" أنني في أمالي غارقُ "
" لم اكن أنا في ضلام الزوايا "
" بل كانت الاحلام متلاطخه بلدماء"
•. •. •. •. •. •. •. •. •. •. •. •. •. •. •. •. •. •. •. •.
رجع وكف يم الباب وايديه وره ضهره ومندار علباب مدري شيحجي حاولت اعرف منو هذا بس معرف الى ان اشتغل الضوه بلغرفه وانصدمت من وجود محمد عند الباب.
نرجس: محممددد عوووفنييي حبابب.
محمد: خايفه؟
نرجس بخوف : اول مره احس بخوف من اعز اخواني.
تقرب عليه حاط ايديه وره ضهره ونطق بحقد.
محمد: خايفه؟
نرجس بدموع: اي.
محمد: اذا انتِ هيج خايفه، ليش ما خفتي لمن طيرتي شرفج.
نرجس: كاااافي محمددد افتهمونييي صدكنيي ماالي دخللل.
محمد: موسى طلع من السجن.
نرجس بدموع: وشسويلهه شعليهه انيي بيي.
محمد: اليوم نرجع لبابل.
نرجس: ليش؟
محمد: لييييييش؟!!!
نتر بوجهي وماردت احس بضعف رديتهه اله.
نرجس: اييي ليششش.
ضربني بقبضه ايده على راسي ونلطخت بلحايط حسيت كلشي انتهه بيه، كعد كبالي يباوع بعيوني بحده ونطق:
محمد: منو يكول انتِ شريفه؟
نرجس: ....
محمد: نرجع لبابل ونتصرف هناك، يلا كومي بدلي ملابسج ولبسي شي شريف مو ببيت العالم وعارضتلهم جسمج.
نرجس بدموع: بس ماعدهم ولد همه ثنين وما يجون للبيت.
محمد: ولا كلمه.
نرجس: كمت رحت للحمام سديت باب الحمام وضليت ابچي بكتمان، شلون راح ارجع لبابل وشراح يصير بيه راح يموتوني يكتلوني اهلي ميردوني اصلا متت من قهر خلصت طاقتي حسيت كلشي نسد بوجهي بهاي اللحضه، سميت بسم الله وكمت غسلت وبدلت ملابسي لبست بشت اسود وشال، اول مره البس شال واحطه على راسي، ضجت منه لان ماعرف البسه وكل شويه واكع، رجعت ابچي وحسيت حتى الشال صار ضدي هلكد ممقهوره، لفيته شون ما چان وطلعت، لكيت محمد بعده كاعد بلغرفه ينتضرني.
نطق وعيونه بلمبايل.
محمد: كملت الدكتوره؟
حچيت واني مدنكه راسي مقهوره احاول ميشوف وجهي لان چنت ابچي.
نرجس: اي كملت.
محمد: امشي كبالي.
مشيت كباله خايفه من مواجهه بابا جوه واخاف يأذيني، امشي علكيفي ولزمني من ايدي ضاغط عليه ومشه بيه بسرعه، حاولت احچي ويا بس الضاهر ميتحاجه.
