ملحوظة : الإسكريبت ده عبثي حرفيًا كتبته في وقت زوبعة فنجان ولكن بحبه بصراحة، مش هتخرج منه بمعلومة لكنه يسعى لرسم إبتسامة صغيرة على ثغرك♡
_________________________
_ ما تفسّح كدا يابو الشباب خلينا آخد راحتي في القعدة
= ءء آه أتفضلي.
_ جدع .. ألا قولي يا بشمهندس، مش بشمهندس برضك؟؟
= أيوة أنا مهندس ميكانيكا
_ ميكانيكي يعني.
= آه حاجة زي كدا.
_طب قولي يابو الشباب، ايه فكرتك عن الجواز؟
= الجواز ده شيء جميل جدًا فيه دفا وحب و...
_ لا يسطا أنت فهمتني غلط، قصدي يعني الجواز نفسه، هل لو أنا حد أتعرضلي في الشارع هتحميني؟
= وهو أنتِ حد يقدر يتعرضلك أصلًا؟؟
_ مالك؟
= لا مفيش، أقصد أيوة أكيد هدافع عنك ما أنا هبقى راجلك.
_ راجلي آه، طب بص بقى عشان أحنا عيال ولاد أصول وملناش في النحنحة والمُحن الكتير ولا العوق، هتفضل بقى داخل خارج عروستي لأ سينما لا بحبك، لأ!!! أنا دمي حامي شطة مولع محبش اللي بيتدلع .. أنا كبيري مات يــاض.
= حضرتك والله أنا مقولتش حاجة والله يرحم كبيرك، بس أنا حاسس أني سمعت الكلام ده في حتة قبل كدا!!
_ ما علينا، لو دلوقتي أحنا متجوزين وقولتلك أني مسافرة مع صحابي كام يوم، هتوافق ولا لأ؟؟
= هو طالما أنا واثق فيكي فتمام.
_ لا ماهو صحابي دول شلة .. يعني ولاد على بنات.
= ولاد على بنات!!! لا معلش أنا اسمي لؤي آه بس راجل أوي.
_ يا شيخ اتنيل .. طب لو احنا اتجوزنا
= يارب لأ.
_ ودلوقتي أحنا في شهر العسل، هترضى أني ألبس مايوة.
= أنا والله معنديش إعتراض بس أنا عايز افهم ايه المُغري فيكي عشان تلبسي مايوة أصلًا؟؟
_ كلمة زيادة وهلّبس طبق الجاتوة ده في وشك، إركـن شوية.
= حاضر.
_ دلوقتي أحنا خلفنا...
= هو ثانية واحدة بس أنتِ خلتينا متجوزين وخلفنا كمان!!! حضرتك أحنا لو في فلاش باك مش هننط النطة دي كلها.
_ تعرف تكتم؟
= حاضر.
_ احنا اتجوزنا وخلفنا، بس أنا معدتش عايزة أخلف تاني أو جبتلك بنت وأنت نفسك في واد هتعمل ايه؟
= بصي أنا معنديش اعتراض اللي يجيبه ربنا كويس، بس هو...
_ تشرب سيفين
= لا مُتشكر أوي .. وبعدين سيفين مُقاطعة يا آنسة.
_ وأنت مال أمك.
= هو ممكن انا اللي أسألك سؤال؟
_ إهري.
= هو أنا ليه حاسس نفسي بكلم واحد صاحبي مش بنت جاي أتقدملها؟؟
_ أنت هتحلو ولا ايه؟؟ تحب أوريلك البت دي تقدر تعمل ايه؟؟
= لا يا معلم براحتك.
_ بقولك ايه؟ هي ماما كانت بقرة؟؟
= ليه؟؟؟
_ عشان جابت القشطة دي.
= ءءء ربنا يخليكي.
_ ياتي بطة بتتكسف، بقولك ايه؟
= اممم.
_ يخربيت حلاوة أمك .. ولا! ما تيجي ونجيب مليجي.
= يا نهار أزرق أنتِ عايزة مني ايه؟؟
_ تعالى بس أما أشرح درس التكاثر عليك عملي.
= لا أحيه، يا مــامــا الحقيني العروسة بتتحرش بيا.
______________________________
منحكمش عليهم من دلوقتي، الجاي أجمد والله😂😂😂❤
أنت تقرأ
إسكريبتات
Humorهُنا ستجد كل ما يحلو ويطيبُ لكَ قصص دينية، كوميدية، رومانسية وإجتماعية أيضًا قصص ستتعلم منها الكثير وستريح قلبك الغائر .. وقصص ستضحك من قلبك عليها وستُخفف همومك .. وقصص تُقربك من الله .. قصص تُعرفك أكثر عن الحياة لن أطيل عليك ولكنني أتمنى أن تنال كت...
