جرتني ليان من ايد الغرفته وشباب راحو العرس وقاسم دخل غرفته ينام
دخلت غرفت ليان
فاطمه: لينو حبيتي شنو اسم هذه اخوج ثالث ابو الاسود
ليان: ههه هذه مو اخوي اني خطيبه حسن
فاطمه: الله عليج
ليان: والله خطيبه حسن اني
فاطمه: ولامبين اصلاً
ضحكت ليان وضلينه نسولف
فاطمه: يااعزهه صخام يبوو
ليان: شكوو ولج
فاطمه: ولج جهازي بي دعاء العهد وصلت20واليوم اذا
ماقريته يروح شلونن
ليان: ههه عادي اقري بجهازي
فاطمه: بس خاف عيب
ليان: لا عادي
اردفت
ليان: فطوم كومي نسوي ماسكات ومحد هنا وحجابج ذبي
ذبيت حجابي وجرتني المطبخ وضلت تخبط ماعرف شنو ضلت تسوي ماسكات وتخلي على وجهنه اخر شي
سوت ماسك الكهوة وخلينه البشره وضلينه نضحك
على شكل ثانيه
ليان: جوعانهه
فاطمه: اسويلج اكل
ليان: تعرفين
فاطمه: طبعاً
ضلينه نطبخ سواه سوينه كيك وسوينه مشاوي على طباخ ونزلنه الاكل على طاوله وضلينه ناكل
ليان: يمه ولج الكيكه الي سويته طيبه
فاطمه: اني فطوم داده
خلصنه اكل غسلنه وجهنه وغسلنه المواعين
ورحنه دخلنه الغرفه
فاطمه: لينو هسه ماكلتي شسم ذاك ابو الاسود
ليان: اسمه علي
فاطمه: يوعع اسمه علي على اسم الامام علي ﴿عليه السلام﴾
ليان: لعد شبي عادي
فاطمه: اكلج شغله بس لاتضوجين
ليان: ايي
فاطمه: احسه متكبر وشايف روحه
ضحكت ليان واردفت: نامي نامي هه
نمنه وبنص ليل حسيت نفس الاحساس الي احس بي من انام
حسيت شخص حاط ايده على وجهي وضل يمشي ايده على وجهي بسرعه فتحت عيوني بس ماشفت احد خفت
ليان ونايمه ومحد بالبيت وعمو قاسم نايم منو هذه
كمت اشوف ساعه 2:55رحت شربت ماي
واستاريحيت على قنفه شوي مرت وسمعت الاذان كمت توضيت ورحت اصلي صليت واخذت جهاز ليان
جان بدون رمز اخذته لكيته منزله التطبيق بس ماتقره
قريت دعاء وتسبيح زهراء ﴿؏﴾كعدت ليان
فاطمه: ليان ليان كومي صلي
ليان: خمس ثواني بس
فاطمه: ولج ليان كومي هذه حسن يريدج
لكيته فزت واردفت: وينهه وينه
ضحكت عليه واردفت فاطمه: ههه جذب يلا كومي صلي
ليان: اووفف فاطمه اني الج اصلي واجيج
فاطمه: ميخالف
كامت ليان صلت وخليته تسبح تسبيح فاطمه زهراء ﴿ع﴾
خصلت وكعدنه نسولف
وضليت احجي شلون حياتي وياهم من يلتحق بابا
انصدمت وكانو اتذكرت شي
ليان: شبيج فطومه
فاطمه: اتذكرت انو من محمد حاول يتقرب مني كال انوو همه مو اهلي يعني الناس الي راح اروح الهم بعد شوي مايقربون الي شي
ليان: عزههه كومي نكول لـ عمو قاسم
فاطمه: لا خطيه عوفي نايمه
ضلينه نلعب بجهاز ليان ونشاهد افلام ونضحك مرت ساعتين صارت ساعه5
شغلت الكامرات الخارجيه
وكعدنه نشوف منو يروح ومنو يرجع شفنه سياره سوده
مضلله وكفت بـ الباب كامت ليان فتحت الباب ورجعت يمي دخلو حسن وفرقد وراهم علي
حسن: لينووو حبيبتي اشتاقيت الج والعباس
فرقد: اممم شكد جذاب
علي: ليان ابشرج ديربالج من رجلج جان يباوع على نسوان
ليان: حسنن صدك هيج
حسن: من طاح حظك علي عود كلت لاتحجي
علي: شفتي هوة حجه اني شعلي يلا باي اروح انام
وضلت ليان تتعارك ويا حسن وعلي صعد يضحك عليهم
اجا فرقد كعد يمي على قنفه واردف
فرقد: ها ولج فطوم خيتي شخبارج
فاطمه: الحمدلله بخير
لكيته دار وجه عني واردف
فرقد: حجابج عدلي خيه
عدلت حجاب واجت ليان كعدت كدامي على قنفه ويمه حسن يحاول يصالح بيه
وضلينه اني وفرقد نحاول نصلح بينهم
ليان: ابو نسوان طايح الحظ
حسن: ليونتي شبيج
فاطمه: حبيبتي ليان يجوز مو قصده
فرقد: ترة يجذب علي بس يريدكم تتعاركون ماتعرفي
انتِ
ليان: لااعرفه بس حسن كال بالسانه انو باوع على نسوان
فاطمه: ليان كومي نسوي ريوك
جريت ليان من ايده المطبخ وغمزت الفرقد وحسن بمعنى عوفه علي
دخلنه نسوي ريوك وطبخت كيك وعفنه بالصينيه
قبل لانطلع
فاطمه: ليان ترة اذا زعلت وفسختي الخطوبه راح البنات ياخذنه منج وانتِ شدي كرون
سمعتي كلامي منا ومشت خلت صينيه شوي ونزل قاسم وعلي يسولفون اردف قاسم من شوف الكيك بالصينيه
قاسم: هاايي شنو عمو طبعاً هاي الكيكه الي
ليان: هاا لا عمو هاي لـ حسن
سمعه حسن وانصدم منه
باوع علي
حسن: عيني طلعتي خوش بت اصل
ضحكت لان فهمت مقصده
كعدنه ناكل بس اني خجلت فوك ماكاعده عدهم اكل وياهم
قاسم: تعاي بتي اكل وياينه
فاطمه: ها لاعمو ماريد شبعانه
ليان: جذابهه اكلنه سوه ساعه 1بليل سوينه كيك واكلنه كله بوحدنه تعاي اكلي
انصدمت وسمعت صوت ضحك
لكيت علي حسن فرقد ضحك خجلت اكثر
زمخ بيهم قاسم
قاسم: كافييي اكو شي يضحك عادي واصلا مو بس هيه اكلت
فاطمه: عمو وراه الاكل اريد اسولف وياك ممكن
قاسم: اي عادي حبيبتي
فاطمه: اكول عود صدك عمو انتَ متزوج؟
علي: اي واحنه اجينه من سوق بلي
ضحكو على كلامه
قاسم: كافي
فاطمه: اقصد يعني زوجتك وين هيه
قاسم: عد اهله
فاطمه: اهاا
قاسم: ليش تسئلين؟
فاطمه: لان من البارحه ماشفته
خلصو اكل وكامو يغسلون واني ردت اخذت الاكل حتى اغسل المواعين
علي: عوفيه عوفيه هسه حسن يغسل الموعين
كلمات: 757
الكاتبه: طفوف خليل
هلو شلونكم. شخباركم حبيت اكول الكم القصه صارت يوم
﴿الاثنين. الثلاثاء. والسبت﴾ تمام حبايبي بايي واحبكم هوواي حسابي تيك توك: zijl1531
