البارت الخامس
خليتله ثلج
وراه
ضلوا يحجون واني اباع عليهم أريده بس يخلص
وره ساعه
عدي:ياله اني رايح
رغد:ها وين شعندك أبقه ع العشه
عدي:لا والله اريد اروح
رغد :الله وياك خويه
سلم عليه وحضنه
عدي:محتاجه شي
رغد لا سلامتك
سلمت رغد عليه من بعيد
وقبل لا نطلع
اجه حسين كامل زوج رغد
حسين:هااا هاي منو يمنه
راح عدي سلم عليه ومبين جان يحبه من نضراته وضحكه وياه
جانوا يضحكونضلوا كم دقيقه يحجون كدام الباب
عدي:دياله خلي اروح صدك جذب لزكتوا بيه مشايفين شاب؟
حسين:هههههه دمشي روح مو صوجك
عدي:ههههه دياله نتلاكه عود بعيد ميلاد الصغيره
حسين:ان شاء الله
سلموا وطلعنه اني و عدي
وركبنه السياره
عده اليوم ويحنه من بكان البكان جان كل ساعتين عند احد او عنده شغل
مر اسبوع واني اشتغل يم عدي
جان اسبوع عباره عن شغل بشغل
جنه مثل الفاره والبزون اني أنكط خباثه وهوه عصبي بس يرجع حقه
وجنت اكللل شكددد بهل اسبوع حرفياً حته احاول اغسره اكل مستغلته أبشع الاستغلال ما اكل بيتي اكل يمه واكل هوايي حرفياً لدرجه بسبوع زدت كيلوين حرفياً من كثر الخباثه مالتي تحولت عليه وسمنت بس مستمره اخبث
وضلينه سبوع ع هل سالفه يوميه شغل و خباثه
___________________
ساعه ١١:١٥ بليل
تارا: خسخسخسخس (عود داضحك ضحكتي المعوقه
نريمان: ولج اشو احسج هل أيام ضحكين هواي
تارا:شبيج وعمه حاسدتني ع هل ضحكه
نيمان:لا بلعكس يارب دوم ضحكين بس يعني هل ايام مو كأنو هواي تضحكين ومبتسمه وجيبين طاري عدي هواي
تارا:يي اكيد اضحك شايفه شيصير يوميه والمعارك اني وياه والخباثه الي اسويهه بي وربي ارتاححح من اخبث عليه
ضحكت نريمان وفرت بيده
ضلينه نحجي ونضحك
لحد ساعه. ١:٠١ بليل
أنت تقرأ
أبناء العنف والثراء
قصص عامة:اني راح انتقم منك واندمك ع كل دمعه نزلت من عيني وراح اسوي حياتك جحيم وإذا ما اطلع روحك ما اسمي تارا ..... توضيح* قصتي تحجي عن انتقامي من اكبر شخص بلعراق واحداث حصير وياي متوقعته ....