أنا زلة الزلات شابة الشابات قاع يغيرو مني علاجال زيني
مروى: ندى يا زمر نقصي حسك خليني نرقد و تريت عليها المخدة
ندى : كشما بقا راقد نوضي ليوم تقري
مروى: بفف تعي نضت على سعدي المسود غسلت وجهي و ديريكسيون لبيت الولاد
شخيطخيحخط
زدمت كيما الجدرامي مي هكاك و مناضوش شكاير رقد سوطيت فوق البونك تاع مروان و بديت نبرح: أي نوضوا يا رهج نوض رانا
روطار
مروان: يا المصفارة بلعي فمك و أخرجي
مروى: مصفارة جاك الموت يا تارك الصلاة 🔪و سطيت نعفس على ظهرو
مروان : أي ظهري تكسر نوضي عليا روحي نوضي الهم لوخر
مروى: هذاك لازملوا الزرنة و لا لبليغة تاع كريمة ريان نوض و لا نعيط لعمتي
ريان: واش كاين علاه ركي تنوضي في جدي
مروى: تعيو ياك ليوم تروحو تمركيو
ريان: راح قاع من بالي واش قلت نروحوا ولا نمونكيو
كريمة: تمونكي قالولك مسيد تاع بابك عندكم 5 دقايق نلقكم التحت و نتي تبعيني
مروى: عمتو راكي شابة ليوم
كريمة: شابة من بكري و ماعنديش شوفي يماك
حنان: واش تسحق إذا $$ شوفي باباك
مروى: خلاص منسحقش مامي شرلي بابا كونديا شوكو
حنان: راهوا لتحت إهبطي سقسيه
هبطت دروج بالجرية دخلت الكوزينية
مروى: قونيديم بابا قونيديم ديدو حميد
كريم: شوالا هذي يونايتد لمفيد صباح الخير بنتي قبل ماتبدي تحقيق تاعك راهي في لفريجيدر مور شكارة تاع زرودية
مروى: صحا بابي غير نتى لي تفهمني و راحت جبدت كونديا و فرغت كاس
ندى: صباح الخير بابتي صباح الخير عمو كريم فرغيلي كاس معك
مروى: جابلي ربي عندك يديك مشي قالتي متروحيش اليوم
ندى: نفحتلي نروح نقرا
مروى: يالطيف أخرج منها يا عدو الله نتي يا سكنوك يا هكروك ملخر أزرع ينبت
ندى: شريت إيلاينير جديد باش نزوخ بيه شوية
مروى: قولي هكا من اللول
مروان: رانا سابقين باي
كريم : بنتي هذاك هو الوقت باش تروحي لمسيد
مروى: أي باي أنا نجوز لمريم خرجت من الدار وتلقيت بيها
مريم: يا رهج توحشتك هذي غيبة
مروى: واشبيك سيريو واشبيك هذي غير ويكاند مشفتكش و تخرجنا طاطا إلهام من التاقة
أنت تقرأ
حياتي مع عائلتي المجنونة 💞(باللهجة الجزائرية 🇩🇿💙)
Paranormalهذي الحكاية حتى تكون مختلفة على الحكايات اللخرين ♡ كوكو جيت نشكيلكم و نضحككم مع عائلتي لي فيها شوية عقل نوريالكم لبروبلام و الضحك بطريقة مختلفة إن شاء الله يعجبكم الكرو
