لم أكن وحدي في طريق النجاح "
"كان من يرفع يديهة متوسلا لنجاحي"
"أني لم أكن وحدي في بيوت مغفلا "
"كان من يتفقدنا قبل النوم "
_____
في محافضه بابل في احد البيوت العراقيه:
الساعه 7:15
نرجس: ماما وين المشط؟
حوراء(ام نرجس): هاا يمه؟ تلكي يم اختج نور شفتها تمشط بي روحي شوفيهاا اذا مكمله منه
نرجس: نوور وينج انطيني المشط عندي امتحانات
نور: لج لحضه ترا مو بس انتِ عندج دوام
نرجس: ماما صيحي بيهة راح يروح عليه الامتحان
نور: اي صيحي بعد صيحي روحي جدي من الجيران بعد مشوطه
حوراء: شبيجن ولجن صوتجن يعلع متكعدن راحه
يلا نور خلصي وانطيهاا المشط كافي
نور(بغرور): صار ماما.. هاج ست نرجوسه
انطيتهاا المشط او وكفت وره امي تعيب عليه وستغربت من حركتهاا
نور: ماما شوفيهة تعيب عليه وراج
حوراء: اويلي منجن اني راح اروح اسوي ريوك وتكملن بسرعه وتجن مو تنامن خوش!
نور ونرجس: صار ماما
نرجس:
كملت تمشيط وسويت تسريحه فتحت شعري لان طويل واريد يبين طوله وميضيع ولبست الزي المدرسي لان عندي امتحانات اخير سنه، وراها رحت تكرمون مسحت حذائي ورجعت على نور لكيتها مكمله كلشي.
نور: هاا يلا باي طالعه لشغل
نرجس: تريكتي؟
نور: اي عمري تريكت بسرعه بسرعه لان ماضل وكت
نرجس: ليش بيش الساعه هسه؟
نور: بلـ 7:30
نرجس: عززززه راح يروح الامتحان عليههه
نرجس:
لملمت غراضي وكتبي ورحت للمطبخ ركض صارت زهراء كبالي.
زهراء: ولج نرجس شبيج تركضين خرعتيني عبالي ماما
نرجس: وخررري وخررري تأخرت
زهراء: تمام لعد روحي وهاج هاي فلوس تريكي بيهن من تكملين امتحان
نرجس: تمام باااي
زهراء: باي يعمرريي انتِ لتخافين من الامتحان توكلي على الله وأهل البيت واقري سورة الفاتحه لأم البنين خوش
نرجس: تمام أن شاء الله
نرجس:
طلعت بسرعه بسرعه من البيت واتصلت على ابو الخط واجاني صعدت وياا او وصلت للمدرسه ودخلت للأمتحان لكيتهم موزعين الاوراق
المدرسه: ها ها شكو شبيج؟
نرجس: صباح الخير ست أسفه تأخرت علأمتحان
المدرسه عوجت حلكها وكالت
: هلا.. وين بطاقتج الامتحانيه؟
: هسه لحضه اطلعها
طلعتلها البطاقه ودخلت للأمتحان وجابولي الأسأله جانت مو كلش صعبه.
________________________________
تعالو اعرفكم على الأبطال علما تمتحن نرجس
