رحلت عن دارك وانا خاطري فيك

الجزء الاول

نروح لنجد ولحياتها قبل كم سنه
نجد: يمه الحين انا ليش اسم ابوي غير عن الي بكتبي وبالمدرسه
جدة نجد: مو لازم يا امي تتشابه
خالة نجد: امك وابوك كارهينك وحاطينك بحلقنا الله يخلف علينا بس
جدة نجد: بس ياشهد وش هالكلام هذي صغيره وتراها اغلى منك على قلبي لا اشوفك تضايقينها
نجد: لا يمه خليها لو ادري انها شايله كل ذا بقلبها كان من زمان سألت
نجد: بروح انام انا يمه اذا تجمعو خالاتي صحيني
جدة نجد :ابشري تغدي
نجد:شبعانه
بعد ايام تخرجة نجد من المتوسط وكانت جدتها مبسوطه جداً
وتجمعو الخالات والخوال كلهم ببيت الجده
مها ام سعد: يالله شكثر اشتقت لديرتي وجمعتكم
مدى ام ريان: اي والله ياليتكم تنقلون هنا مدري وش مبعدكم عننا
مها: والله شفتي دوام ابو سعد مايقدر يخليه وراه عيله الله يكتب له النقل
شيخه ام نايف: مها بنتك كبرت حرام عليك اخذيها معاك خليها مع اخوانها
شهد: ترا تعبت من المسؤوليه فكينا منها بنتك كبرنها وربينها اخذيها ماصرت اخذ راحتي كل روحه وجيه اخذي لنجد جيبي لنجد شوفي نجد كاني مو انا بنتهم الصغيره
مها: اسكتو انا بقولها بشويش مابيها تنصدم كل هذا تسمعه نجد برا
نجد راحت تركض لبرا ترتجف وتشهق بدون دموع كيف كذا الي اقولها خاله تكون امي وانا ليش مرميه هنا فتره طويله ليش محد تكلم وقالي ليش اتربى بعيد عن امي وابوي واعيش بعيد عن اخواني ليش يصير كذا كانت مو مستوعبه الصدمه ابداً جاها ريان الي كان اكبر منها بأربع سنوات
ريان: نجد شفيك بسم الله عليك وش صاير لك
نجد: ترجف ونزلت دموعها ريان انا عندي ام واب وطول عمري كنت افكر اني يتيمه
ريان: نجد انتي كنتي صغيره وفيه اسباب لهم انهم سوو كذا اهدي واذكر الله الحين انتي كبرتي وصرتي بالثانوي ماصرتي بحاجتهم ولا بحاجة احد تمام
نجد: ريان قلبي يعورني
ريان:بسم الله عليك روحي غسلي وصلي واذكري الله واطلعي كان مو صاير شي وبجي بعد العشا ونسولف بذا الموضوع ونلعب سوني
نجد:طيب
ريان: انتبهي لك
راحت نجد وقلبها مليان حزن والم

بمكان بعيد عنهم مره بالتحديد القصيم
تذكار: الحين امي تبكي علشان ابوي تزوج
مريم: يعني وش تشوف
تذكار: بلعنه يفكنا من شره ماغير ضرب فيها وفيكم ينشغل معها عنكم
منال:ياقلبي والله عورني قلبي عليها
نوال: والله حتى انا ما اكلت شي ابد روح تذكار لها خليها تاكل لانها تحبك ماترد لك طلب
ليان: اي تكفى الله يعافيك هتان له ساعه عندها عجز عنها ماتبي
تذكار: طيب بروح لها يابنات ابيكم اليوم تنامون عند امي واستأنو من رجالكم انا بكره ماشي عندي دوره وانتي ليان لا اوصيك على امي واخوانك 
ليان : ابشر وطلع
ليان بنات تصدقون متضايقه اكثر شي ان تذكار بيروح
كانت ليان اخر عناقيد البنات وكانت دلوعة اخوها ومتعلقه فيه بقوه عمرها١٤ وخواتها كلهم متزوجين من اقاربهم
عند تذكار: يمه اذكر الله كذا احسن لك وتراها خيره تدرين ليش ناظرت فيه وهو مكمل لان دايم يضربك بدون سبب وخواتي لو ماتروجو كانو ميتين على يدينه باقي ليونه تبينه يعقدها وهي صغيره امه هزت براسها لا
تذكار :طيب ياميمتي قومي غسلي وصلي لك ركعتين وتعالي اجلسي معنا
ام تذكار: طيب
تذكار: ايه هذي امي الي اعرفها
وراح عند البنات قال اقطعو الطاري من تجي امي ابيها ضحك وفله
/تذكار طبعاً جا بعد خمس بنات الي هم مريم ومنال ونوال وهيام وشروق كلهم اعمارهم بالعشرين
مريم:عمرها٢٦ عندها(محمد واحمد واسيل وغنى)
منال:عمرها٢٥ عندها( منصور فيصل حور)
نوال:عمرها٢٣عندها(فارس فهد وتوق)
هيام :عمرها٢٢ عندها فقط لمى
تذكار :عمره ١٩
فهد :عمره ١٥
فارس: عمره١١
ليان: ١٤
جلسو كلهم ضحك على ايام طفولتهم واستهبال واستسلمو لنوم ونامو بسلام