احببتها بصليبها

اعتراف بريئ

(اعتراف بريئ)
بعد مرور شهر و نص ....
(مارتينا)
كعدت الصبح وفتحت البرده و شفته موجود ابتسمت لان صارله اسبوعين هادئ وميذب حجي او لان شفته اي كمت احبه بدون ما ادري شلون حبيت صايع ما ادري اني نزلت جوه ماكو بس جمانه
جمانه : هاا الحب موجود اليوم
مارتينا : يب
جمانه : باعي اذا حجه وياج و اعترفلج كولي مشاعرج لان جنه بس ترفضي يعوفج
مارتينا : اوك هاي اذا اعترف
جمانه : لعد حطلع وراج اني
مارتينا : اووك .
طلعت ولكيته منتظرني باوعتله بادلني النظره عدل وكفته وبده يحجي بجد
عمر : باعي اسمعيني قبل لا تروحين
مارتينا : خير
عمر : شوفي اني ولد صايع و صاحب بنات يمكن اكثر من عشر بنات احجي وياهن جنت بس من شفتج ما اكولج بطلت بس اهتميتلج وانتي اول وحده ترفضني ومن حبيتج قطعت كل علاقاتي بالبنات وحتى كمت ما ارتاح اذا ما اشوفج الصبح الي يكول مسويتلي سحر باعي اني اجيت هيج وداحجي مو علمود ابين هذا الشي بس اريد اقسملج بالله اني احبج ورايدج بالحلال و روح امي اذا ما ازوجج ما ازوج غيرج ولا اطلع اني رجال تقبلين هيج هاج رقمي متقبلين عادي حتى ابتعد و استر عليج
مارتينا : اممم
عمر : شنو امم
مارتينا : اني نفسك اصلا من زمان بس استحي اكول.
رحت اركض للبيت وابجي و جمانه تضحك راحت طلعت بره
جمانه : انطيني الرقم انطي للعوبه
عمر : هههه هاج كوليله خلي تطلع كدامي
جمانه : اوك
اجتي جمانه بيدهه الرقم انطتني اياه كمت ضميتهه بجواريبي حتى ما انلكف و طلعت
عمر : امشي كدامي و ع كيفج و مو تبجين و ترى هذا اخر يوم اجي حتى ميحسون اهل الفرع لو السعلوه اختج الجبيره
مارتينا : اوك .
مشيت و وصلني هو للمدرسه وراح لمدرسته فكولت لازم اكول لزينب ع اخر التحديثات لان هي اقرب صديقه الي ولجمانه صحيح هي مسلمه و متدينه كولش واخلاق وكذا بس ماعدهه تفرقه بالديانه يعني انسانيه كولش .
مارتينا : زوزو حياتي
زينب : هاا
مارتينا : اليوم هي اعترفت واني هم
زينب : كولي والله
مارتينا : وداعتج .و حجيتلهه كولشي مع ذلك بقت تسألني وكل شوي اعيد السالفه لحد ما اجت الحله لكيته منتظرني مشيت و هو وصديقه ورانه بس موصلني للبيت و من وصلت دخلت وكبل ع الفوون و دزيتله مسج كتبت
مارتينا : هذا رقمي
عمر : اوك بس تكملين دراسه دزي مسج و اقري بتركيز
مارتينا : اوك
(عمر)
بس اعترفت يمكن السمه ما شالتني من الفرحه لكم اصوروا حتى بالرياضيات كمت و الاستاذ ممصدكه لدرجه كلي لتمتحن الشهر هذا و بس صارت فرصه ملعبت طوبه صحت حسن وصعدنه فوك السطح
حسن : منو انت اخويه عمر وين
عمر : اني عمر
حسن : لك اشبيك متغير
عمر : لك اعترفتلهه و وافقت
حسن : كللللوووش
عمر : هع هع بس ابو علاوي اريدك بشغله
حسن : خادم
عمر : هاي الوحيده ما اريد احد يعرف بيهه عدهه علاقه ويايه اني كوتلك لان انت اخويه
حسن : و العباس ما اكول وانت لدكول ع سالفة صديقتهه ويايه صح مابيناتنه شي بس هذولي الولد موزينين و باع فدوه معلومات عنهه لاخوك
عمر : لك مو تدلل .
كملت اليوم واني فرحان ومن اجتني رساله منهه كتبت ع اسمهه حسن 2 حتى ليبوكهه اخويه ولان ما اعرف اسمهه بالليل الساعه 9 اجتني رساله منهه ...
هي : كملت
عمر : لعد حدك عليج ميخالف
هي : ايي .
دكيت عليهه و هي جاوبت
هي : الو
عمر : هلوو
هي : هلاو
عمر : شبيج خجلانه مراح اكلج
هي : مبيه
عمر : اوك نبدي نتعرف لو نخلصه خجل
هي : لا نتعرف
عمر : اني عمر وانتي
هي : عاشت الاسامي عمر اني مارتينا
عمر : اسمج عليج
مارتينا : شبي
عمر : يجنن
مارتينا : يسلمو
عمر : ولو شكد عمرج
مارتينا : 16 وانت
عمر : العمر كوله اني 17
مارتينا : العمر كوله صف خامس مو
عمر : حشه السامع اي و علمي هم
مارتينا : هههه ليش اني رابع ادبي
عمر : صعب
مارتينا : ياا اني ما ازوج اذا مو مهندس
عمر : ليش الا مهندس شبي العسكري
مارتينا : ههههه مبي بس اني احب المهندس يعجبك يعجبك ميعجبك ترى ما اقبل بيك
عمر : اوووف يمعوده باربع دروس تريديني مهندس
مارتينا : عزززه شنو هاي
عمر : اصلا اني الثالث ع الشعبه
مارتينا : واليسوع مدا اصدك شنو اربع دروس شنو ثالث ع الشعبه
عمر : اليسوع منوو
مارتينا : عيسى
عمر : ليش تحلفين بي عليه السلام
مارتينا : لعد بيمن احلف
عمر : الله النبي محمد الكعبه الحمزه الائمه ولو ما احلف بيهم
مارتينا : ااا عمر
عمر : عيونه
مارتينا : اني مسيحيه ترى
عمر : صدوك
مارتينا : انت مسلم موو
عمر : اي
مارتينا : و هسه
عمر : سدي الفون شوي اتاكد من شغله واجيج
مارتينا : اوك اعرف ماكو امل اتشرفنا
عمر : مو بكيفج ومن ادوك شيلي
مارتينا : ميحتاج بعد
عمر : تشيلي لا اسحبج من كفشتج والله
مارتينا : يعني شنو ترى واضحه
عمر : مارتينااا
مارتينا : امم
عمر : دا تبجين
مارتينا : اممم
عمر : امسحي دموعج حبيبي وخلي املج بربج شويه اتاكد من شغله واجيج افتحي خط بداعتي
مارتينا : اوك .
(مارتينا)
بس سديت الخط ظليت مصدومه و دموعي تنزل جان تجي جمانه
جمانه : مارتينا عش..
مارتينا : جوجووو
جمانه : عزززه شبيج
مارتينا : ادخلي و قفلي الباب وراج
جمانه : اوكفي اسويلنه لفات واجي
مارتينا : اووك .
راحت سوت لفات وجابت ببسي واجتي
جمانه : خير شكو
مارتينا : اهئ ماا امم املمممم اهئ
جمانه : لج دا تبجين وتاكلين و تحجين وربي مدا افتهم
مارتينا : ماكو امل جوجو ماكو
جمانه : بعده صايع
مارتينا : ياريت لو صايع لج
جمانه : شكو ولج
مارتينا : لج هو مسلم
جمانه : شنو.
مارتينا : شوفي يعني مراح ازوجه خرب اول حب و هيج
جمانه : متاكده متكدرون ترتبطون
مارتينا : ما ادري هو كال هسه اجي وراح
جمانه : اهاا راح ادعيلج
مارتينا : اممم شكرا
جمانه : صوت تلفون يدوك
مارتينا : هذا هو اجاوب
جمانه : شمنتظره
مارتينا : الوو
عمر : اووف قلبي
مارتينا : شبيك
عمر : لج اتأخرتي و عبالي متجاوبين
مارتينا : هههههه
عمر : وربي خفت لتضحكين
مارتينا : هههه عمر
عمر : هاا
مارتينا : ماكو امل موو
عمر : مو كولت مو بكيفج هع
مارتينا : يعنيي
عمر : رحت سئلت وكالوا المسلم عادي حتى يهوديه يزوج و تبقى ع دينهه ميأثر بس المسلمه متزوج غير مسلم يعني انتي الزوجه الاولى و 3 مسلمات حسب الشرع
مارتينا : شنوو عيني لا بله شعبالك ماكو بس اني مفهوم
عمر : طبعااا بس انتي اخاف انكتل منج
مارتينا : هههههه
عمر : اروح اشرب نركيله ويه حسن نص ساعه واجيج
مارتينا : تعال وهاي اخر مره تنركل
عمر : لعد اشرب 3
مارتينا : عمرررر
عمر : احبج
مارتينا : اني هم يله روح و ديربالك ع نفسك
عمر : انتي هم ولتخلني سالفة الديانات ابالج اني الج وانتي الي مو لغيري
مارتينا : اكيد
عمر : بيباي حبيبي
مارتينا : باي .
مارتينا : لج جماااااااانه
جمانه : ها بشري
مارتينا : لج عادي المسيحيه تزوج مسلم و تبقى مسيحيه
جمانه : والله
مارتينا : يس بيبي
جمانه : و طم طم طح طح طمطم طح
مارتينا : ع هاي البشاره اريد لفه ثانيه
جمانه : ام كرش تدللين لخاطر عموري
مارتينا : ههههههههه فديتج .
راحت جمانه و بقيت اكمز ع الجربايه لحد ما امي عاطت عليه وره نص ساعه اجاني مسج منه
عمر : حدوك
مارتينا : عندك نت بالبيت
عمر : اي
مارتينا : لعد دوك فايبر
عمر : ليش
مارتينا : ليروح رصيدك
عمر : عادي
مارتينا : لا ما اقبل
عمر : اوك .
دك جان اجاوبه
عمر : الو ام كفشه
مارتينا : الو ابو كفشه
عمر : شلونج
مارتينا : تمام وانت
عمر : زين
مارتينا : باع من باجر ماكو نركيله
عمر : لييييش
مارتينا : وربي ما اقبل بيك ترى اهم شي صحتك
عمر : اووف بس ما اكدر كبل اترك
مارتينا : لا اني اسويلك جدول
عمر : اوك
مارتينا : اوك
عمر : ميمو شكم اخ عندج
مارتينا : ولا واحد
عمر : همزين
مارتينا : بالعكس اضوج من البنات يحجون ع شقه اخوتهم و هاي السوالف حتى من يتعاركون احب
عمر : من نزوج اتعارك وياج
مارتينا : ههههه وانت كم اخ
عمر : اثنين بس جانوا تلاثه
مارتينا : ليش
عمر : مريم الجبيره وراهه بكر وره بكر اني ورايه عثمان بس مات بانفجار العام هو وامي و اصغر شي علاوي
مارتينا : ربي يرحمهم اني اسفه
عمر : لا عادي متعود حياتي لتتأسفين
مارتينا : اممم
عمر : وانتي شنو عائلتج
مارتينا : اني ابويه وامي عايشين وعندي خواتي اثنين بس اكثر وحده قريبه عليه جمانه
عمر : واضح بس مبينه صغيره
مارتينا : اي صف اول متوسط
عمر : اها اني علي اخويه بالثالث
مارتينا : اها الله يخلي الك
عمر : ويخليج الي ابوج شنو يشتغل
مارتينا : مهندس و ماما ممرضه
عمر : اها اني ابويه مهندس بالنفط
مارتينا : لا اني ابويه يشتغل بشركه اجنبيه
عمر : اي حبيبي
مارتينا : اي
عمر : مدكولين حبيبي لو متعرفين
مارتينا : مو من اول يوم
عمر : ليش
مارتينا : خلي اتعود يله شنو موزين دا احجي وياك
عمر : هههههههه ع راحتج حياتي
مارتينا : امم
عمر : باجر خميس موو
مارتينا : ايي
عمر : صارت الساعه 12 روحي نامي علمود تكعدين من وكت باجر و ركزي بدراستج اووك
مارتينا : اوك تصبح ع خير ح.. هففف متطلع
عمر : هههههههه فديت الخجول وانتي من اهلو حياتي .
(عمر)
من كملت المكالمه حسيت نفسي خايف من هاي العلاقه يعني معقوله هذا عذابي لان ضحكت ع البنات يارب لتطلع بعلاقتي ويه هايه والله نيتي زواج بيهه من كولتله سدي الفون اسئل واجيج رحت لابويه صحيح ميحجي هواي ويايه و تاركني براحتي و ميهتملي بس لان شويه ديانته قويه كولت اسئله بالموضوع و اكوله ع كولشي بلكي يوكفلي
(عمر و ابوه)
عمر : هلو يابه
ابو عمر : يا ستار هلا بيك
عمر : خير احد كايلك داعش اني
ابو عمر : لا بس مستغرب
عمر : اريدك موضوع يخص حياتي
ابو عمر : خير كول
عمر : اول شي اسئلك سؤال و بعدين اكولك الموضوع
ابو عمر : اي تفضل
عمر : المسلم عادي يزوج مسيحيه و متستسلم
ابو عمر : اي حتى لو كافره عادي تبقى بس جهاله مسلمين يطلعون
عمر : اهااا زين نبدي بالموضوع
ابو عمر : يله خلصني
عمر : باع انت ازوجت امي عن حب
ابو عمر : اي لعبالك ازوجك هسه
عمر : لا زين انت ازوجت امي و هي شيعيه وانت سني لان انت تفتهم و مو طائفي
ابو عمر : غصبا ما عليك افتهم طايح الحظ هو منو جان يكول هذا سني و شيعي غير انتوا زعاطيط هل وكت جايني يكلي تفتهم
عمر : زين شبيك عصبت يعني اني مو قصدي هيج بعدين دا احجي ع كيف اني وانت عصبت اشكرك يابه ابو عمر : هسه من الاخير كول
عمر : باع اني احب وحده
ابو عمر : لا تحب عشره شنو ما اشوف عبالك
عمر : والله هل فتره متغير و دا احب وحده واجيتك تساعدني
ابو عمر : اي كول
عمر : باع بابا البنيه مسيحيه
ابو عمر : واني اكول ليش سئلت زين شبيهه ثوله حبتك
عمر : ليش شبيه
ابو عمر : صايع
عمر : اشكرك
ابو عمر : ميخالف هسه خلي نتخيل انت كبرت و خطبتهه ابوهه يقبل
عمر : ما ادري
ابو عمر : مادام الك واهس بيهه ما احطم امالك واكولك عوفهه خليهه ع الله و بيهه الخير ان شاء الله عمر : يعني انت موافق
ابو عمر : لا افكر
عمر : اهووو والله حتى لو ما وافقت ازوجهه الشرع قبلهه يله انت
ابو عمر : لك انت ليش مطي و متعرف تتصرف و تتلوك هااا منيلك هل عقل يا زمال
عمر : اشكرك بس كولي موافق لو لا
ابو عمر : من يصير بيك خير اوافق واتحداك
عمر : واني كدهه اذا ما اجيب معدل بالسادس ما اطلع اني عمر
طلعت و ردت اصعد اخابرهه جان اشوف ..
علي : يمه الحب يمه يغير الواحد ميه و ثمانين درجه
عمر : شتقصد
علي : احب النبي عيسى اني
عمر : لك كلب جنت تصنت
علي : اي عيني يا كزنوفه
عمر : لك تعال هنا
علي : هع هع
عمر : باجر لتلفي بالبيت اذا كولت لاحد
علي : لا اذا انطيتني اختهه
عمر : شكد صايع
علي : نعم شيخنا .
هسه بقت الشغله عليهه بس خرب اني باربعه بالخامس بالسادس شيجيب المعدل خرب حظي اي والله لك اني غبي حتى هيج اسوي بس والله قبل جنت شاطر يمكن اكدر ارجع هيج بالسادس محد مغيرني غير استشهاد امي و اخويه خررب .
(ثاني يوم و اخر يوم بالفصل الاول و توزيع الشهايد بالمدرسه)
(عمر)
كعدت الصبح و بدلت و عدلت الكفشه و طلعت اخبل اجتني رساله من حسن
حسن : لك اليوم اخر يوم اسخت بي
عمر : ليش ولك
حسن : بالمدرسه اكولك
عمر : اوك .
شبي هذا سكران لو صايرله شي
علي : صباح الخير اليوم النتائج بابا
ابو عمر : اي يا علاوي همزين كولت .
اني غصيت بالجاي خرب هذا ليش حجه كبر غير اكره الشطار
عمر : اني يمكن ما ارجع اليوم لتسئلون عليه
ابو عمر : اي دورلك مكان تلفي بي
مريم : هههههههه يعني تعترف مصخمه
بكر : عمر اريدك من ترجع من المدرسه
عمر : انتي ام حلك معليج و بكر شتريد
مريم : اشطر منك .
رحت للمدرسه و شفتها بالطريق فدوه لقلبهه و مر اليوم ع خير بس باخر درس انطونه النعل تكرمون اقصد النتائج
حسن : بشكد ناجح
عمر : باربعه و بقالي 3
حسن : ناجح بخمسه و بقالي 2
عمر : ايا كلب صاير سجاج
حسن : ههههههع مثلك
عمر : مكلتلي شنو سالفت الرساله اليوم
حسن : مادام اخر درس شاغر راح احجيلك بس بالسطح
عمر : اوك
(السطح)
حسن : بعد ما اسخت و راح ابدي بالجد
عمر : شتقصد
حسن : حبدي ادخل دورات للسادس
عمر : ايبااه
حسن : ايي عادي استهزئ بس مو مال لعب بعد
عمر : صدوك تحجي .
حسن جان لابس لزكه مال جروح بص عينه و حلكه فنزعهن واني بقيت صافن
عمر : لك منو مسوي هيجي بيك
حسن : كولت لاخوهه البارحه
عمر : اخو منو
حسن : اخو البنيه المحجبه الي ردته
عمر : لك انت اثول
حسن : لا بس اريدهه و كولتله
عمر : ابن الكلب شسويت انت لك هذا اخوه اثول انت حسن : لا بس ما اريد العب عليهه صح ضربني بس اني وياه اتفاهمنه بعدين و انطاني اسماء الاساتذه الي حبدي ادرس عدهم للسادس و نظملي جدولي و صرنه اصدقاء و كلي بس اتكمل سادس و تصير بالكليه اخطبهه
عمر : كل هذا صار و مكلتلي يا كلب
حسن : مو ادك عليك يا كلب الكاك مشغول
عمر : عابتلك بس فرحتلك وربي
حسن : انت هم لازم تتحرك
عمر : حشوف ابويه اليوم و اسئله مع العلم كلي لتلفي بالبيت
حسن : لا اني ابويه شجعني بس اكو شغله راح نوكف بيهه
عمر : شنوو.
حسن : البنيه : شلون اعرف تحبني و منيلي معلومات عنهه بله طلعت سنيه و متقبل بيه
عمر : لا ما اعتقد اكو طائفيه راح تصير مادام اخوهه وياك صاير
حسن : اريد معلومات اسئلي حبيبتك
عمر : ميخالف بس ادعيلي متوكف سالفتي وياهه
حسن : ان شاء الله والعباس دا ادعيلك يوميه
عمر : تسلم حياتي زين اليوم وين نبات
حسن : حظرت امي فراشات النه و نبات بالملعب صح تراب بس احسن من حزام ابويه ع النتيجه الوفت عمر : همزين
(مارتينا)
كعدت الصبح كالعاده مشيت ويه جمانه و بعدين ويه زينب و شفت عمر خررب اليوم النتائج خايفه كولش بس لا اطلع مو من الاوائل و باخر درس اجتي المدرسه توزع اجه دوري و همزين طلعت الثانيه ع الصف الاولى زينب
زينب : مبرووك حياتي
مارتينا : الله يبارك بيج قلب انتي هم مبروك
زينب : الله يبارك بيج شكد معدلج
مارتينا : 97,6
زينب : 99,9 اني
مارتينا : اي فديتج كولش فرحانه النه
زينب : اني هم بسس
مارتينا : شنو بس
زينب : باعي اليوم بس ترجعين اريدج بموضوع
مارتينا : اووك
صارت الحله ورجعت كبل للبيت لكيت ابويه جاي
بابا : بشريي
مارتينا : طلعت الثانيه
بابا : ليش منو الاولى
مارتينا : زينب صديقتي
بابا : اها شكد معدلج
مارتينا : 97,6
بابا : مبروووك حبيبتي هديتج باجر تجي
مارتينا : الله يبارك بيك حياتي
جمانه : رررررجعت
بابا : شكد معدلج
جمانه : 98 الاولى ع الصف و تي رش رش تي رش رش
بابا : مبروووك حبيبتي
جمانه : الله يبارك بيك مثل ما اتفقنه ع الهديه
بابا : اكيد.
جانت جمانه طالبه تروح للندن يم عمتي لان تحبهه او بالاصح تحب ابنهم بس بحجت تحب لندن تروح هناك بالنسبه لهديتي جانت عباره عن جلب مدنفش لان احب الحيوانات واتمنى يصير عندي من كملت تبديل و غده لكيت زينب دازه رساله ....
(عمر)
بس رجعت للبيت لكيت مابي احد بس علاوي
عمر : بشر شطلعت
علي : معدلي 96
عمر : كبر يالغبر لك صير ذيب و خليهن كولهن حمر
علي : الحمدلله انسان اني ما اريد اصير حيوان .
كبر لفه فشلني و طير جبهتي وينهه
عمر : اها اذا سئلك احد كوللهم اني بتلاثه
علي : ميخالف .
طلع علي و بقيت بس اني بالبيت الساعه 2:44 م انفتح الباب خررب بس لا ابويه
بكر : منو هنااا
عمر : كبر لفك خرعتني
بكر : ههههههههه بشر
عمر : بتلاثه
بكر : كبر لفك تريد يطيح حظك انت
عمر : لا
بكر : بمناسبه التلاثه بدل عازمك بمطعم و ع فكرة مطعم راقي مو تجي بنعالك
عمر : لتخاف ما البسك اليوم
بكر : شكد كلب
بدلت و كملت و رحنه بسيارته للمطعم طلبنه اكل و بده هو يحجي ...
بكر : تذكر من جنت شاطر
عمر : شكد قديم راح تصير سنه ع الكساله ويكولي تذكر شلون جنت شاطر
بكر : ترى امي مجانت تريد اتصير من هيج ولد تذكر من جنه اصغار و تكعد تطبخ وانت تسولفله ادكوللهه اريد اصير مهندس جتى ابني البيوت الي فجروهه الامريكان
عمر : اي اتذكر والمطلوب
بكر : ترى امي ما ماتت بالانفجار كبل ظلت صاحيه ساعه بالمستشفى اني وياهه
عمر : كافي ما اريد اذكر
بكر : تدري من جنت مصوب و كاعد يمهه شكلتلي
عمر : ما اريد اعرف
بكر : كلتلي ديربالك ع ابوك و اختك و كمل دراستك و انتبه لعمر خلي يصير مهندس مثل ميريد و ازوجوا و علي ديربالكم بعده طفل بس اريد فديوم تجون لكبري و لازمين جهالكم و اشوفكم ويكلي عمر شلون صار مهندس و علي دكتور و انت عندك جهال و ديربالك ع اختك و مرت من تزوج و ابوكم ترى يحب اللمه مو تعوفوا و مو تضوجون لان متت هاي امانه وربك اخذهه و ان شاء الله اشوفكم اني و ياريت ادفنوني بالنجف اني و عثمان يم امي ابني احبكم اني اريدكم اترفعون راسي و يكولون عليكم متربين ...
عمر : بس كافي ما استحمل اكثر
بكر : هاي وصيته واجب تحققه ترى هاي امي جانت تتوقعك تصير مهندس مو مجرد صايع
عمر : اريد احقق امنيته بكر بربك ساعدني
بكر : انت كدهه لتضوج اني وياك بس تكدر تنجحلي خامس من اول دور حتى لو خمسينات
عمر : اي
بكر : لعد راح اخابر المدرسين الي درسوني من باجر تبدي احياء و كيمياء و فيزياء
عمر : هااأ باجر و العطله
بكر : اي لازم من هسه حتى تلحك تدرس بالعطله انكليزي و رياضيات و عربي
عمر : ماشي موافق
بكر : اوك كمل اكلك حتى نرجع
عمر : بس الفلوس منين
بكر : اني احجي ويه ابويه
عمر : اوك .
(مارتينا)
لكيت زينب دازتلي ....
زينب : هلو
مارتينا : هلو حوبي
زينب : شلونج
مارتينا : زينه وانتي
زينب : الحمدلله اكولج
مارتينا : كولي
زينب : اني يمكن احب صديق عمر
مارتينا : هههههه صدوك
زينب : اييي لذلك اريد معلومات عنه ضلعتي
مارتينا : ادللي ضلعتي اسئلج عمر بس احجي وياه
زينب : يله ولي راح انروح للكاظم
مارتينا : اوك حياتي زياره مقبوله اني باجر اروح للكنيسه
زينب : منا و منج حوبي ان شاء الله
مارتينا : باي دا انام
زينب : بيباي