احببتها بصليبها

خسرت كل شيء

(خسرت كل شيء)
(المكالمه)
زينب : الو
الدكتور : الو مارتينا
زينب : اي منو
الدكتور : اني دكتور بالمستشفى ...... اهلج سووا حادث
زينب : شنووووو
مارتينا : شكوو شبيج
زينب : لج اهلج مسوين حادث
مارتينا : هاا
(الشباب)
جنه كاعدين اني و حسن و عبد الله اخو زينب صرنه اصدقاء كولش جان عبدالله متجي ع الحايط و اني و حسن ع السياره مالتي منشوف عدغير زينب و مارتينا يركضن شنو تخبلن ذني
زينب : عبووود
عبدالله : هاا ولج ليش تركضين
زينب : لك عبوود
مارتينا : اهلي سووا حادث الله يخليك اهئ اهئ
زينب : ودينه للمستشفى
عمر : تعالوا بسيارتي كولكم
حسن : اووك
ركبنه كولنه بالسياره حتى عبد الله ويانه و مارتينا ملت السياره بدموعهه حبيبتي بس اريد احضنه كسرت قلبي وصلنه للمستشفى و سألنه الاستعلامات رحنه للغرفه و طلع الدكتور
الدكتور : منو منكم مارتينا
مارتينا : اني
الدكتور : ابوج حالته خطره حاليا و بالانعاش بس نكدر انقذه و امج و اختج الجبيره حالتهم مستقره ..
مارتينا : واختي الصغيره
الدكتور : البقيه بحياتج اني اسف
مارتينا : شنوو
حسن : لك عمر الزمهه حتوكع
زينب : لج مارتينااااا
عبدالله : لا اله الا الل
عمر : مارتينااا مااارتينا حبيبي
زينب : ماارتينا
(مارتينا)
كعدت و ماشوف غير سكف ابيض هااي اني وين شنو الموضع يمكن دا احلم او جنت بغيبوبه ما ادري بنفسي هفف
مارتينا : اريد اختي جمانه
عمر : حبيبي
ماريتنا : هاا عمر وينه ليش مموجوده
عمر : اشش حبيبي اهدي
مارتينا : شنو اهدأ انت من كل عقلك دا تحجي دا اكولك اختي وين جمانه وين
عمر : اني اسف حبيبتي
مارتينا : شنو اسف عمر شبيك اريد اختي صيحهه
عمر : كافي مارتينا كافي
مارتينا : يعني من صدوك ماتت
عمر : يروحي كافي بجي
مارتينا : هي الوحيده الي تحبني
عمر : اششش اني هم احبج
مارتينا : عمر ليش هيج حياتي
عمر : ليش شبيه يروحي
مارتينا : شنو شبيهه ماتت اختي الي احبه و انت بالنسبه الي حلم صعب تحقيقه ليش هيج
عمر : حياتي ليش هيج تحجين
مارتينا : لان كولشي احبه يروح من ايدي
عمر : ياروحي اني لو اموت ما اعوفج
مارتينا : منو يقبل بينه نزوج هي بس جمانه و راحت
عمر : اششش اهدي حبيبي و ارتاحي هسه
مارتينا : ابقه يمي
عمر : باقي يا روح روحي
بقه يمي عمر اليوم كوله و اخذتلي زينب اجازه من المدرسه و ثاني يوم تمت مراسيم الدفن بالبدايه رحت للكنيسه الي بالكراده رحت بس اني حتى كرايبنه ماكو اهلي بالمستشفى بس عمر وكف ويايه هو و زينب و حسن و عبدالله ما انسه فضلهم طول حياتي و جان كم واحد مسيحي من الشغل وره الدفن اجانس اتصل من رقم بريطاني غريب
مارتينا : مرحبا
الشخص : مرحبا هل انتي مارتينا ادم
مارتينا : نعم من انت
الشخص : اووه مارتينا انا متي ابن عمتك
مارتينا : متي انا خرجت من الكنيسه الان
متي : اووه هل ازعجتك
مارتينا : بالعكس كنت في مراسيم الدفن
متي : ماذا ماريه من مات لديكم
مارتينا : ان من مات يا متي هي من كانت تحبك
متي : ماذا تقولين من تقصدين
مارتينا : الم تلاحظ ذلك هي حبتك كثيرا لدرجه انها تقضي عطلتها من اجل مشاهدتك
متي : هل..
مارتينا : نعم ان جمانه قد توفت البارحه في حادث سير
متي : اتكلم معكي لاحقا
مارتينا : حسنا .
عرفت ان هو مجان يطيهه اهتمام بس قلبهه يحبه مو بيدهه رحت للمستشفى ابويه عند جروح خفيفه بوجهه و ايده اليسره مكسوره و امي رجلهه و يمكن حتتسبب باعاقه مؤقته و ديانا بغيبوبه زينب جانت اداوم علمود تفهمني بس ارجع و عمر بقه يمي كل ميخلص جامعه يجي وره اسبوع كولت لعمر يوديني علمود اغسل ملابسي واجيب جدد رحت للبيت لكيت سياره يمه رحت باوعت لكيت عمتي
عمتي : مارتينا حبيبتي
مارتينا : اهئ اهئ عمه
عمتي : حبيبتيي لتبجين بنتي شنو الصار
مارتينا : عم..ه راحت جم..اهئ اهئ
عمتي : يا عمري انتي تغالي دخلي جوه يروحي .
زليت ابجي بحضن عمتي لحد ما غفيت وراهه كعدت لكيت الدنيه ليل نزلت جوه محد ماكو بس متي
متي : لقد ذهبوا والداي للمستشفى من اجل الاجراءات
مارتينا : كان عليهم ايقاظي
متي : هنالك طعام ع المائده
مارتينا : حسنا
متي : ان تكلمت معك ببعض الامور لا باس صحيح
مارتينا : تقصد جمانه صحيح
متي : اذا لا يمكنك لا بأس لن ازعجك
مارتينا : لا بأس تكلم
متي : منذ متى و هي تحبني
مارتينا : منذ ان كانت صغيره
متي : هه و هل هي كبيره الان
مارتينا : هسه شلون اركعه دفره
متي : ماذا قلتي لم افهم
مارتينا : كنت اقصد منذ ان كانت طفله تتصرف و كانك اكبر منها بكثير
متي : انا اكبر منها باربع سنين
مارتينا : الحب يتجاوز الاعمار ان كنت تريد ان تستخف بها و هي ميته قل
متي : اوه لم اقصد ذلك لكن...
مارتينا : ماذا
متي : في الحقيقه انا احبك انتي
مارتينا : ايييه !!!!
متي : يمكننا البدء صحيح انتي لي ماريه
مارتينا : انا اسفه متي
متي : لا بأس ان كانت جمانه تحبني فانا لا احبها و انتي مع الوقت سوف تنسيها و نبدأ نحن حياتنا في لندن
مارتينا : هه !! هل انت صاحي
متي : ماريه حبيبتي
مارتينا : ✋ هل تريد المووت
متي : حسنا لا بأس بهذا
مارتينا : ماهذه الحقاره يا رجل هل تريد ان انسى اختي لعلمك انا في علاقه مع شاب ارجل منك كف عن هذا و اذهب الى الجحيم فليترحم لك اليسوع ع افعالك
متي : ماريه ههه تفكيرك متخلف الامر عادي بيننا
مارتينا : اسمي هو مارتينا و ليس ماريه حسنا و ان كان عادي بالنسبه لك فلدي محرم
متي : من اجله تفعلين كل هذا
مارتينا : انا ملكه وهذه الكلمه كفيله بفهمك
متي : حسنا يا مارتينا انا و هو و الزمن طويل
مارتينا : لم يبقى سوى انت علي ابن ابيه المدلل
عفته و رحت لكيت مسج من عمر يكولي ميجي بعد مدام اهلي حيطلعون من المستشفى و عمتي موجوده استمريت اعيش ابحدي صح ويه عائلتي بس اني مستقله عنهم مجرد ادرس و انام كمل السادس و صار يوم النتائج اخيرا قبله بشوي جنت كاعده احجي ويه دب جمانه الي جانت تحجيله كولشي خليته بحضني شفته كولش ثكيل مع انو هو مو جبير فتحت السحاب حتى اشوف شنو هالثكل لكيت مفكره لزمتهه فتحت اول صفحه مكتوب بيهه ..
جمانه : الى من يلمس هذا الكتاب فليعلم ان به اسرار جمانه كلها لذلك اتركه لا ارفسك كذب كذب سوف اكتب به عن حياتي و اغلى شيء بها مارتينا و بعض الوصايا التي اتركها بعد موتي اولا الوصايا ..
1_ يجب تلبية جميع متطلبات مارتينا و زواجها من تحب
2_دخول مارتينا المحاماة
3_ لا اريد ان تتدخلوا بحياة مارتينا
4_ كل شيء جميل سموه مارتينا
5_ كل شيء مارتينا ..... هاي ليش هيج كل الوصايا الي احد كايللهه راح تموت هي بقيت اقره بي لكيت كولشي كاتبه عني و عنهه صحيح بعض الكلمات تافهه بس وربي سعدتني شلون هي كاتبه اني ما ابجي بدونه و اكون قويه خطه الطفولي الرسومات الي مخليتهه كولشي بيه جان يحسسني انو هي ويايه معافتني صعب تعوف شخص تحبه بحجت قدر صعبه كولش متلكه احد الك بدونه هي كولشي بالنسبه الي صح اصغر مني بس والله اذكه مني و خلتني اختار الصح بسببه اتمنى تعرف شكد اني احبهه اندك الباب بهاي اللحظه رحت اني افتحه
مارتينا : منو
زينب : اني زينب
مارتينا : هلا حوبي
زينب : طلعت النتائج
مارتينا : ايي
زينب : ماعندي الجرأه افتحهه ابحدي
مارتينا : تعالي لغرفتي
زينب : اووك .
صعدنه بغرفتي و فتحنه اللابتوب و لكينه مدرستنه ظلينه اندور لحد ملكينه النتيجه
زينب : معدلي شوفي شكد
مارتينا : لج زينب معدلج 95
زينب : عاااااااا كولي و علي
مارتينا : واليسووع
زينب : لج ممصدكه و كللللوووووش وانتي
مارتينا : اعرف بي موزين
زينب : شفتي انتي
مارتينا : لا
زينب : خلي اشوف ...مارتينا مارتينا ادم
مارتينا : لج وكفتي قلبي
زينب : مبرروك محاميتنه
مارتينا : هااا
زينب : هههههههه لج دخلتي قاااااانوووون
مارتينا : عااااااااااا و طرا طرا طرا طرااا هلا هلا
زينب : اروح ابشر اهلي
مارتينا : اني هم.
راحت زينب تركض لاهلهه و اني دكيت الباب ع مكتب بابا
بابا : منوو
مارتينا : اني بابا
بابا : اتفضلي
مارتينا : بابا
بابا : هاا
مارتينا : طلعت النتيجه و انقبلت قانون
بابا : بيهه الخير حبيبتي ان شاء الله اشوفج احلى محاميه
ماما : بشرييييي
مارتينا : وياج المحاميه مارتينا ادم
ماما : كللللووووووش الف الف مبروك بنتي
ديانا : انقبلتي محاميه شفت نتيجتج بس معدلج 88 مو مال وحده شاطره قبل
بابا : ميهمني المعدل الانم تحقق حلمهه ورفعت راسي مو مثل بعض ناس
ديانا : اهاا بيهه الخير هه
مارتينا : هه رجاءا معدلي مطلع قوي بسبب ظروفي مو نفس عالم جانوا مرتاحين و معدلهم ناصي .
(زينب)
رحت ركض حتى منتبهت اني لابسه نعال ابو مارتينا وصلت لاهلي كبل للاستقبال جان مفتوح
زينب : لكمممم معدلي 95 كلللووو....
حسن : بيهه الخير
عبدالله : لج .. لج طلعي بررره
عمر : خررب بطني
عبدالله : شبيك تضحك هيي
عمر : روح باركلهه روح .
عبدالله : تعاي لج
زينب : و العباس ابو فاضل ما منتبهه
عبدالله : العباس شالج ان شاء الله تعاي خلي ابوسج عابتلج براسج خير
زينب : يمه فدوه لروحك حبيبي
عبدالله : تبوسيني مو اكطعه ع راسج
زينب : لا لا ولك كافي
عبدالله : مبرووك ام كفشه
زينب : الله يبارك بيك عبوودي
(الكروب)
حسن : لكم اخترعت اخت صديقنه دخلت علينه
عمر : اي وربي حتى اني اخترعت
زينب : مكدرت الا بهذا اليوم تجون
مارتينا : هههههه شبيكم
عمر : عوفونه هسه شطلعتوا
مارتينا : معدلي 88 يعني يجيب قانون
عمر : حبيبي ليش ضايجه
مارتينا : وربي لو مو ظروف جان اعلى جبت
عمر : اهم شي دخلتي قانون و هذا يكفي
زينب : اني هم حروح قانون علمود ابقه ويه صديقتي
حسن : اي بيهه الخير .