المتاهه

المتاهه الرأبعه

- شَهُرزادِ .

- اكلج همَ كلولي لا تكولين بس هسه انتِ مو غريبه انا بت عمهم وانتِ بت عمتهم وذا كتلج هسه شنو طار نصهم وانتِ هم متحجين خيولون احجي غصبا عليهم شني عود يكضوني هل خبيثين

- كملت تسرد وتفضح بيهن وانا اسمع الها مصدومه ومادري شنو سالفه كملنا نسولف ونضحك

- ضَي : أكلج امشي خلي نطلع بلحديقه نكعد
- شهرزاد : يجون؟
- ضَي : لا يطلعون من الاربعه لحد سبعه للطوبه عشتو

- تحجي وتفر بشفايفها بطريقه غريبه كمنا للمطبخ سوينا كَهوه وحلويات ورحنه للحديقه نكعد الحَديقه صايره ورا البيت بس سياج ومانبين

- طبعاً شوفي هنا الولد يشربون جكاير وهنا يتختلون يخابرون عود مدري شني المهم حُبي هنا الحديقه صايره ملعب لحضراتهم ومرات من يجون ولد عماتي وجماعتهم يكعدون هنا
- يمعوده ضَي دسكتي شخليتي بلولد خزيتيهم وشهرتيهم
- عوع يستاهلون شلون شكول عوووع
- هاي شكو يااا
- اسمعيني افكر نفتح حساب بلانستا بليوتيوب وننشر سوه نسولف ويا العالم ومدري شنو
- اي وتفضحين ولدكم
- اي والله خوش فكره
- دكعدي لا تخرينا اكثر من ما احنه متخزين

- اكلج هو اذا فتحنا قناة منو يعبرنا؟
- هم صدك ضي عوفي هاي سالفه
- ولج مرات اشوف بث جلسات هانكوت
- ماحبهن
- دخلت تعاركت ويا بنيه وطلعت عوع ولج شهرزاد هنه صدك محلوات بس سوالفهم حلوه أكيف عليهم واعرف قناة اتاني ساعه ساعه حتى تفتح بث اعرف البنات ويعرفني اعرف بنين وسجى وشهد وايات وتماره ووحده ماحبها اسميها نعاله

- ليش شبيها ؟
- يعني أسولف ويَ البنات اكلهن مشتاقتلجن تكول بس لواكه هيَ ما توجه الكلام مخصوص اليَ بس من احجي تكوم تحجي مدري شلون ذاك اليوم نحجي بلبث وكلت لبنين اريد فد يوم نتفق ونلتقي بمكان كالت الله اي هاي من يمها كالت بنين لا ترحين شعدج ملتقيه هسه يمها انا حاجيه وياها شي !
- خاف غاثتها بحجايه
- لا وداعت زيوني ما حاجيه شي وياها وحتى من دخلت كالت ضيفه جديده اكو ترحيب كتلها يا هلا زادت شلتنه وحَلت أكثر منها هي شدت وياي
- مادري عود تناقشن
- ولج هيج ما جارعتها مو نوب نتناقش !

- تحجي بحركة كَلب ومبينه صدك مضوجتها كملت تسولف وتهز بايدها من تجيب طاري نعاله على كولتها

- شهرزاد سويت حساب بلانستا وخبلني ادخل ويطلعني ادري شنو يطردني ؟ يطرد بيه
- خاف اكو شي غلط
- ماكو شي ولج شكو يعني

- دخلنه نجيب تلفوناتنه ثبتت انستا وسويت حساب وسويت حساب ضَي ما صار لازم تسوي حساب ثاني ما كلت لا سويتلها حساب ثاني

- شتردين أسمي ؟
- أميره بحجابي
- ضَي أنجبي غيره
- امم سَمي ضَي أسمي والقمر رَسمي
- اكوم ادوسج ترا غيرهن
- وين ادري سمي بت أكرم