︎ماذا لو أخجلك الله بكرمهَ و منحك
تلك التي أقسّمت أنها مسُتحيلة .🦋
صلوا على نبي الرحمه
_________
" يحححح طب كنتي دلقتي علينا مايه سخنه طيب "
قالها نديم و هو يلتحق بملاية جالساً بجانب يونس الذي كان يعطس و بجانبه الكثير من المناديل الورقيه :
" اهه ياني يا امااااا ، والله انا ما ابنك انا هروح ادور علي اهلي من الجامع اللي جيبتيني منه "
لتقول والدته عزيزه ببرود و هي تقطع السلطه :
" طيب وانت نازل هاتلي معاك ب 10 جنيه فلفل اسود و 5 جنيه شطه "
لينظر لها بصدمه قائلاً:
" بكل بساطه كده مفيش ده انت ابني حبيبي يا يونس و لا اي حاجه ، وكمان شطه اي اللي ب 5 جنيه هااا "
لتتركهم و هي تذهب الي المطبخ قائله :
" ما انا لو قولتلك انت ابني مش هتنزل تدور علي اهلك و مش هتجيبلي الفلفل و الشطه ، و ملكش دعوه روح بس قول لعم فاروق بتقولك امي عايز ب 5 جنيه شطه وهو هيديك "
لينظر لها نديم و يونس بصدمه ، ليسمعوا صوت الباب يدق لينظرو لبعضهم البعض و هم يقولون في نفس واحد :
" والله ما انا قايم"
ليزداد دق الباب لتخرج عزيزه من المطبخ و هي تنظر لهم قائله بغضب:
" انت مش سامع الباب ي حيوان منك ليه ".
لتتجه الي الباب لتري الطارق والتي لم تكن الا ناديه والدة نديم فا هم يسكنون في العماره المقابله لخاصتهم لتدخل و هي تقول بصوت منخفض تسمعه عزيزه فقط :
" قولتيلوا حاجه ؟"
لتقول الأخري و هي تنظر للداخل حتي لا يراها احد :
" لا استنيتك اما تيجي ونقول سوا "
لتهز الاخري رأسها و هي تدخل لتصطدم بشكل نديم و يونس .
و عندما رآها نديم تصنع البكاء و هو يركض في اتجاهها يرتمي داخل أحضانها قائلاً:
" شوفتي اختك عملت فيا اي يا امي ااااه يا اماااااا اه بهدلوني يا غالية اختك رمت علينا مايه ساقعه تلج يا امي يرضيكي كده"
لتربت علي كتفه وهي تنظر إلي عزيزه التي كانت تضع الطعام علي الطاوله :
" اخص عليكي يا عزيزه بقي تعملي كده في الواد اللي حيلتي كده طب كنت رشي عليه مايه سخنه طيب ".
ليبتعد نديم و هو ينظر لها بصدمه قائلاً:
" كده بس ده بدل ما تضربيها ، بدل ما تقوليلها لا انتي اختي ولا اعرفك "
لتنهال عليه ناديه بالضرب و هي تقول :
" اه يا جحش عايزني اضرب اختي ، عايزني اقاطعها يا حيوان "
