لقدري رأي اخر

part (21)

جاء الصباح علي الفيلا التي  يبيت فيها الجميع بالاضافه الي ليلي والده ادم
ف غرفه نور
عامر  رايح جي ف الاوضه
نور بملل: يا عامر الله يهديك اقعد بقااا دوخت منك
عامر: طب اسمعي الكلام ويلا قومي
نور بنفاذ صبر: مينفعش الي انت عاوز تعملو دا ياعامر
عامر بغضب: عاوز اعمل اي انا يعني هاا؟!! عاوز اطمن علي بنتي
نور وهي بتقوم من مكانها وبتقول بجنون: السااعه 7الصبح ياعامر!! عاوز تروح للبت الساعه 7 اقعد ياحج الله يهديك
عامر: ايواا هروح ودلوقتي مليش دعوه
نور بغيظ: بلاش شغل العيال دا كفايه الي عملتو امبارح
ضحك عامر وهو يتزكر اتفاقه مع العامل ف الفندق والذي امره ان يصعد ل ادم

flash back
  بعد ما كل عريس اخد عروستو ومشي
عامر: اخد البت عيني عينك كداا
نور: الله يهديك ياعامر دا جوزها هو شقطها
عامر: برضو يانور ثم اكمل بحب ابوي.. اول مره تبعد عن حضني
نور بضحك: خلاص ياعامر بقاا حضن جوزها اولي بيها
نظر لها عامر بغيره ابويه علي ابنته: اي يانور فيي اي
نور بضحك: خلاص خلاص حقك عليا متزعلش
نظر لها عامر وخرج
نور: رايح فين ياعامر
عامر: هخرج بره شويه
تركها عامر وطلع ركب العربيه ومشي لقي نفسو قدام الفندق الي فيه البنات
عامر بخبث: استني عليا يا ادم
اول ما دخل اتعرف علي طول... ومين ميعرف حمي ادم بيه والي كان فرحو من كام ساعه بس
المدير: عامر بيه اتفضل في حاجه ولا اي
عامر: لا لا ولا حاجه انا بس عاوز حد من الروم سيرفس اصلا المدام نسيت شويه حاجات ف الغرفه الي كانو فيها
المدير: حالا يافندم... ثم نده علي حد....هيثم يااا هيثم
جاء هيثم وهو شاب يعمل ف خدمه الغرف: ايوا يافندم
المدير: شوف عامر بيه عاوز اي... ثم نظر ل عامر استأذن حضرتك انا
عامر: اتفضل
نظر هيثم الي عامر الذي نظر له بخبث
هيثم بتوجس: اوأمر يافندم
عامر بخبث: تعالي ياهيثم محتاجك ف خدمه وهتاخد حلاوتها
هيثم: اتفضل قول
عامر بخبث: عاوزك تطلع غرفه **عارفهاا
هيثم بخوف: دا غرفه ادم باشا نازل فيها انهارده عشان كان فرحو
عامر بخبث: ايوا منا عارف انا بقا عاوزك تطلع تخبط عليه ومتمشيش غير لما يفتح
هيثم: يانهارر اسوود دا يقتلني فيها دا انهارده فرحو اطلع اعمل اي ف وقت زي داا
عامر: مناا عارف ان انهارده فرحو هو يبقي جوز بنتي ملكش دعوه انت اعمل زي ما بقولك
هيثم: طب هقولو اي
عامر: اي حااجه ولو الدنيا باظط قولو انك تبعي وهو مش هيعملك حاجه
وفعلا طلع هيثم ل مواجهه الوحش
وبعد فتره نزل. هو جسمه كلو بيترعش
عامر اول ماشافو وقع من كتير الضحك
هيثم بخوف وهو ماسك رقبتو: الله يسامحك يابيه دا كان هيموتني
عامر بضحك: معلش يابطل.. ثم اخرج من جيبه حزم مال واعطاها له
هيثم: ربنا يكرمك يابيه بس متجليش تاني الله يخليك انا عندي عيل عاوز اربيه
ضحك عامر وهو يربت علي كتفه وتركه ورجع الفيلا وهو يضحك قابلتو نور وحكالها علي الي عملو
نور بصدمه: الله يخربيتك يااعاامر فضحتنا قدام الواد