هروب من الـجحيم

البارت التاسع 🦅

أسوأ نومة ينامها
الإنسان هي
أول نومة ينامها بعد
فقده لمن يحب،
حينما يغمض عينيه
بعد بكاء طويل
تنتهي به طاقته،
ثم يستيقظ وهو لا
يعلم كيف نام، ويظن
أن كل شيء
كان حلمًا مخيفًا،
ثم يكتشف أنه لم
يكن كذلك وأن الحلم
في الواقع حقيقة...

ــــــــــــــــــــــــــــــــــــــــــــــــــــــــــــــــــــ

أشهب : اي هسه انتِ شرايده بالضبط

شغف : لا مااريد شي وره فتره من النكره الي بيناتنه جان نسمع صوت كلش قوي مال الباب وطبت وحده تصير بكل علاه صوته
وتكولل......

ـ يعني صدك سويته واني اجذب واكول ميسويه اذا مو اني الي اخطبله بأيدي واني البسه القاط ليش هيج تسوي أشهب

أشهب : ولج نصي صوتج يمعوده طابه علينه متهجمه ثول هسه اني افهمج كلش

شغف : همه يحجون واني صافنه على البنيه الي طبيت يطلع عمره اكبر مني بكم سنه والبنيه بيضه ورشيقه يعني بمعنى العام حلوهه وجميله

ـ هاي مرتك والله. زين خوش تختار

أشهب : تعالي لج منو كلج

ـ شسمه حكيم

أشهب : ادري بي حقير اني اعلمه وينه هو هسه

ـ عافني وراح

أشهب : هاا خلي يجي والله كريم

شغف : أشهب

أشهب : هاا

شغف : منو ما عرفتني عليه

أشهب : اذا هيه طبت هداده شلون اعرفج عليه
اختي هاي اسمه نريمان

نريمان : هلو حبيبتي شلونج الف مبروك ان شاء الله الولد الصالح

شغف : باوعت على أشهب بنظره يعني متدري زواجنه بس عقد ردلي النظره لا يعني متدري
رجعت اباوع عليه واحجي حبيبتي شكراا

أشهب : اني طالع خليجن هنا اروح اجيب مسوك اريد اكل من اديجن
صدك نريمان شكد راح تظلين هنا

نريمان : لا مو هواي ابقه يمكن عكبه اروح او باجر حسب

أشهب : ليش متبقين هواي هنا

نريمان : لا حبيبي اريد احضر روحي اريد اشتري ملابس للدوام تدري راح يبدي

أشهب : ها جا خلي اني وياج نطلع واشتريلج

نريمان : لا تعرف اذا مو امي ما اطلع

أشهب : براحتج حبيبتي يله طالع اني محتاجين شي

ـ لا

شغف : طلع اشهب واجتي نريمان كمشتني من ايدي وتحجي

نريمان : عني صدك تزوجتوا هيج اهلج شلون وافقوا
بدون عرس ولا اي شي