رحلت عن دارك وانا خاطري فيك

الجزء(2)

نجد:كانت مصدومه لانها معتبرته اخوها وكانت تفكر انه كان يعاملها بطيبه علشان مصلحته وعلشان يتقرب منها اكثر نامت بعد بكي طويلل
.................
بفس المدينه
تذكار :من جدك انقلوني ، بالله الله يبشرك بالخير ،ماعليه يارجال اهم شي اقرب من اهلي شوي قفل وتنهد
كلم اهله يبشرهم انهم نقلوه لديره قريبه من عندهم وفرحولهم مرره
....................
نجد: يمه متى نروح للحلال اشتقت لـ المهره حقتي
جدتها: قومي نروح لجدتس نقوله يطلعنا
شهد: يعع وش ذا القرف تراك انثى ارتقي واتركي ذا الشغلات لرجال
نجد: خاله شهد اطلعي منها
جدتها: اي اطلعي منها وضحكت على نجد
نجد: راحت بحماس تجهز اغراض المزرعه
جدتها: يانجد ليه كل هذا
نجد:يمه طالبتك بنجلس كم يوم هناك نفسيتي ماهي طيبه تكفين
جدتها: تم بروح اقول لجدتس وانتي جهزي بعد الاكل الي ناخذه واخذي لتس شي ثقيل لانوه برد بالليل
نجد: نطت باستها وقالت الله لا يحرمني منتسس
وجهزت كل شي ومشو للمزرعه مع حلطمة خالتها شهد
وصلو اخيراً للمكان الي تعشقه نجد وعلى طول راحت للمهره حقتها
نجد:يابعد حالي اشتقتي لي حتى انا اشتقت لتس
ريان: وانا؟
نجد:بسم الله من وين طلعت
ريان: كنت هنا قبل لا تجون دخلت اسوي شاي ولاانتم هنا
نجد: اها تمام
ريان: ليش متغطيه عني
نجد: انت مو محرم لي مايجوز افتش عندك
ريان: ماتقولين انا اخوك
نجد: اي اخوي وهذا احساسي وشعوري اتجاهك اما شرع الله ينطبق عليك وعلى غيرك
ريان: ضل ساكت مستغرب ليش تغيرت علي كذا
نجد: اروح احسن لي دامك مو رايح ، راحت داخله وهي تقول بنفسها يانجد لاعادك تضلين لوحدك معاه دام نيته لك كذا
دخلت المطبخ وكانت مخططه تسوي صنف حلا وصنف موالح
وسوتهم وطلعت لجدتها وجدها
جدها: ياهلا بالي له الخافق يهلي ياهلا بأغلى بناتي
جدتها: عز الله اخذت كل الغلى ماخلت ولا بقت لحد شي
نجد: كانت مبسوطه حيييل بكلامهم وكانت تضحك بحيا وردت ، ياهلابكم عساني ما انحرم من الترحيب الي يشرح الصدر مابين كان ريان جالس ويسمع كلامهم ومبسوط على محبتهم لها وهي كيف مبسوطه معهم وكان يتمنى من كل قلبه انها تحبه وكان يخطط ويفكر كيف تحبه ويجيب راسها
شهد: ياربي منكم كل ذا علشانها سوت حلا وفطاير اسوي احسن منها
نجد: محد مانعك روحي سوي
شهد : لا ماعليش مابي يديني تخرب
نجد: تضحك ههههههه بموت شدخل
ريان :ضحك معها ههههههههه جد شدخل ياخاله
شهد: حتى انت قلبتك علي ، كلهم ضحكو عليها لانها اصغر وحده بخالاتها ودلوعه مره لدرجه فاهمه الدلع غلط😂
بعد يومين تجمعو خالاتها وخوالها وانبسطو مرهه
ورجعو كلهم علشان يكمون مشوارهم بالدراسه ونجد رجعت لأهلها
..................
ابوسعد: محد ماصحت
ردو البنات: لاا ماصحت
ام سعد :روحو صحوها اشتقت لها
حور: ماما من جدك متقبلتها
ام سعد: انتي شتقولين ذي بنتي مثل ما انتم بناتي
كانت نازله نجد وتسمع كلامهم وقفت شوي تسمع الحوار الي جالس يدور بينهم
حور: ماما تكفين بس بنتي بنتي اول شي بنتك لحجيه
رند: وماتعرف تلبس ولا تعرف تتكلم مثل الناس وبس ساكته نفسيه
حور: من جد اتفشل منها اذا جت عند احد ولا غير ذا كيف اذا شافوها بنات عمي والله لا نصير طقطقه عندهم وهم بدون شي كارهينا كيف اذا مسكو شي علينا وعلى مين اختي
ام سعد: ماتستحون انتم بدال ماتكلمونها وتضحكون معها وتعودونها عليكم جالسين تتأفأفون من جت حرام عليكم يكفي اني حارمتها من الدلع الي عيشتكم فيه
نجد: راحت لغرفتها تبكي وبعدها قامت صلت وصحصحت وانزلت والابتسامه على شفايفها ، السلام عليكم
الكل: وعليكم السلاه ياهلا
نجد: عساني ما اخرتكم عن العشا
ام سعد: لا ابوك طلع يصلي هو وسعد الحين جايين وبنحط العشا
نجد: زين الحمدالله ، بنات كيفكم وكيف الدراسه
حور :من دون نفس زينه
رند: حلوه مثلك الحمدالله
نجد: تحلى ايامك ان شاءالله
دخل ابو سعد وسعد
ابو سعد : يلا يلا العشا
ام سعد: يلا ابشر فيه
نجد:فزت جايه اساعدك
حور: تهمس لرند مسويه فيها حنونه
حطو العشا وتعشو بسلام جا اخر الليل وجلست نجد مع نفسها
وقالت انا لازم اتكلم مع خواتي واقولها الي بخاطري
راحت لغرفتهم لقتهم نايمين
اليوم الثاني:
صحت نشيطه وغسلت وصلت ونزلت تحت
نجد:صباح الخير
امها وابوها: ياهلا صباح النور شفيك صاحيه الحين
نجد: شبعانه نوم والله
حور:نزلت اف متى يفكونا من الحجر نفسيتي بدت تتعب
رند: كلنا
سعد:ههههههههه فرق هي نزلت برواق وانتم نزلتو بتحلطم
حور: تكفى اسكت مو ناقصتك
نجد: تعالو افطرو
حور ورند: مانبي
نجد: براحتكم
وكانو متقرفين منها
ام سعد: يابنات قلت دامه حجر بخلي جاراتنا كلهم يجتمعون هنا ونشوي بالحوش وننبسط بدال ما احنا كذا
نجد: تم بقوم اصلح لك الحلا والقهوه توصين على شي ثاني
ام سعد : لا تكلفين على نفسك الشغاله تسويهم
نجد: حقاتي الذ وضحكت ودخلت داخل وهي بالاساس تبي تتهرب منهم لانها مو مرتاحه بالجلسه
دخلت وجهزتهم وراحت نظفت البيت مع الشغاله وطلعت للحوش وجهزت كل شي وحطت البخور وكانت تناظر وكانو اعجبتها النتيجه
وراحت فوق لغرفتها اخذت شور وسوت ستريت لشعرها ولبست فستان ابيض قصير وكان شعرها طول الفستان بدون مبالغه وكانت ايه من الجمال ماشاءالله
حور: جت عند اختها انبهرت بجمالها قالت اااا ماما تبيك تحت لان كلهم جو
نجد: ابتسمت قالت جايه نزلت ولفتت انتباههم
ام سعد: ذي بنتي الكبيره نجد
كلهم يذكرون الله ويمدحون فيها خواتها طارو من الفرحه على بالهم بتفشلهم وتقدمت لهم نجد وسلمت عليهم ورحبت فيهم بأبتسامتها الجذابه
وجمالها الملفت وكانت مليانه حماس وطاقه اول مره تطلع عن احواء ديرتها وجدتها الي ماتشوف غير خوالها وخالاتها وكانت مبسوطه مره ومع ذالك كانت جالسه بنفس الجلسه بس بعيد شوي وتسمع حوراتهم
لاحظت عليها بنت جيرانهم لمى
لمى: هاي ياحلوه كيفك
نجد: بخير وانتي
لمى :بخير لما شفتك ، امم حابه اتعرف عليك اكثر
نجد: وش حابه تعرفي
لمى: كم عمرك
نجد:18
لمى: اها يعني بثاني ثانوي
نجد: لا بثالث اخر سنه
لمى: ماشاءالله احنا مايحبون يدخلونا بدري المدرسه علشان كذا نتأخر سنه ولا سنتين
نجد: الحمدالله اني درست من بدري بتخرج صغيره
لمى: اممم بصارحك بشي
نجد: تفضلي
لمى: انتي غير عن خواتك
نجد:من اي ناحيه يعني
لمى: من كل النواحي اللبس الاسلوب الاخلاق هم شايفين نفسهم وشوي اسلوبهم ينرفز كانهم يقولون احنا اكبر من مستواكم
نجد: شوفي انا اشوفهم نفسك بس لما تجلسي معهم ابد موب كذا حنوني وينحبون بسرعه وثاني شي تراهم صغار لا تاخذين بكلامهم
لمى: مدري والله بس من زمان اعرفهم وهم كذا
نجد: مافي شي يبقى على حاله اذا كبرو بيتغيرون
لمى :صح ياحظك بتخلصين قبلنا
نجد: اي الحمدالله يقولون النتايج بتطلع اخر رمضان
لمى: اي احسن شي انها عن بعد ارتحنا
نجد: اي والله باقي لي القدرات والتحصيلي بعد العيد ان شاءالله اقفلهم
لمى: ان شاءالله، طولت عليك بالسواليف اعطيني رقمك علشان نكون دايم مع بعض لاني من جد حبيتي
نجد: حبيبيتي حياك بعطيك اخذي ........
لمى: امم عندك سناب نضيفك فيه
نجد: ايوا هذا هو...
لمى : الله احس بنتفق كثيرررر
نجد: اكيد🥹
عند خوات نجد كانو يصورون كشختها ويورونها لبنات خالاتهم وخوالهم كانو نفس ردة فعل خواتها
ليان: بيان شوفي مرسلين صورة نجد وهي كاشخه بتنصدمينن
بيان: مو مصدقه ذي نجد ماشاءالله تبارك الله صايره حلوه بزياده
اخوهم ريان: اشوف معكم
كلهم صرخو لاااااااا مايصير ، هو حطها براسه بزياده خلاص يبها مايبي غيرها
ام ريان: ريان شرايك اخطبها لك
ريان جت له فرصه ذهبيه : اي تكفين يمه
بيان وليان مع بعض:تحبههههههه
ريان طارت عيونه: لا وين بس اثق بأختيار اميمتي
بيان وليان ماصدقوه يناظرونه ويضحكون
ريان سوا نفسه مشغول: يلا انا ابي اطلع تبون شي ويمه انتي كلمي خالتي اليوم اخطبيها علشان بعد العيد الزواج
بيان ضحكت بصوت عالي: ههههههههه وتقول ما احبها
ريان: اقول بس بس قومي نظفي😂
........................
ثاني يوم الصباح كان الجو بارد وجميلللل
ام سعد: امس كلمتني ام ريان تبي نجد لريان
ابو سعد:باقي ماشبعنا منها
سعد: اصلاً هي باقي صغيره
حتى خواتها اتفقو مع سعد
عند نجد صحت مروقه غسلت وصلت ونزلت لهم بأبتسامتها المعتاده
نجد:صباح الخير عليكم جميعاً
الكل:صباح النور والسرور
ابوسعد: اجلسي بكلمك بشي وبنقولك راينا
نجد:تفضلو
ام سعد: كلمتني خالتك ام ريان امس تبيك لـ ريان شرايك ابوك واخوانك يقولون باقي صغيره على الزواج
نجد قلبها صار يدق بسرعه: مدري يمه بستخير ذي مافيها لعب وبقولكم
ابو سعد:عين العقل يابوك
وجلسو يفطرون بعد ماخلصو كل واحد جلس بغرفته علشان الدراسه اون لاين وجا الظهر ونزلت نجد بحماس بتجهز حلا وقهوه لانها تموت بالفقره ذي
سعد: ياربي منك عودتيني على ذا الطبع الحين اذا تزوجتي مين بيسوي لي كذا
نجد تضحك: ههههههههه ياحبيبي انت حتى لو اتزوج اسوي لك وتجي تاخذهم من عندي
جو خواتها جلست تناظرهم وكانها عرفت ان بخاطرهم كلام
نجد: اهلاً اهلاً
حور: هلا فيك
رند: احم بنسولف معاك
سعد: وش ذا الادب😂😂
حور: بنسولف سواليف بنات اطلع
سعد:اعتبرها طرده
رند: تقدر تقول
سعد: اخ محد يحس فيني غير ريان
فز قلب نجد: اي بنات وش بغيتو
حور: بنطلب لبس تطلبين معنا يعني ملاحظين اغلب لبسك جلابيات وكذا
رند: اي ياقلبي وميك اب وكذا
نجد شالت بخاطرها: اي بنات عادي انا معاكم بكل شي ياروحي انتو😅
راحو مبسوطين علشانها رضت بالي قالوه لها
جا اتصال لنجد:الو
نجد: هلا
لمى:كيفك
نجد: بخير وانتي
لمى: بخير ، بنت شرايك تجين عندي ننبسط
نجد: لا لمو ما احب الطلعات تكفين انتي تعال حتى جهزت القهوه والحلا
لمى: تمم بجي الحين
نجد انبسطت :حبيبتي حياك الله
وجت عندها لمى وانبسطو وصارو اقرب ثنتين لبعض
..................
بعد مرور اسبوع
ريان: يمه ماردت لكم
ام ريان: لا والله اخر مكالمه قالو بتستخير
ريان جاته فكره راح ريان لغرفته وطلع جواله وتذكر انها مبلكته من كل مكان قرر يسوي حساب جديد كانه بنت ويضيفها يكلمها
وصار يومينن كاملين ولا قبلته لبس وطلع بيروح يجيب شريحه جديده
جاب شريحه وحط رقمها
ريان: اتصل فيها وجاه رد
نجد: هلا مين معاي
ريان:

[انتظرو البارت الجديد🌷🙃]