💜رواية💜#جار_القلب 💜
♥️الحلقة السادسة♥️
⚘Hăbošh⚘للكاتبة⚘
💜💜💜💜💜💜💜💜💜💜💜💜
وصل صفيان لقصي وعطاه المفتاح وخشوا للمزرعة وقصي ساكت ماحبش يتكلم كان باين عليه مرهق
صفيان/ اتسلم عليك امك بش اتكلمها مشغولة عليك
قصي عزق تلفونه ومفتاحه و خش للحمام
صفيان/ باهي عبرنا الزح انكلم فيك من جيتي علاش الجو اهوه
وقصي يسمع فيه دوش وطلع لاف منشف على خصره خذا شنطة جايبها صفيان فيها حوايجه
وصفيان امقعمز على الكرسي ويشوفله
صفيان/ اني لو منك منعبرها بكل انعيش حياتي ولا كانها موجودة
وقصي خش يلبس ورد عليه وهو جوا
قصي/ اشوية بس توا انسيبلها *¥¥¥¥*
امها ليبيا كلها
صفيان/ وين بتمشي
قصي / بنسافر
صفيان/ تحكي جد
قصي/ طلع عليه. اي جد. قولي شن الوضع في الحوش
و مشي للمطبخ مفتوح على الصالة
صفيان/ تمام. ...طيبلي قهوة معك
قصي/ كيف تبيها
صفيان/ مره كيف العيشة
قصي/ يلا مره مره
المهم ماتحكيش على سفرتي توا اني انقوللهم
صفيان/ اوكي تمام
................💜💜💜💜💜💜💜
نضت الضهر راسي رزين من كثر ما بكيت وحالي منهد طلعت على ماما في المطبخ
انا/ صباح الخير
ماما/ صباح النور حبيبتي شن دايرة اليوم
جيت قعمزت على طاولة
انا/ الحمد لله وين جيهان
ماما/ طلعت تنشر فوق على السطوح
قلبي دق وتنهدت بحرقة
ماما/ حطتلي فطور. هيا كولي باش اتصحي
جيهان/ صباحو
انا/ صباح الخير
جيهان/ ماسكة سلة بيده. اتسلم عليك نهى وتباركلك
انا/ الله ايسلمها شفتيها
جيهان/ اي توا كنت معها
صبيت بنخش اندوش لحقتني جيهان
جيهان/ قصي له كم يوم امسيب حوشهم
انا/ بغصة. و عرفينه وين قاعد ؟
جيهان/اليوم اتصل بيهم قاعد في مزرعتهم
انا/ باهي الحمد لله
جيهان/ وانتي خلاص باتنسيه
انا/ جيهان خليني في حالي
و دخلت على الحمام
أنت تقرأ
جار القمر
Roman d'amourقصة فتاة اتحب ولد جيرانهم و يسافر للخارج خمس سنين و بعد يرجع يقع في حبها...
