💜رواية 💜#جار_القلب 💜
♥️الحلقة السابعة ♥️
⚘Hăbošh⚘للكاتبة⚘
💜💜💜💜💜💜💜💜💜💜💜💜
اني وصلت للطاولة و جيت نبي انقعمز معش شفت قدامي جيت طايحة على الارض و جوني رفعوني على الكرسي وبخني بالمية
ماما/ تمسحلي في وجهي. بسم الله شن صايرلك ادوخي وخلاص
اني نبكي ومازلت مش متوازنة
ام حاتم/ باستغراب..هي بدوخ من قبل
ماما/ فطنت. ااالا بس لها كم يوم من الجري وتعب
ام حاتم/ لوت وجهها. اي رايحة حتى امعضمة ما تقولش هي يلي خطبناها
ماما سكتت وقعدت جنبي فاتت ساعة
واني متحملة وجع راسي وجع قلبي انخمم من سفرت قصي ونار تاكل فيا كيف انعيش من غير مانشوفه نحن صح تفارقنا بس وجوده قريب امطمني ويكفي بس انشوفه حتى من ابعيد. قعدت امقعمزة معهم جثة ونتفرج
و ماما وام حاتم في بينهم تتش في الكلام و ماما معجبهاش الجو حبت اتباعدني
ماما/ وقفت. عن اذنك العريس قريب ايخش نمشي انشوفه و شبحتلي. هيا يا جنات ومشيت معها
انا/ ماما ممكن انروح للحوش
ماما/ شنو مازلتي دايخة
انا/ اي رأسي رزين ومش متحملة الموسيقى
ماما/ و من يبي يمشي معك توا
انا/ نمشي ابروحي و نتصل بامهيمن يرفعني
ماما/ لالااا ابروحك ماتمشيش ادوخي ما تلقي حد جنبك
انا/ باهي انشوف نهى تمشي معايا
و كلمت نهى واتصلنا على مهيمن كان مع العريس جانا رفعنا للحوش
مهيمن/ كان تحملتي هالساعة وروحتوا كلكم
انا/ بصوت تاعب. مقدرتش نستحمل خفت انطيح اخرى قدام المعازيم
نهى/ انتي لازم اتعايني وشوفي سبب دواخك راه بكل رايحة
مهيمن/ توا بكرة في الصبح ذكريني نرفعك للدكتور
طول الطريق ايهدرزلنا و ينابش في نهى
حطنا قدام الحوش و رد لسراج
جينا بنخشوا الحوش
انا/ نهى دبريلي نبي انشوف قصي
نهى/ يا جنات ليش اتعذبي في روحك وتعذبيه معك خلاص ارضي بانصيبك
انا/ عصبت. نهى اااارجوك ااافهميني
نهى/ باهي هو مش قاعد في الحوش شن بندير
انا/ هيا اتصلي عليه ديري اي حاجة المهم ايجي اااانشوفه
نهى/ اااه باباهي هيا تعالي لحوشنا
ومشينا خشينا و اتصلت بيه ودبرت قصة باش هو جاء
أنت تقرأ
جار القمر
Romanceقصة فتاة اتحب ولد جيرانهم و يسافر للخارج خمس سنين و بعد يرجع يقع في حبها...
