-سبحان الله وبحمده سبحان الله العظيم-
نهار الأحد نهار يردوا لورق و نشوفوا لفضائح نهار لي يكرم المرء أو يهان
ندى: علاش راكي تهدري مع المرايا وواش نوضك مع سردوك تع جارنا
سردوك: قوقوقوواعا
مروى: هذا سردوك تع عمار " وراحت خرجت راسي متاقة نبرح" يا عماررر يهديك ربي سردوك في الفيرمة ماشي في المدينة
عمار: مداخلكش داري و نربي فيها هوايشي
مروى: كي تربي روحك منبعد ساهل يزيد ينوضني نذبحوا و نحمروا
مريم: يالكلبة بلعي صوتك رانا نسمعوه منا
مروى: ديجا نتي نوضي راهي قريب سبعة نجي مانلقاكش وجدوا نهايتك
على الساعة السابعة و خمس دقايق □
ندى: مروى يا سماطة نوضي لازم نروحوا ليوم هيا
مروى: دوك نجي روحي برك
ندى: يا زمرة هياااا و جبتها من رجلها جبتها فلرض البسي و أهبطي و هربت نجري
مروى: زعما هربتي يا ليوم نهارك وراحت قعدت نشوف في هذيك لخزانة و نتأمل جمالها سروال معلق في الباب تريكو بلمقلوب واو
هذا جاع درتو ندى باش تلقى حوايجها هبطت لحوايج باش نلقى حوايجي ايواه تريكو موف مع سروال كحل ماي فافوريت
لميت شعري طوماطيشة وراحت نضرب لبركفست في المالديف
ندى: يويوييووييويوي اونفا شرفت السلطانة
مروى: دستور جلالةالسلطانة هيام و ثقلت روحي في دروج حتى جبتها نبوس فاللرض
أمين: واش طحتي
مروى: لالا شفت لرض باردة قولت نعنقها " و نضت نمسح في حوايجي "
حنان: اشربي حليبك و طيروا لزوج هيا غاولوا
مروى: مالكي ما حبيتي تتهناي منا خلاص رانا رايحين شربت هذاك لحليب بالجرية وراحت عند مريم طلت عليا رحمة
رحمة: واش مروى سافا
مروى: سافا رو و نتي كيفاش وين راهي لحمارة لخرا
رحمة: راهي مريضة قالتالك ماتجيش
مروى: او وقتاش مرضت هذي مقبيل كانت لابس بيها و تعيط
رحمة: تعرفيها باش ماتروحش لمسيد
مروى: كلبة يا مريم يالفرشة هذا قالب قديم قلتها بالعياط
رحمة: زيدي عيطي تخرجلك ماما بالفرطوار
مروى: باي رحموش وراحت مع ندى درت في وذني كيت و أعطيتها ثانية و قاعدين نسمعوا و نمشوا
أنت تقرأ
حياتي مع عائلتي المجنونة 💞(باللهجة الجزائرية 🇩🇿💙)
Paranormalهذي الحكاية حتى تكون مختلفة على الحكايات اللخرين ♡ كوكو جيت نشكيلكم و نضحككم مع عائلتي لي فيها شوية عقل نوريالكم لبروبلام و الضحك بطريقة مختلفة إن شاء الله يعجبكم الكرو
