الشخص ببرود: احجزلي علي اول طياره رايحه مصر
ابراهيم: تمام ياباشا تؤمر بحاجه تانيه
الشخص بشرود: لا روح انت يخرج ابراهيم عشان ينفذ اوامرو اما ف داخل المكتب نجد ذالك الغامض وهو شارد ف نقطه ما
الشخص لنفسو: مش هي دي النهايه هنتقم منك واخد حقي ثم يكمل بشر ولو روحت اخر الدنيا هجيبك وساعتها بس هوريك العذاب الوان ثم يأخذ اخر نفس ف السجاره ويقوم برميها ويذهب عشان يجهز نفسو للرجوع للوطن من جديد واي الي منتظرو..
نرجع ف بيت ام مهند
تقف ام سماح وهي امرأءه سمينه ذات لسان صليت محدش بيحبها ف الحاره بسبب خبثها وتلونها هي وبناتها الاتنين سماح ونسمه نعرفهم بالمره بقااا (سماح وهي اخت نسمه تكبرها ب ثلاث اعوام مش بتطلع من البيت غير وهي داهنه وشها تلاته كيلو بودره عنيها من مهند الي كل ما يشوفها يستعيذ بالله من شكل المكياج عليها😂 مش مخطوبه بترفض كل العرسان علي امل ان مهند يخطوبها ف يوم من الايام، اما بقي نسمه ودي قد ملك وكانت معاها لحد ثانوي ملك دخلت ثانوي عام وكملت كليه ونسمه دخلت تجاره واكتفت بيها واتخطبت وبتكره ملك جدا)
ام سماح بزعيق: يا ام مهند ياست ام مهند
نور: ايوا جايه اهو ثم تقوم بفتح الباب ل مواجهه ام سماح الي معاها بنتها نسمه الي ضربتها ملك
تقف نور ووراؤها مهند وملك بعد ان قام بإنزلها
نور بتوتر: ام سماح ازيك ياغاليه عامله اي طب والله وماليكي عليا حلفان كنت لسه عاوزه اجيلك عشان اشوف البت ملك المضروبه عملت اي ف نسمه
ام سماح بغضب: بقاا كدا يام مهند بنتك تضرب نسمه ف نص الشارع كدا شايفه البت متبهدله ازاي كانت تقول كلمها وهي تشير الي نسمه الي ملك ضربها
اصل نسيت اقولكو ملك من صغرها وهي بتحب الالعاب العنيفه وكانت بتصمم انها تدرب عليها ومعاها ميداليات كتيره والي كان بيدعمها ف الموضوع دا ابوها (عامر)رغم رفض امها الشديد انها تتعلم الالعاب دي معلله انها للصبيان الا ان ملك اصرت وبشده وتعلمتها بل وكانت بارعه وبشده بها
نور: حقك عليا يام سماح وهاتي دماغك ابوسها
حاولت نور تلم الموضوع لانها علي علم ان ابنتها هي من اخطأت ولكن ام سماح كان ليها رأي تاني
ام سماح بردح: حق اي ياوليه بنتك لازم تضرب واخد حق بنتي
ملك من وراء والدتها: ولولو عليك ساعه وسكتو ياوليه ياحربوقه وبعدين تضربي مين بنتك هي الي غلطانه وقلتلها ميت مره متجرش شكلي وملهاش دعوه بيا
ام سماح: بنتي برضو هي الي بتجر شكلك ولا انت الي غيرانه ومتغاظه منها عشان اتخطبت قبلك وكل بنات الحاره اتخطبو وانت لسه
ملك بردح هي كمان: نعاااام نعااااام اغير من مين ياعنياااا انت نسيت نفسك ولا اي فوقي يالوليه دناااا ملك عامر يعني يوم ما اقول ياجواز القيهم طوابير قدام الباب مش اول واحد يجلي امسك فيه
ام سماح: ماهو انت متربتيش وتلاقيكي ماشيه علي حل شعرك بتروحي مصر وبتغيبي بالشهور هناك الله واعلم بقاا بتعملي اي
هنا ونور مقدرتش تمسك نفسها
نور بزعيق وهي بتجبها من شعرها: لا بقولك اي ياوليه انا سكتالك من بدري وبقول زي بعضو عشان زعلانه علي بنتها لكن تجيبي سيره بنتي علي لسانك دا يبقي مش سيباكي وانقضت عليها تضربها ورغم ضعف جسم نور وضخامه جسم ام سماح الا انها قدرت تضربها اتملت الناس عشان تفرق بينهم بسبب صرخات ام سماح المستنجده
نور للناس: تلاته بالله العظيم الي هيحوشني عنها هسيبها وامسك فيه انا بقول اهو وملك طبعا ماسكه نسمه ومكتفاها
علي اول الشارع كان راجع عامر من شغلو ف هو يعمل محامي
يقف عامر مع رجل من الرجال يتجاذبو اطراف الحديث بعد ان استوقفه الرجل ف الشارع ويقطع كلامهم (علي) صبي شغال ف القهوه
علي: يا استاذ عامر ياستاذ عاامر
عامر: اي يا علي في اي
علي: مرات حضرتك وبنتك بيتخانقو مع ام سماح
عامر وهو يركض بإتجاه البيت وهو يقول تاااني يانور تااني مش هنخلص من ام سماح دي بقااا
يدخل اي الحاره ويجد زوجته وهي تضرب ام سماح
عامر اول ما بيشوف كدا بيجري عليها وبيشيلها من وسطها وهي فضلت تزعق
نور بزعيق: انا قولت محدش يحوشني عنها انا هوريها بنت كوم شكاير اليهود دي بنت مين الي متربتش ومشيه علي حل شعرها انا هوريها ثم تصرخ ب ام سماح يلااا يااوليه يارقااص... كتم عامر فمها قبل ان تكلم كلامها وقالها بصوت هامس ق ازنها
عامر بهمس: اقسم بربي يانور لو ماسكتي كدا ولميتي الدنياا لهتتعلقي علي المسمار مكان بنتك
تيبس جسد نور اول ما سمعت صوت جوزها
نور بتلبك: خلاص يا ام سماح ياختي المسامح كريم برضو يلاا ياجماعه حصل خير دا مصاريين البطن بتتعارك برضو واحنا ولاد حته واحده
واحده من الناس الي واقفين: والله ياست ام مهند انا قولتها خلاص يا ام سماح هي الي مسمعتش الكلام بس يختي معاكي حق مفيش واحده تسمع حد يتكلم علي بناتو كدا ويسكت
ام سماح وهي تنهرها: بقاا كدا يام علي
ام علي: ياختي انت كان ليكي حق وام مهند كانت هتدهولك واعتذرتلك وباست دماغك قدام الناس انتي بقا الي جايه تشتمي الناس ف بيوتها
عامر وهو ينهي النقاش: خلاص ياجماعه حصل خير يلا يام مهند ادخلي انت وبنتك يلاا وانت ياست ام سماح زي ما سمعتي كدا لو كان ليكي حق ف انت ضيعتيه يلااا بقاا ياجماعه فضوها ثم تركم ودخل الي المنزل
اول ما دخل البيت نور و ملك خافو جدا من منظرو
عامر بهدوء: اعرف دلوقتي وحالا اي الي حصل ظل الاتنين ساكتين
عامر بصراخ: مبتتكلموش ليي
نور بتوتر: اهدي بس ياخويا الاول وانا هفهمك
عامر بحنق: اخوكي؟؟!! اممم طب اتفضلي ياختي قوليلي قصت عليه نور كل ما حدث
نور: بس كدا انت بقا عاوزين اسكتلها
عامر بتنهديه فهو قد تعب اليوم ف العمل: حرام عليكو الي بتعمليه فيا انت وبنتك دا انا قولت انت هتعقلي بعد ما نتجوز ثم يكمل كلامو بغيظ لكن ازااي نور هي نور ولو بعد ١٠٠سنه وفوق كل دا مخلفالي واحده مش وارثه فيكي حاجه غير الجنان ثم يقول بصبر يااا اللله ياولي الصابرين
نور: خلاص بقا ياعامر اخر مره
نظر لها عامر ثم نظر الي ابنته وقال: وانت ياملك هانم مش عاوزه تقولي حاجه
ملك وهي تركض لاحتضان ابيها وتقول ببرأءه: والله يابابتي اخر مره خلاص وبعدين هي الي بدأت
عامر بمزاح: مش لايق عليكي دور البرأءه طلعي جعفر الي جواكي يابت باني علي حقيقتك
ضحك الجميع علي كلمات عامر ثم قال منهد
مهند: والله يابابا معاك حق دا متشرده
ملك وهي تحتضن اباها وتخرج لسانها بغيظ ل مهند وتقول الي غيران مننا يعمل زينا
ضحك ابوها بتعب علي عمايلهم ثم قامت نور واعدت الغداء وبعدها دخل عامر ليستريح ومعه نور وذهب مهند الي اصدقاءه ودخلت ملك الي غرفتها وانقضي اليوم......
علي الجهه الاخري ف مطار القاهره ينزل من الطائره بطوله وهيبته التي تخطف الانفاس بطلته التي لا تلق الا به هو فقط (جن المخابرات المصريه)«آدم عزالدين»
آدم..
ملقب ب جن المخابرات لسرعه بديهته وذكاءه الشديد والتي يجعل اعداءه يموتون خوفا عند ذكر اسمه فقط صارم جدا لا احد يعلم شكله الحقيقي كما انهو يظهر بإسمه (آدم عزالدين) كأحد رجال الاعمال المهمين صحاب مجموعه شركات العز جروب للاستيراد والتصدير) ولا احد يعرف انه يعمل لدي المخابرات سوي صديقه المقرب فقط وبعض من الرتب العليا ف المخابرات
ينزل ادم بهيبته من الطائره يجد ف انتظاره صديقه المقرب وابن خالته عمار
يبتسم آدم عندما يراه ابتسامته التي نادرا ما تظهر
عمار وهو يقترب من ادم ويحتضنه ف هو صديقه وابن خالتو وقد تربو سويا: وحشتنيييي يااا ادم كل دي غيبه ياراجل اي مش عايز ترجع من هناك
آدم وهو يحتضنه: وانت كمان واحشني ثم يكمل انت عارف مكنتش هرجع غير ونا مصفي حسابي
عمار وهو يربت علي كتفه: متخفش ياصحبي هانت اهي اللوء كلمك؟
آدم: اه وقالي اجيلو اول ما اوصل مصر
عمار: يعني هتروح المركز دلوقتي؟
آدم: لا هروح ارتاح بقالي كام يوم منمتش
عمار: طب يلا ركبو العربيه وانطلقو اتجاه فيلا آدم
عوده الي «ملك»
ملك وهي تحدث ابنت خالها ف الهاتف
ملك: خلاص يا لمار بقااا قولتلك ف اجازه نص السنه
لمار بتزمر : ياملك بقااا انت كدا كدا مش بتروحي
ملك: عشان الاسبوع دا بس معنديش حاجه انت عارفه الامتحانات خلاص داخله يبقي تستني بقا لما اخلص امتحانات واجي اقضي معاكي الاجازه
لمار: خلاص هتقعدي شهر مش اسبوعين ماشي
ملك: هما الاجازه اسبوعين بس
لمار: مليش دعوه انت وحشاني اوي وفي حاجات كتير اوي عاوزاكي تبقي معايا فيها
ملك: خلاص ياست شهر ماشي ثم تتابع كلامها
صحيح يابت انت المفروض هتنزلي تدريب ف شركه مش عارفه اي كدا ف الاجازه يبقي انا هقعد معاكي ازاي
لمار: شركه العز جروب و انت هتيجي معايا
ملك: نعم يختي اجي معاكي فين
لمار: الشركه منا هخاف اروح لوحدي وكمان بيقولو صاحب الشركه صعب اوي بس سمعت انو مسافر
ملك: طب ياختي ونا مالي بشغل الشركه والكلام دا طب انتي اداره اعمال انا بقا هروح لي وكمان ما المدير بتقولي مسافر اهو خايفه لي بقا
لمار برجاء: يا ملك احنا كل حاجه كنا بنعملها مع بعض ونا قولتلك ادخلي اداره اعمال ذي وانت الي موفقتيش وكمان مش مسأله خايفه انا عوزاكي معايا
ملك: خلاص خلاص انت هتعيطي هاجي معاكي
لمار: واخيرررا انا كنت خايفه ترفضي اصل عارفه دماغك جزمه
ملك: بقا كدا طب مش رايحه
لمار: لالا دنت دماغك الماز انا الي دماغي جزمه
ملك بضحك: ايوا كدا اتظبتي ناس تخاف متختشيش...
تمر الايام وتأتي الامتحانات وكانت ملك مشغوله بيها الي ان انتهت وهاا هي تجهز حقيبتها للسفر ولا تعلم ما سيصيبها وما المجهول الذي ستواجهه.... يتبع
»»»»»»»»»»»»»»»»»»»»»»»»»»»»»
الفصل دا طويل اهو
عاوزه اقولكو ان الاثاره والتشويق هتبدا ف للفصول الجايه لما يتقابل البطل مع البطله
يعني الي فات دا حماده والي جي حماده تاني خاالص😂
بقلم/Malak
أنت تقرأ
لقدري رأي اخر
Fantasyهي: انتت بتهزرر صح😍انا هبقييي ظبوطهه ااا قصدي ظابط هو: اهدي يا انسه عشان افهمك في شويه شرو.. قبل ما يكمل كلامو ردت هي بفرحه زي الهبله هي: موفقه موقفه هو: طب مش تعرفي الاول الشروط هي بينما تمثل الجديه: طبعا طبعا اي هي؟ هو: تتجوزيني هي بصدمه بردح:...
