بسم الله الرحمن الرحيم
الكاتبة:مسره حسين
بداية 2024/8/27 ......
يجي غيرنا هواي .. بس مو مثلنا!
================================
_زيد يلا تأخرت بسااااع....
_اجيت بس اصبري..
طلع من الباب المطبخ يركض بيده الحقيبه المدرسيه يلبس بيها ع السريع طلعنه متوجهين للمدرسه هو يوصل قبلي بشارعين اعبر يلا اوصل مدرستي اني ثالث متوسط وزيد خامس علمي..
وصل للمدرسته ودعني ع السريع وراح واني جاي امشي متوجها للمدرسه بعدني بالركن مال المدرسه ونادت عليه بنت خالتي جايه باتجاهي....
ميار:ولج سوسو اوكفيلي....
سيلين:خيرج هم متأخرة خرب هسه المديره تلعب بينه لعب
ميار: أي ولج مادري اخذتني النومه بعد ماعيدها وعلي...
سيلين:هاي كل مره اتكوليها هههه يلا امشي...
دخلنه من الباب مالكينه المديره توني ابتسمت والمديره طلعت عاطت بينه....
_وين جنتنن ليش متأخرات؟؟
ورزلتنه رزاله مرتبه رحنه كلمن ال صفها ميار جانت صف ثاني عادته بسبب ضروفها المهم دخلت لكيت علينه ام الرياضيات ماحجت شئ كعدت بصف زميلتي والصف بس صوت البنات ايسولفن من الصبح سئلتها مستغربه...
_اكلج لولو تأخرت خمس دقائق عن الدرس معقوله كملتو شرح...
_لاولج المدرسه بطلت تشرح اتكول والله نص البنات داخلات خصوصي ماشرح...وجربنه نشتكي عليها لين ماتشرح واحنه وزاري بس المديره كامت تحجي علينه والله ماعدها مدرسات وهاي من اتشوف المديره تفتر تشرح اشويه واتكول تعبت اه..مليت والله ال صدك اسجل خصوصي
_ياا صدك خرب حضي يلا اقري على يوتيوب احسن....
لاتستغربون احنه نص مدرساتنه هيج يسون واحنه نعتمد على اليوتيوب خلص الدوام بين سوالف وضحك ودروس طلعنه من المدرسه اني وبنات خوالي هن صديقاتي ميار وسن وسالي ماعندي بعد غريبه بس اثنين وعلاقتي بيهن سطحيه زهراء وملاك متعوده على بنات خالي امشي وياهن واسولفلهن كلشي ايصير بيومي انتضر الدوام دقيقه دقيقه حتى اشوفهن واحجي وياهن أي لاتكولون أبالغ بس اني وياهن سوه من عمر خمس سنوات مايمر اسبوع اذا ماشوفهن هيج كلش احبهن ومتعلقه بيهن المهم طلعنه وتفرقنه هن سوه لين بيوتهم بشارع واحد اما احنه باخر الدنيا امشي وحدي واخيرا وصلت للبيت فتحت الباب ودخلت اشم ريحة فاصوليه فتحت باب المطبخ لكيت امي وريم تطبخ امي تعلم بيها...
_ريموو انتي سويتي الغده ؟
أنت تقرأ
خط الانتقام
Tajemnica / Thrillerفي هذا القصه سنتعرف على بعض الأمور أهمها سنعرف بعض العلاقات لاتستحق التضحيه من أجلها وسنتعرف أيضاً بأن ليس كل الصديقات صديقات حقيقيات وانما البعض لايستحقن التضحيه والحب ولاحترام الذي نقدمه له وليس من مدحنا احبنا....
