بعد 8 سنين
مروى: يما وين راه خيماري لكحل
حنان: شوفيه معلق راكي عايشة واحدك يالهمالة مكاش لي يلبسوا
مروى: و علاه ديكديكاس هذا جاع حرام عليك واش يظمنلي مالبستوش ندى راحت تخدم بيه
كريمة: عيطي و سقسيها جاية تهبلي فينا هنا
راحت لجيهة لبيرو تاعي نحوس عليه و على مسك و ليزيبانغ حتى نطيح لورق زمر ماشي وقتهم هبطت نلمهم بلخف حتى نلقى تصويرة لي جمعتنا في ليسي كي كونا هذاك لوقت دوزيام ليسي قعدة نشوف في تصويرة و نتحسر حطيتها فوق لبيرو و خرجت
راحت لبيت ندى نحوس على خيماري و لقيتو ياخي حالة هذي كانت معايا في بيتي مزاحمتني دوك في بيت واحدها و مزحمتنا تان
هبطت نسقهوى وحدي لقيت يما و عمتي خارجو راحو للمارشي كان لازم نخرج نشري حوايج خطرش بدلولي لبيرو وين نخدم
غسلت لماعن لي درت بيهم و خرجت راحت نحوس على طونوبيل تع عمتي ركبت و ديماريت والفت روتين تاعي وحدي نشري وحدي نحوس وحدي حياة شباب صعبة
أنا غايسة و يصوني تيليفوني أبال فيديو مدام وفاء تعيط
كنان: خالتوووو توحشتك وين راكي
حبيبي وليدي مام أنا توحشتك واش شربت حليبة
كنان: إيه و راني رايح للبحر مع بابا
مليح حبوبي يعرف يعوم و ماما مسكينة تخليها في دار
كنان: تقعد مع إيلين
وفاء: راكي تشوفي لفايح باعني في زوج دقايق
تستاهلي عندو الحق و ياربي على بابوبية تاعي إيلونةة يايما
مهيم وفاء نخليك دوك راني نسوق سلمي عليهم و كوبيت علابالي متوقعة هذا الشي وفاء تزوجت مع عماد
و عندهم زوج دراري تزوجوا مور باك و ندى راهي مخطوبة لكنزي واحد يخدم معاها هي كملت قريتها دارت مدرسة عليا و درت استاذة تع اونجلي شكون قال ندى تقري لوكان تقولولي هذي الهدرة قبل 8 سنين منأمنش
راحت ندور فلحوانت نحوس على حجابات شابين باش نشري صح دوك درت حجاب الحمد الله و ستعقلت شوية
أنا دوك وليت مذيعة أنعم يا سادة أنا لي تسمعوني فلكورتاج كي تركبوا مه عمكم سامط لي يدير إذاعة بالإضافة لي راني ندير بودكاست و الحمد لله أمور ملاح
تعمقت في سوشيل ميديا مروى إنستغرامور ياه نتقعد مانوريش وجهي والا
ريان راح يخدم في كندا و مروان خير يدير سطاج في صحراء راه يخدم بستة شهور خدام ستة قاعد في دار
و الكندي تاعنا نفحتلوا يدير مستقبل باهر زعما اه يخدم مع صاحبوا في واحد شريكة
أما الباقية مراهش عندي خبارهم صراحة مور لباك كل واحد تليكيدا في همو نهاد راحت للخارج تكمل حياتها سمعت بلي تخطبت بصح ماعلبليش ماهدرتش معاها عندي 9 سنين ملباك
أنت تقرأ
حياتي مع عائلتي المجنونة 💞(باللهجة الجزائرية 🇩🇿💙)
Paranormalهذي الحكاية حتى تكون مختلفة على الحكايات اللخرين ♡ كوكو جيت نشكيلكم و نضحككم مع عائلتي لي فيها شوية عقل نوريالكم لبروبلام و الضحك بطريقة مختلفة إن شاء الله يعجبكم الكرو
