توليب راحت غرفتها وهي تبكي وفارس لحقها وقفلت غرفتها بالمفتاح
فارس : توليب افتحي الباب
توليب بشهاق : أنت شكلك متفق معه صح قول إيه
فارس : متفق مع مين يا بنت الحلال
توليب بشهاق : مع فيصل صح
فارس : لا والله ماني متفق مع احد
وفي هاذي الحظات جا الجد فهاد
الجد فهاد : يا توليبي افتحي الباب
توليب اول ما سمعت صوت جدها فتحت الباب وحضنته
الجد فهاد : وش فيك
توليب بشهاق : يا جدي هاذا فيصل ما يعرف ينشغل بحاله يلاحقني بكل مكان
الجد فهاد وفارس استغربو
الجد فهاد : ليه وش سوا
توليب بشهاق : وبعد تسألني ليه وش سوا فيصل قتل ماما وبابا وشفت اليوم الظهر رحت أنا وأشواق مع فهد نشتري فساتين للعزومه وقبل ما نروح نزلت البقاله اشتري لي سناكات وجا مسكني مع يدي ويقول والله لا اقتلك مثل أمك وأبوك
الجد فهاد : لا مو هو ذا هاذاك فيصل ولد عمك
توليب هدت : اهاا طيب قولو من اول
فارس ضحك : وحنا وش درانا
توليب : جدي شوفه يضحك علي
الجد فهاد : يعقب من يضحك عليك وأنت انكتم
فارس : ابشر طال عمرك
وكل واحد راح ونام
ومرت يومين بدون اي احداث مهمه
في الفطور الي كان كل البنات والعيال موجودين
الجد فهاد : يا عيالي أنا ابي أشوف أحفادي متزوجين قبل الله يأخذ امانتي
الجميع : الله لا يقوله
الجد فهاد : أنا ابي أزوج أشواق لـ فهد وتوليب لـ فارس
غصت توليب وراحت لغرفتها تبكي ولحقوها نجد وهيام
نجد : توليب توليب
توليب ببكي :ما أبيه أنا توني صغيره
هيام : والله اخوي رجال وكفو
توليب ببكي : أي انتي بس امدحي ف اخوك
نجد : توليب اهدي اهدي
هيام : لا والله مو قصدي اني أمدحه انه ذا الصدق
نجد : هيمو اسكتي
هيام : لا والله مو انتي الي تسكتيني
نجد : إلا والله أنا اسكت الي أنا ابي
هيام : تسكتين الي انتي تبين بس أنا لا والله تخسين
نجد : أعقبي أنا أخسي
هيام : اي والله انتي تخسين
توليب بضحكه مع بكي : اسكتي انتي وياها
نجد وهيام يضحكون
نجد : نجحت خطتنا
هيام : اي والله ههههههههههه
توليب بضحكه : حيوانات صدق
هيام : اقول بس روحي غسلي وجهك وانزلي تحت افطري وكلمي جدي
توليب : تمام
راحت غسلت وجهها ونزلت تحت
الجد فهاد : يا بنيتي وشفيك عسى تبينه ولا ما تبين تتزوجين؟
توليب بغصه : يا جدي شورك والهدايه الله
الجد فهاد : الملكه بعد أسبوع
توليب شهقت : جدي ما يمدي اشتري شي
الجد فهاد : انشاءالله يمديك تراها أسبوع مو يومين
توليب : تمام ، فهد تعال أبيك
فهد : تمام ي عيني
توليب تخصرت: ماشاءالله ومن عينك الثانيه
فهد ضحك عليها : توليب ماتتركين حركاتك
توليب : لا صدق من عينك الثانيه
فهد : انتي عيوني الثنتين
نجد بغيره : مشاءالله وانا وتولين بنات البطه السوداء
فهد : انتي قلبي وتولين حياتي
الجد فهاد ضحك : بنات ماجد كلهم غيورين
والجميع ضحكو
سعود : يا جد أنا ابي توليب
الجد فهاد : تراك اكبر منها بـ١٦ سنه
سعود : طيب ...
الجد فهاد : لا طيب ولا مو طيب خلاص انخطبت البنت
سعود بضيق : استأذنكم
الجد فهاد : أذنك معك
سعود : والله ما أخليك يا فارس
أنت تقرأ
وش شعور المرايا كل ما شافتك؟
General Fiction"الجد يزوج حفيدته الي يعزها ويغليها لـ حفيده الي الجده تعزه وتغليه وكانت البطله تكره لكن عشان جدها ما تبغى ترفضه وتطيح كلمته عند عياله البطل وهو كان هايم فيها من وهم صغار إلى ان جاء اليوم الي وقعت البطله في حب البطل" الأبطال: توليب & فارس
