ف الشاليه ف غرفه عامر صحي علي رنه تلفون
نور بنوم: عامر تلفونك بيرن
عامر قام: طيبب طييب قومت مسح علي وجهه ثم نظر الي المتصل وكان اخوه فتح المكالمه بفرحه
عامر بفرحه: الوو ازيك ياعصاام عامل اي واخبار الدنيا عندك اي
عصام بعتاب: انا الحمدلله بخير والدنيا تمام بس انا زعلان منك اوي ياعامر يا اخويا الكبير
عامر: لي يا حبيب اخوك انا زعلتك ف حاجه
عصام: بقي بتجوز عيالك امبارح وانا اعرف من علي الفيس كدا زيي زي الغريب
عامر بسرعه: لا لا والله يا اخويا انت فهمت غلط والله الموضوع جيه علي السريع وكمان انا مكنتش هعمل حاجه من غيرك انت توحه اكيد
عصام بضحك: اسكت دا توحه من ساعت ما عرفت وهي عماله تنكت ف نفسها ونويالك لما تيجي
عامر بخوف مصطنع: ربنا يستر منها بقاا
عصام بضحك: المهم انا هنزل قريب علي اخر الشهر دا
عامر: دا بعد اسبوعين
عصام: ايوا انشاء الله
عامر: وناوي علي اي هترجع تاني ولا هتعمل اي
عصام بتنهيده: لا خلاص هستقر ف مصر وانقل كل شغلي هنا
عامر بفرحه: والله فرحت بالخبر دا ربنا يجيبك بالسلامه
عصام: صحيح نسيت اقولك
عامر: اي
عصام: سهير بنت عمتك
عامر: استر يارب مالها البومه دي
عصام بضحك: زمنها لما تعرف هتنزل اكيد عشان تحضر الفرح
عامر: مش كفايه علينا توحه لا وكمان سهير وبناتها وجوزها ابن مارم ديلو ربنا يعينا يا راجل
عصام بضحكه علي اخوه: عدي الامور الفرح هيخلص وهي هتمشي تاني
عامر: ربنا يسترها بقا
عصام: طب انا هقفل دلوقتي عشان رايح اخلص باقي الشغل وورق الشركه
عامر: ربنا معاك يلا مع السلامه وقفل معه
عامر وهو بيصحي نور: نورر قومي بسرعه في مصيبه
نور بخضه: اي ياعامر ف اي علي الصبح
عامر ببطئ: توحه
نور بفرحه: ماتت
عامر بسخريه: لا جايه بعد اسبوعين
نور بخضه: ينهار اسود جايه
عامر: ايوا عصام كلمني ونازل مصر وهي طبعا معاه ف الاجازه بتاعتها
نور: يهلوي... يااالهووويييي برستيج العيله بقي ف الارض
عامر: لا لا اهدي كدا عشان اديكي الكبيره
نور وهي بتمسك دماغها: هو في تاني استررر قول ياخويا قول
عامر: سهير وبناتها جايين
نور بشر: الوليه الحيزبونه دي جايه لي
عامر: عشان فرح العيال وتقريبا كدا هتيجي مع عصام او بعد عصام مش عارف
نور: انا مش فاهمه الوليه دي عاوزه اي مننا
عامر: نور ابوس اديك هدي الامور وعدي الدنيا كدا كدا جوزها جي معاها
نور: ماشي ياعامر حاضر ثم تتابع كلامها احنا لازم نلم افراد العيله الجداد عشان نعرفهم علي توحه والحيزبونه وبناتها قصدي سهير وبناتها
عامر: طب يلا قومي ثم نظر الي الساعه وجدها قاربت علي الثلاثه عصرا
عامر بصدمه: هو احنا نمنا كل داا
نور: امبارح كنا نايمين متأخر واليوم كان متعب
ونزلو
نور بصوت عالي جداا: كلو يجمع هنااا عشان فيه مصيبه يلااا ياجماعه عشان نستعد للي جاي قرب قرب قرب تعالي تعالي تعالي
اول واحد نزل علي صوتها كان ادم
نور وهي تنده عليه وتقول بشفقه مصطنعه: تعالي ياجوز بنتي ياغالي دنت اول واحد هيحاولو يوقعوك ف المصيده وتوحه هضيع كل الكريزما والهيبه دي
نظر لها ادم وقالك: في اي ياحماتي مالك بتندبي لي
نظره له نور بشر وقالت: حماااه الدبب قولي نور ياواد
ادم بزهول: نور ياواد؟!!!
نور: ايوا نور
ادم ببتسامه علي هذه المرأه المرحه: طب في اي يانور
نور وهي بتمسك وش ادم بأديها بينما ادم مصدم من فعلتها: هو انت لي اوسم واحد هنااا ياعيني عليكي يابنتي هيصتادو جوزك طول عمرك قليله الحظ
ادم: استهدي بالله ياست نور انت بتقولي اي ومين دول الي هيصتادوني
نور: اصبر بس وهتفهم كل حاجه
نور بصوت عالي: انتو فين يابشررر
دخل عمار ولمار ف هذه اللحظه
نور وهي بتبص ل ادم وبتشاور علي عمار: اهو تاني فريسه جيه ثم تنظر الي لمار وتقول لها ياكبدي يابنتي
عمار بضحك: فريسه اي يانور بس دنا اسد
نور: اسكت اصلك مش فاهم حاجه
لمار:مالك يانور عماله تندبي علي العيال لي
ادم بينما يشاور علي نفسه وعلي عمار: احنا عيال؟!!
لمار بضحكه غبيه: احم لا مش قصدي
نور: عمار اتصلي ب مهند خليه يجي بسرعه ويشوف عمر فين والباقي يكون عامر نزل وشوفلي ملك بنت الهبله الي نايمه وجوزها هيتخطف منها
عمار بضحك: انا مش فاهم حاجه بس حاضر
ادم بضحكه: والله يانور انت مشكله وانا اقول ملك طالعه كدا ل مين
نور بشر: قصدك اي ياض
ادم بخوف مصطنع: سلامتك يا غاليه مش قصدي حاجه
نور: بحسب..... ثم بعد فتره اتجمع كل البيت
(عامر وعمر وعمار وادم و مهند وجنه ولمار وملك ونهال و ليلي)
نور: عامر هتتكلم انت ولا اتكلم اناا
عمر: ما تخلصونا ياجماعه في اي
عامر: لا انا بقول نور تقولكو ثم شاور ل نور معاكي الميك يا فنانه
نور وكأنها مدعي عام ف المحكمه: بصو وركزو كدا نظرت لهم نظره جديه مضحكه وقالت توحه جايه
الجميع بخضه ماعدا ادم وعمار وليلي الي ميعرفوش مين توحه: ايييييي
نور: ايوااا توحه جايه ثم نظرت الي البنات وقالت
هاا يابنات احنا بنعمل اي معاهااا سمعوني كدا الي حفظته ليكو
ملك ولمار وجنه: ملناش دعوه بيها ونسيبها تتكلم براحتها ومنعلقش عشان دي ست كبيره ومهما تعمل نقول حاضر ونعم وامرك يا تيته ثم سكتو البنات ف نظرت لهم نور بطرف عينيها وشاورت علي جنه الاول
جنه بضيق: ولما تقولي يا مايصه اكبر دماغي عشان دي ست كبيره... ثم شاورت علي لمار
لمار بضيق: ولما تقولي يام فتحي مردش عليها عشان دي ست كبيره... ثم شاورت ل ملك
ملك بضيق هي الاخري: ولما تقولي يا سوكه يا رقاصه مردش عليها عشان دي ست كبيره
انهت البنات ما حفظوه وانفجر الشباب ف الضحك حتي ادم ضحك حتي ادمعت عينه ونظرت لهم البنات بغيظ
نور: شاطورني ياحبايبي ثم نظرت ل مهند ب خبث وقالت يلا يامهند ياحبيبي دورك
مهند: احم لا يانور انا فاهم التعليمات مش لازم اقول
نور: ونا قولت هتقول وكل واحد هيقول
مهند بضيق: ياماما... نور بمقاطعه يلااااا
مهند بضيق: لما توحه تناديني يااامهاااند مش هضايق ولما تقولي ياقنفد هكبر دماغي عشان دي ست كبيره
عمار وهو يصرخ من كتير الضحك ويضرب كف ب كف مع ادم الذي يضحك هو الاخر: ااااه ههههههه بطني الحقوني هههههه انا مش متخيل مهند وهو حد بينده عليه ويقولو ياا مهاااند ااه انا لو مكانك كنت كرهت نفس
ادم بضحك لاول مره ف حياتو يضحك كدا : اااه لا لا مش معقوله اي التعليمات الغريبه دي مين الجباره الي عامله فيكو كداا واي حوار قنفد دا
مهند بضيق: بطل ضحك ياض منك ليه
عمار: لا لا ونبي اي حوار اقنفد دا
وهنا تذكر عمر وعامر شئ ف ضحكو بشده اصطحبها ضحكات البنات والشباب ونور ونهال وليلي
ومهند ينظر لهم بضيق
عامر وهو يهدا قليلا من الضحك: عاوزين تعرفو اي قصه القنفد
ادم وعمار: ايوا
مهند: بابا لو سمحت لاا
عامر بتسليه: من كام سنه كدا كان الواد دا لسه صغير بتاع عشره او اتناشر سنه كدا كان ف مخيم ولقي قنفد هناك
مهند: يابابا خلاص كفايه
عامر: الاستاذ جابو البيت عشان يربيه
Flashback
مهند: بص يابابا انا لقيت اي
عامر: اي دا ياحبيبي
مهند: دا اسمو قنفد يابابا
عامر: بس دا بينو بيعور دا عليه شوك كتير
مهند: متخفش انا هجبلو حاجه واربيه فيه
توحه متدخله ف الحديث: ياخويا ربي نفسك انت الاول دنت لسه ب شخه
مهند: ياتيته بقاا والله انا كبرت
توحه وهي تلوي فمها: ايوا ياخويا ماهو باين
عامر: خلاص يا امي سبيه علي راحتو
فعلا عدت الايام ومهند ربي فعلا القنفد وفي يوم كان حاطط القنفد علي السرير ونسي وراح قاعد عليه وكل الشوك دخل ف التوته
مهند بصرخ وهو مميل ضهرو: اااه الحقيني يا ماما ااه
دخلت نور وتوحه عليه وشافو منظرو نور اتخضت
نور: يالهوي تعالي بسرعه هوديك الصيداليه
توحه: هو هيمشي ف الشارع كدا
نور: يعني هعمل اي ياتوحه اتصرفي طيب
مهند: اااه ياماما مش قادر
توحه: وعاملي فيها رجل الادغال ومربيلي قنفد تعالي ثم خلعتلو البنطالون فجاءه ف اتفك منو القنفد
مهند بصراخ: اااه يا تيته
توحه وهي تربط علي توتته: بالشفا يا قلب توحه وبعدين اخدو المستشفي عشان الاقنفد عملو تسمم وقعد اسبوع كامل مش عارف يقعد كويس ونايم علي بطنو ومن هنااا ظهر لقب الاقنفد
End flashback
عمار وهو يقع من كثره الضحك: لااااا مش قادر
مهند بضيق: قولتلهم وارتحت
عامر: دخلو العيله ف لازم يعرفو
نور: خلاص نكمل خلصنا من توحه ندخل علي الانيل منها ثم تتابع الحيزبونه وعيالها
البنات: مالهم دول كمان
نور ببتسامه صفرا: جايين هما كمان نور بشر طبعا مش محتاجه اسمع التعليمات حبايب مامي عرفينها صح
ابتسمت البنات بشر ونظر لهم الشباب بخوف مصطنع
عمار: اي هو انتو هتتحولو ولا اي
نور: المهم دلوقتي هنزود قاعده جديده ف التعليمات
البنات بستغراب: اي هي
نور بحزم: كل واحده تاخد بالها من جوزها وتحلق عليه عشان مترجعش تعيط ف الاخر
نظرت البنات كل واحده لجوزها وبيكلمو بعض
ملك: انا ممكن اشوه ادم وبكدا هقدر احافظ عليه
نظر لها ادم بصدمه بينما تابعت لمار: عمار كدا كدا لو بص بره هقتلو
عمار بخوف مصطنع: احمم هو في اي متخفيش مش هبص بره خالص ثم يضع يده علي عينيه انا مش هبص اصلا كدا حلو
نيجي بقي لجنه الي بصت ل مهند بشر مهند ف الوقت دا اتوتر جدا لانو كان بيتعامل مع بنات الحيزبونه عشان يثير غيره جنه
جنه بشر: يمين بالله اشوفك واقف مع واحده فيهم ل افتح دماغك وخد كلامي جد انا مش بهزر
مهند بخوف وهو بيحط ايدو علي دماغو: لا لا ناا توبت من زمان والله
عمار وادم: من دول كمان
نور وهي تشرح انا هقول
معانا الحيزبونه... سهير هانم بنت بارم ديلو تبقي بنت عمت عامر جوزي وليه كدا استغفر الله العظيم عايشه من طرف مناخيرها معاها بنتين (سها) الكبيره وزي امها بالظبط هتموت وتتجوز ودي اكبر من مهند ابني ب سنه ونص ندخل بقا علي الحربوقه الصغيره (ساره) دي بقااا خطافه رجاله درجه اولي وفيها دلع استغفر الله يخليك عاوز تستفرغ بتكلم الناس من طرف مناخيرها تحسها كدا قرفانه من نفسها ودي بقاا اصغر من مهند ب سنتين يعني قد جنه بنت اخويا نيجي بقاا ل بارم ديلو بذات نفسو المبصبصاتي بتاع النسوان وهو جوز الحيزبونه (لطفي) حاجه كدا ملزقه ذي مراتو وعيالو
انهت نور كلامها وادم وعمار ينظرون لها بصمت
قطع الصمت كلام مهند: طب يا جماعه هما جايين لي
عامر وهو ينظر ل عمر: هو دا الموضوع الي كنت عاوزك عشانو احنا لازم نحدد الفرح ف اقرب وقت عشان هما اصلا جايين عشان وهيفضلو لحد معاد الفرح انشالله لو بعد سنه
عمر: معاك حق احنا هنخلي الفرح بعد شهر من دلوقتي
عمار ومهند بفرحه: الله عليك ياحج عمر
نظر لهم عمر واكمل كلامو: فرح جنه بس
ابتسم مهند بتسليه ونظر الي عمار
عمار بضيق: لا انا مليش دعوه هتجوز معاه يعني هتجوز معاه
عامر: ايوا ياعمر عشان نخلص منهم
عمر: طب لو عمار اتجوز معاه ادم كمان يتجوز معاهم
ليلي بفرحه: ايوا والله فكره حلوه ويبقي فرح جماعي
عامر بتنهيده: خلاص بعد شهر من دلوقتي الفرح
هللل الشباب بفرحه وزغرطت النساء
أنت تقرأ
لقدري رأي اخر
Fantasyهي: انتت بتهزرر صح😍انا هبقييي ظبوطهه ااا قصدي ظابط هو: اهدي يا انسه عشان افهمك في شويه شرو.. قبل ما يكمل كلامو ردت هي بفرحه زي الهبله هي: موفقه موقفه هو: طب مش تعرفي الاول الشروط هي بينما تمثل الجديه: طبعا طبعا اي هي؟ هو: تتجوزيني هي بصدمه بردح:...
