انتقام بمنطق الحب ( الجزء الثاني زواج لم يكن في الحسبان)

حلقة خاصة

حلقة خاصة " انتقام بمنطق الحب"

بعد مرور عشر سنوات على زواجها مازالت كما هي لم تتغير في عنادها وهو كذلك فالطبع لا يتغير لو مر عليه زمن  أردفت باسمه
ـ  يونس
رد عليها
ـ قلبه وروحه
التقطت الوسادة من على الفراش والقتها في وجهه
قام بصدها بذراعية أردف
ـ يا مجنونة هتبطلي تصرفاتك دي امته  أنتي بقيتي أم لطفلين على اللي بتعمليه ده

أزاحت الغطاء من عليها واتجهت نحوه وأردفت
ـ يونس بطلت تحبني ؟ عشان شكلي اتغير وتخنت شوية صمتت لثوان وأكملت
ـ هو أتغير كتير صح ؟

رد عليها
ـ عايز أعرف الأفكار السامة اللي في دماغك دي بتيجي منين وأنتي عارفة الإجابة

ردت عليه
ـ اسمعها
زفر أنفاسه وأردف
ـ أنتي عارفة أن القلب والعقل والروح دول مركز الإنسان من غيرهم ميكونش ليه لازمة حبي ليك كده يا رغد لو واحد فيهم غاب يبقى في نقص وحاجة غير طبيعية

أنا حبيت روح وعقل وقلب رغد حبييت روحها الخفيفة العنيدة والبريئة في نفس الوقت
وحبيت عقلها المختلف وألغازها الغريبة اللي كانت تسحب عقلي معاها زي المغناطيس
وحبييت قلب رغد النقي اللي قدرت تغفرلي خطأ كنت غبي وقتها ومعرفتش بقيمتها إلا لم بعدت عني

مكنتش عارف أن ربنا كرمني بلؤلؤة  جابت لي أحلى هديتين وهما رفيدة ومالك 
هما  حالياً هدفنا أننا نربيهم تربية سوية ونأدي رسالتنا ليهم على أكمل وجه
عايزة أقولك تقبلي نفسك يا رغد أي كان حالها وعشان الناس تتقبلك فأي وضع أنتي كنتي فيه
هتفضلي دائماً  في نظري أجمل بنت

في مقولة قالها جلال الدين الرومي : أليف الرُّوح مُلفِتٌ، ولو بينَ الحشود.

في منزل الدمنهوري

تركض سهى عند والدها أردفت
ـ بابا أنا خدت المركز التاني في مسابقة حفظ القرآن  فين هديتي اللي وعدتني بها

تدخلت مي
ـ مبروك عليكي يا قلب ماما ممكن تدخلي أوضتك عايزة بابا في كلمة
أطاعت حديث والدتها وذهبت لغرفتها

وجهت مي بصرها ليامن وأردفت
ـ مش شايف أنك مدلع بنتك زيادة عن اللزوم كل إنجاز بهدية أنا مش ضد التشجيع بس مش كده يا يامن
كل مرة كده أنت عودتها أن كل حاجة تعملها بمقابل أنا خائفة عليها وعلى تكوين شخصيتها

سهى مش هتفضل صغيرة بكرة هتكبر وتخرج للعالم الخارجي ممكن حد ابن ناس يستغلها في حاجات تاني ويقولها لو عملتي كده أنا  هعمل لك حاجة بالمقابل  غير كده كمان أنت الفترة دي بعيد عن سراج أوي الولد داخل على مرحلة مراهقة ومحتاج صاحب وسند وتقريبا مفيش أحسن منك يعمل الدور ده

صدمها برده عندما أردف
ـ أنتي غيرانه من بنتك يا مي ؟
صرخت في وجهه
ـ ايه اللي أنت بتقوله ده ؟ غيرة ومن بنتي ؟!  الظاهر كده حبك لبنتك غيرك ومش عارف معنى كلامك أنا خائفة عليهم مش عايزاهم يمروا بأي أزمة نفسية تدمرهم  كفاية اللي حصل لي