المتاهه

المتاهه الثانيه

- شَـهرزاد .

______

- كعدت يمهن كفشتي شكبرها طبت اريج صرخت بصدمه وراها روان رجعت ليوره بصدمه باوعتلهن وكتلهن شبيج

- روان : يمهههه منين طالعه ولج باعي راسج شكبره
- أريج : اللهم أن كان سحر فأبطله

- هزيت ايدي شمالهن ذني بطرانات أكلت وكمت سبحت وكعدت يمهن مارسلين صافنه مادري شبيها خالتي كالت راح نروح ضجت كلش مسوين اجواء النه

- شهرزاد : خاله أبقي
- الأء : لا ماما ماكدر دوام البنات والبيت الولد وحدهم

- ماكدر احجي شي لأن صدك عايفه ولدها وهما وحدهم وزوجها دوام بقينا كاعدين نسولف ونضحَك صارت بلعشره بليل كالت لازم اروح أتصلت على يوسف أبنها أجه عليها طلعتله ماما دخل للطارمه ماقبل يدخل جوه سمعتها تحاجي

- هلا حبيبي هلا عيوني تعال ماما فوت
- حبيبتي خاله لا والله مستعجل اريد اروح
- بس ادخل بين ما أمك تجيب ملابس البنات
- لا والله خاله على غير مره
- براحتك حبيبي

- دخلت أنا رحت للغرفه حضنت مارسلين حييل وخرت منها ودخلت خالتي كلتلها يلا طلعنه ثنينه طلعت وياهن بلباب يوسف واكف على صفحه لمحني وعكد حاجبه دخلت للغرفه كعدت صفنت هسه شسوي كمت جبت كتبي واجيت كعدت أقره تعبت وخليت راسي على الكتب دخلت شهزنان هم دتدرس دخلت ماما

- وَجدان : فدوه لبنوتاتي اروحلجن فدوه
- شهرزاد : حبيبتي ماما أفديج
- شهزنان : عيني انتِ ماما
- وَجدان : بناتي اريدجن تعتمدن على رواحتجن وتصيرن ذيابه توكفن بوجه اليأذيجن حتى لا يفترسونجن حبيباتي شهزنان اريدج محاميه قويه وشهرزاد دكتورتي عيوني انتن

- شهزنان : تدللين حبيبتي
- شهرزاد : لو أكدر انطيج روحي الله شاهد ما اعزها عليج وانطيجياها
- وجدان : أروحلجن فدوه أقرن يمه أقرن

-  كملنه نقره كملت وكمت شغلت قرآن وكبل نمنا كلنه بقرب ماما كعدت صبح على صوت ماما كمنا بدلنه وأكلنه اجاني شعور أحضن أمي حضنتها حيييل حسيت روحي صارت بيها شهزنان حضنتها وطلعنه عيني على الباب اول مره أحس هل احساس تعوذت وخذيت كتابي اراجع للأمتحان وصلنه للمدرسه دخلت لشعبتي وشهزنان راحت لشعبتها كعدت اراجع دخلت المدرسه

- أبتسام : يلا يلا شيلو كلشي يخص الماده

- كمت شلت كتابي شمرته يم الباب وطلعت ورقتي كعدت أمتحن الزم القلم ايدي ترجف ماعرف شبيه كوه امتحنت وطلعت للساحه اجت صديقتي كعدت يمي عَبرت ايدها على كتفي

- ضُحى : شبيج شهرزه ؟
- شهرزاد : مادري جسمي يرجف
- ضُحى : حبيبتي ماكو شي كل خير ان شاء الله
- شهرزاد : ضحوتي خايفه
- ضُحى : لا حبيبتي ماكو شي رب العالمين وأكف وياج لا تخافين يمج انا اليمسج يمسني