مالك: بخطبها
نادر: مابتوافق
مالك: اذا جدي تدخل توافق غصب
نادر: ترا واضح البنت محد يقدر عليها
مالك: بكسر راسها
......................................
ام تذكار: يمه ابيك بموضوع
تذكار: سمي يالغاليه
امه: اسمع خواتك مالهم الا الله ثم انت وانت سندهم وذخرهم
تذكار: يمه خوفتيني في شي
امه: لا ياولدي بس هيام
تذكار: كنت حاس قولي
امه: هيام مو مرتاحه مع زوجها وابي انك تطلقها منه
تذكار: وهي وش رايها
امه: هي الي وصتني اقولك
تذكار بصوته الجهوري: هيااام
جت هيام تركض: سم امرني
تذكار: سم الله عدوك تعالي اجلسي بغيتك
هيام: لبيه
تذكار: اول شي شخبارك وشخبار الحلوين
هيام: طيبين
تذكار: الحمدالله ناقصكم شي
هيام: سلامتك
تذكار: اسمعي امي قالت لي ولا عرفت السبب بعرف منك وابشري بسعدك
هيام: الله يطول بعمرك مدري كيف ابدا
تذكار: وصلت لضرب
هيام: مو اول مره وبكت💔
تذكار: بس انتهى اعتبري ان مالك اي صله فيه
طلع تذكار الشياطين تتناثر منه وصل لزوجها الي هو ولد عمها
تذكار: انت ياخسيس يانذل تضرب اختي وانا موجود ونزل فيه ضرب لين كسره تكسير ورقة طلاقها ذا الاسبوع توصلها
وطلع من عنده رايح لصديقه وحبيبه سياف
سياف: هل.. بسم الله شفيك كذا وش صاير فيك
تذكارحضنه وبكى: اختي تنضام وانا موجود تنضرب ولا ادري عنها اخخ وكمل
سياف: يابن الحلال اذكر الله تصير مثل هالامور ماتوصل انك تبكي وانا اخوك
تذكار: خواتي مالهم غيري بعد الله
..................................
نجد صحت مالقت لا رسايل ولا شي من تذكار
نجد: يمه لا يكون فيه شي مو من عادته يختفي ارسلت له( شفيك مختفي واتصلت اربع مرات مافي رد)
قامت متضايقه
ام سعد: يمه نجد تعالي اكلي
نجد: مالي نفس
وراحت لصاله جتها حور
حور: نجد مسويه قهوه تبين
نجد: مابي شي مالي نفس
استغربو من تفسيتها
.................................
عند تذكار صحى على المغرب
تذكار: يالله نجد نجد بتفقدني
فتح جواله لقى رسايل كثيره منها لقى مكالمات كثيره
تذكار: يالله اكيد منفسه مني ارسلها(مساء الخير ياورعتي)
نجد فزت: انت بخير فيك شي وين كنت
تذكار: بسم الله عليك انا بخير مافيني الا العافيه بس كنت سهران مع العيال واخذني النوم حقك علي ياحلوتي
نجد : حرام عليك ليش كذا خليتني بغيت انجن
تذكار: اهدي ما اكلتي صح
نجد: اي
تذكار: يلا نقوم نغسل وناكل ونرجع نسولف
نجد: طيب لا تنسى الصلاه
تذكار: الله لا يحرمني من الي يذكرني ابشري
نجد: ولا منك
وراحو ........................
مالك: هاه جدي شقلت
الجد: ابشر مالك الا الي يرضيك واصلن انت كامل ماشاءالله ورجال شتبي اكثر من كذا
مالك: الله يطول بعمرك كلم عمي اليوم افضل
الجد: تم تم
مالك : ناظر لـ نادر بنظرات الانتصار
ماعليش انقطعت فتره لـ سبب ظروف [كونو بخير وانتظرو البارت الجاي🌷]
YOU ARE READING
رحلت عن دارك وانا خاطري فيك
Romanceشخصين مختلفين بكل شي يجمعهم الحب /تذكار،نجد قصه حقيقيه تحكي عن تضحيات واشياء كثيره استمتعو فيها بالروايه ولا تنسونهم من دعواتكم (الاسماء فقط مستعاره )
