دمعة فصلية

البارت الأول

بنات اتمنى تتفاعلون حيل محتاجة دعمكم💔😔

اول شي راح نبدي اعرفكم على البطلة

هلو اني اسمي ريناد عمري16 سنة من بغداد موصفاتي اني عيوني كلش كبار لونهن زرك وشعري كلش طويل يوصل لحجل رجلية طولي 150 واني طبعا مربربة وخدودي كبار عائلتي متكونة من أب وأم وثنين اخوان اخوية الجبير دقتور جامعي اسمة حيدر عمرة 30 سنة مامزوج ميحب النسوان اخوية الثاني اسمة مصطفى صف سادس اعدادي صديقي وبير اسراري واني الوحيدة لهلي، كعدت مثل كل يوم شلت فراشي وكمت سبحت ولبست ملابسي ومشطتت ولبست حجابي ونزلت ريحة الريوك تسطر سطر رحت متوجهة للمطبخ لكيت ابوية كاعدة وامي واكفة على الطباخ رحت بست بابا...

ريناد : صباح الخير يا احلى أهل بل دنيا
بابا : يبعد كلبي بنيتي صباح النور
ماما : صباح الخير يكلبي ،روحي كعدي اخوانج رجلية مابية اصعد بين ماجهز الريوك
ريناد : اردفت بخبث،صار ماما ادللي
ريناد :رحت صعدت لغرفتهم امشي على كيف ، فتحت الغرفة الغرفة ضلمة وباردة تسويلك واهس تنام
رحت للحمام ترست طاسة مي ورجعت للغرفة مالتهم

الكاتبة :ويبقى السؤال منين جبتي الطاسة؟!

____________
وذبيت ألمي فوكهم شهكو، طفرت نزلت ركض وهمة يصيحون وراي

حيدر : اليوم اموتج اني اعلمج تعاي
مصطفى : لج ريناد اليوم منو يخلصج مني طلعي من ورا بابا
اردفت ريناد وهية تتحاما بضهر ابوها ..
ريناد : هاي شبيكم؟غير اشاقة وياكم وامي كالت الي روحي كعديهم
بابا : عوفوها ولكم والله الي يوصلها اتبرة منه ، تعاي كعدي اكلي باباتي

الكاتبة : اوي باباتشي😘😏

ريناد : اوي تقارين؟
الكاتبة : منين اغار؟
ريناد : ترا هسة اخليج تحذفين القصة
الكاتبة : لا يابه اشاقة شبيج ماتتحملين شقة
ريناد :😒😒

نرجع بعدين نتعارك خل اكمل البارت
______________

ريناد : تريكت وخلصنا لبست جنطي ورحت متوجهة لصديقتي اعرفكم على صديقتي اسمها سجى اني وياها أصدقاء من جنة زغار ولحد هسة واهلها واهلي همين أصدقاء دايمن نطلع سفرات سوة وحدة تبات أبيت الثانية واني معجبة بأخوها من زمان
دكيت الباب طلع اخوها باوعتله بخجل وكتلة عادي تصيحلي سجى عمو

ياسر : عمو؟ ليش ولج هيج اني جبير وتصيحيلي عمو؟
ريناد : اردفت بخجل ممزوج بتوتر، احم لا اا احم لا بس استحي اصيحلك بسمك
ياسر : تمام عمو هسة اصيلحج سجى.
ريناد : راح طب جوة واني واكفة احس راح اوكع من طولي من الخجل
اجت سجى
سجى : صباح الخير ، وين صافن يحلو؟
ريناد : صباح النور، لا مصافنة
سجى : همم خوش يله امشي لا نتأخر وست شحروره تصيح علينا
ريناد : هههههههاي اويلي لو تسمعج تصيحيلها شحرورة
سجى : خاب خل اطير ماتخوف جلبي
ريناد : ضلينا نمشي ونسولف لحد ماوصلنا للمدرسة نتبهت سيارة مال شرطة واكفة اباب المدرسة والبنات لعبن روحي هاي الي منزلة كذلتها وهاي الي صدريتها لركبة وهاي الي القميص مفتوح والجنطة صفح واكلن الي بسيارة الشرطة اكل مهتميت توني جاي ادخل للمدرسة ورفعت عيوني اجت عيوني بعيون احد الضباط الي واكفن يخوفن بسرعة نزلتها وطبيت جوه درسنا وخلصنا ويا مجاي نطلع صادفني نفس الشخص ابو عيون همين اجت عيوني بعيونة ابد مشالهن خزرتة عوذة شكد ادبسزز
وكفت كدام المكتبة..

ريناد : سجى انتضريني محتاجة كم شغلة من المكتبة ماطول
سجى : تمام يكلبي
ريناد : طبيت للمكتبة شتريت الي اريدة ويا مجاي اطلع نطخيت بشخص رفعت عيوني واني مخنزرة عبالك حايط لكيتة نفسة الضابط خزرني وخزرتة وخزرني وخزرتة المهم ضلينا بل نص ساعة نتخازر وعفتة ورحت
اكلت رزالة من سجى لانو طولت رحت متوجهة للبيت شفت هوسة اباب البيت باوعت كومة زلم بل باب وصوت اصياح رحت طبيت ركض لكيت امي كاعدة ادك وتلطم ومرت عمي مكابتلها رحت واني اشهك وابجي والطم واني ماعرف شكو بس على الواهس

ريناد : يمة شكو اصاير منو ذولي الي بل باب حاكيني فدوة بابا بي شي حيدر مصطفى بيهم شي؟؟!
ماما: ولج يمة ابن عمج كاتل واحد واهلة هسة جاين يردون يهدرون دمة
النسوان : يبوووووووو يبوووووو

الكاتبة : عليجن انشالله يل مكروصات انجعمن شوية
ريناد : بجيت ودكيت ولطمت ورحت سبحت وبدلت ملابسي وصبيت اكل وكعدت اكلي واني مقهورة على ابن عمي صح هوه سكير وأبو بنات بس أمة خطية هوه الوحيد الهم حتى بنات معدهم
ضلينا لليل قليلين واني من الخوف والقهر كلساع اروح اكل واجي ابجي وادك والطم
دخل بابا واخواني وعمامي الاثنين رحت ركض حظنت بابا واني خايفة وخرني من حظنة وباعلي بقهر
واخواني وعمامي يباعولي وعيونهم مدمعة باوعتلهم بخوف.

ماما : بشرني احمد شنو صار شنو طلبو
بابا : ساكت
اردف عمي الجبير نفسة أبو ابن عمي السكير وهوه يتقدملي
عمي الجبير : بنتي ريناد أنتِ تحبيني صح؟ واكيد متضرين ابن عمج ينكتل مو؟
ريناد : طبعا احبك عمو بس شنو جاي تحجي مجاي افهمك

الكاتبة : غير ثولة طالعة علية تبا للغرور😎

عمي الجبير : بنتي ريناد طلبو فصلية و500 مليون وإحنا معدنا بنات بل عشيرة بس انتي وذا مراح ترحين فصلية ابن عمج واني وابوج واخوانج كلنا ننكتل
ريناد : اردفت بصدمة وبنهيار، شنو جاي تحجي عمو وكعدت ادك والطم واصرخ ماريد اروح وصعدت اركض فوك واني ابجي والدموع تتساقط مثل الورد الذبلان على الأرض

الكاتبة : اويلي شوف الصوف صرت شاعرة كرنجية🥀

حسبت روحي بل غرفة 5 ساعات ابجي يجون يدكون الباب علية مافتحة بعدين كعدت افكر إذا مرحت اهلي وبابا واخواني يموتون اخذت قرار وكمت واني بداخلي صراخات وصراعات عميقة

الكاتبة : عميقة لو عمق الديجور12 هههههاي😂😂

ريناد : دخلت لصالة وكتلهم موافقة ورجعت صعدت ركض ابجي غفيت واني الدمعة على خدي

كتبت 1000 كلمة اتنمى تقدرون تعبي وتتفاعلون حتى انزل الكم التكملة وشنو تتوقعون راح يصير ويا ريناد؟ ومنو البطلة ماندري

دمتم بخير🪞🤎