💜رواية 💜#جار_القلب 💜
♥️الحلقة التاسعة ♥️
⚘Hăbošh⚘للكاتبة⚘
💜💜💜💜💜💜💜💜💜💜💜💜
شاف تلفونه رسائل ومكالمات فائتة عاود اتصل على ماجد طول
ماجد/ ياحسابه شاف رسالته ... اووووو عريس مبارك ان شاء الله
قصي مستغرب كيف عرف انه اتزوج وهو مازال ما خبر حد
قصي/ الله ااايبارك فيك
ماجد/ شن شعورك بالله بعد المفاجئة
قصي/ ضحك. مفاجئة شني
ماجد/ هههههههه صدمة ولالا
قصي/ مافهمتش عليك بس من خبركم اني تزوجت
ماجد/ كيف من خبرنا ونحن يلي زوجنك
قصي/ زاد استغرب. والله مافهمت عليك لاكن ياسيدي تسلم عقبال مانفرحوا بعيالك
ماجد/ان شاء الله اسمع الطيارة من شوية طلعت
قصي/ طيارة شني تدوي عليها
ماجد/ كيف طيارة شني ماقريتش الرسالة
قصي/ لا ماشفتهاش
ماجد/ استغرب. وكيف عرفت بزواجك
قصي/ تي ازح كنك محوسها
ماجد/ لا امحوسه ولا شي انت يلي من فرحتك بطلت اتجمع هههههههههههههه
قصي/ يضحك .شارب حاجة شكلك قول بس
ماجد/ هههههههه شارب واكل لين شبعت العريس مش قاعد ونحن انعولوا وراه
قصي/ باهي يارايق ماقلتليش شنو قصة الطيارة
ماجد/ جاية فيها عروستك
قصي/ على شن تحكي ياراجل راك دوختني
ماجد/ كيف دوختك بتجيك جنات
قصي/ قلبه دق..شششنو جناااات
ماجد/ قسم بالله مانك طبيعي تي ياهمي ماتبيش اندزولك مرتك ولا كيف
قصي/ عصب. يااا بشوية ااازح فهمني شن جنات وطيارة مافهمتش
وفتح الرسالة وقراها 😨😨😨
قصي/ امعصب. كيف اديروا حاجة من رؤوسكم
ماجد/ ما توا كنت تضحك وعادي شن جدد
قصي/ يا اااستاااذ اااني تزوجت
ماجد/ انصدم. كيييف وليش ما خبرتنا
قصي/ جت هك بسرعة وتزوجت لاكن انتم ليش ماقلتولي كيف اتزوجوني من غير مانعلم
وقعد ماجد يحكيله شن صار بتفصيل
وقصي مش عارف يفرح ولا يزعل تلخبطت عنده
صكر من ماجد و قعمز حاط راسه بين ايديه ايفكر كيف ايدير وشن ايقول لساره ولا شن بيقولي وكيف يستقبلني وهو حاسس اني بعته و رجعت ليه كان موجوع مني هلبا و مش امسامحني
أنت تقرأ
جار القمر
Romansaقصة فتاة اتحب ولد جيرانهم و يسافر للخارج خمس سنين و بعد يرجع يقع في حبها...
