابويه و امي كاعدين صادف يوم سبت
حسن : صباح الخير
ابو حسن و ام حسن : صباح النور ابني
ابو حسن : اشو كاعد من وكت عطلتك هاي ارتاح
حسن : اريد ادور ع شغل يفيدني
ام حسن : ليش يمه ما تكمل دراستك
حسن : ههههههه شبيج يوم بس بالعطله علمود اكدر اتصرف بالجامعه و ما احتاج شي
ابو حسن : عفيه ابني اريدك هيج زلمه
ام حسن : زين شراح تشتغل
حسن : ما ادري اي شي بس المهم شغل
ابو : حسن اووك
حسن : يله اني طالع
ام حسن : كمل ريوگك يمه
حسن : لا يوم شبعت .
طلعت و ظليت افتر بالشوارع ما خليت شي يعتب عليه اذا ما دخلت و اشوف وجنت ماخذ ويايه دفتر صغير و قلم حتى اشوف ياهو اكثر فلوسه ارجع اشتغل بي اخر شي دخلت نادي مال رياضه
حسن : السلام عليكم
ابو النادي : وعليكم السلام
حسن : دادور شغل اني محتاجين عامل
ابو النادي : اي والله حبيبي محتاجين
حسن : اوك شنو
ابو النادي : اني هنا المدرب و الي اوكف بي يعني ابحدي فمحتاج واحد ثقه ابدالي يوكف واني ادربهم لان دا اضطر اسد النادي من ادرب
حسن : اوك شكد الراتب
ابو النادي : 600$ و حسب الشغل و الزيادات و طبعا تدرب بدون فلوس
حسن : شوكت نبدي
ابو النادي : اليوم اعلمك و باجر انبلش بس شنو اسمك و رقم تلفونك
حسن : اسمي حسن و رقمي 0770******
ابو النادي : تشرفنه اني عمار
حسن : هلا بيك خويه
(عمر)
كعدت الساعه 2:30 م لان جنت سهران ويه الحب مالتي لكيت رساله من حسن ع الفايبر صورة مال نادي
حسن : شلوني
عمر : شكد كلب دخلت و مكلتلي خنت العشره يا اثول
حسن : ع كيفك اني اشتغل هنا مو العب بس جنت العب
عمر : اوكف خلي اكل لابويه العب يمك
حسن : اوك حياتي
عمر : بس ليش تشتغل
حسن : ابويه بعده يوفي بالمدرسين و حالتنه مو تمام تريدني اجي من ادخل الجةمعه يصرف عليه
عمر : هم صح بس متوقعته منك
حسن : اعجبك اني .
رحت للمطبخ لكيت اختي مريومه مسويه برياني
عمر : يمه الحب يمه لج مريووم فديتج
مريم : ابوو بطن اسبح حتى اصب و صيح لعلي يساعدني
علي : اشتغل عندج والله عبالك خدامه هيج تعاملون واحد مطلع معدل 98
مريم : الي يريد ياكل يساعد
علي : زين عمر شراح يسوي
مريم : راح يسبح و هذا شغل منه ع ابعاد الوصاخه عن الاكل شفت
علي : امده حظي
مريم : يمه يمه فديت ابو البيت اني
علي : البرياني عوزه بهارات و سوي زلاطه بين ما اغسل الماعين
مريم : اووك
(مارتينا)
كعدت اليوم من الصبح كالعاده ندرس اني و زينب علمود السادس بس مادام عمر سواهن فشي اكيد اني كدهه بس والله تعب و ملل و المشكله جمانه ماكو بلندن و اني باقيه ويه النفسيه ديانا و لان ادرس مره بالاسبوع نتحاجه اني و عمر صارلنه سنتين ع هاي الحال من جان هو بالسادس و من صرت اني بقينه اني و زينب سوه ندرس لحد مصار اول يوم دوام عمر و حسن بجامعة بغداد
(عمر)
اول يوم الي فديت لبست بنطلون اسود و قميص سمائي و مناضر و الكفشه اكيد و منا اني شلوني و العضلات مالتي بس اني جان عندي عضلات من زمان يعني هاي هيج مجرد تقويه مو نفختهن عبالك حراس واخوف لا عيني لا بقيت ضعيف بس قويت نفسي و شي اكيد دخلت هندسه معمار تريكت و كملت و دزيت مسج لميمو حبيبتي و طلعت بالجارجر ✌
(حسن)
هذا يومي الاول كعدت من الصبح نشيط بعد عمك ✌ بدلت و لبست بنطلون اسود و قميص ابيض ويه حذاء رياضي من انا و العضلات بشده طبعا وضعي صار توب بعد الشغل و ساعدت اهلي هوايه نزلت جوه و دزيت مسج لعمر حتى يجيني نروح للجامعه مهندس و دكتور هاي السنه العام صايع 1 وصايع 2 اهم شي تغيرنه و كمنه نحب صح ما خطبته بس بعدني رايدهه و اخوهه ويايه بالجامعه و صديقي حيل و يدرب يميم ماعلينه اجه عمر لازم اروح
بعد مرور اسبوع .....
(مارتينا)
بعده تعبنه نفسه اني و زينب و مستمرين و صارلنه كومه مطالعين و اصلا هاي الفتره زينب عاشت يمي لان بيتنه هدوء و ندرس سوه بهذا اليوم جانوا اهلي طالعين اثناء الدراسه دناخذ استراحه اني وزينب ...
مارتينا : ما استحمل بعد لازم نرتاح
زينب : حتى اني اديه اتكسرت هفف استغفر الله
مارتينا : راح اروح اسوي كابتشينو تردين
زينب : اجه بوكته .
نزلنه للمطبخ اني اسوي و زينب تحجي ويايه جان يدوك فوني
مارتينا : منو حوبي
زينب : رقم غريب
مارتينا : بله جاوبي
زينب : اوك ....