وش شعور المرايا كل ما شافتك؟

Part12

شافت فتحه وراحت لها وكانت تحاول تطلع منها ولسوء حظها دخل عليها فيصل نطق ضاحكاً : يعني بتحسبين انك بتروحين مني لا والف لا ، وعلى فكره تراني حاط كاميرات ههههههههه
بلعت ريقها بتوتر وخوف وضرب يده على الطاوله ويصرخ : ذي الرِجل الي فكرت تطلع من هنا وربي لا اكسرها
مسكها مع شعرها وسحبها وبدا يرفس في رجلها ويدعس عليها بقوه يحاول يكسرها وبعد مده بالفعل وضحت على انها أنها مكسوره بينما توليب كانت تصارخ والألم كان مو طبيعي كانت تصارخ وتستنجد بـ فارس و فهد و الجد فهاد كانت تحاول تبعده عنها لكن ما تقدر هي نتفه بينه طلع وهو يضحك ، جلست تون وتبكي بقهر على حالتها ورِجلها تألمها .
مر يوم يومين ثلاث أيام أسبوع أسبوعين على نفس الروتين يجي معصب ويطلع حرته فيها
في يوم من الأيام كان فارس يدور عليها الساعه ٤ الفجر كان يدور ويدور ما خلا مكان ما دور فيه ويدو في الأماكن المهجوره أنش أنش ، جلس على طرف الرصيف ينتظر الأذان غمض عيونه بقوه من تخيل انه ممكن ما يشوفها مره أخرى ، فتح عينه من سمع صراخها وأنها تستنجد فيه ، شمر ثوبه وطلع يركض يركض يدور عليها ، كان البيت الوحيد الي فيه حراس ، دخل عليها وفيصل يضربها وهي تبكي ، بدت عيونه تطلع شرار مسك فيصل وبدا يضرب يضرب فيه لين فرغ كل طاقته فيه مسك رأسه وصقعه في المغسله وانكسرت المغسله ، تقدم عند توليب يحاول يقومها
توليب : كسر رجلي مقدر امشي
تقدم لعندها وشالها ووداها السياره اول ما نزلها استرخت ونامت كان لها سنه ما نامت ، اليوم نامت نومه مريحه بدون اذى وبدون ضرب ، وصلو نزل فارس وتقدم للباب الي ورا شافها نايمه بعمق تقدم وشالها وكانّها طفله بين ذراعيه ودخل جوا للبيت كانو جالسين جلسه هواجيس كل واحد بعالمه اول ما دخل فارس كلهم التفتو للي دخل ابتسمو من شافو توليب بس تلاشت ابتسامتهم من شافو الكدمات والجروح  آثار الضرب ، كان الجد فهاد مو منتبه لهم ويهوجس بعيد عنهم قام جابر عند الجد فهاد : جدي توليب جات
التفت الجد فهاد بسرعه من نطق جابر وفعلا شاف توليب لكن الكدمات كانت مغطيه جسمها نطق فارس : خلوها اليوم ترتاح وبكره تسلمون عليها اليوم مره تعبانه
نطق الجد فهاد بفرحه : الحمدلله على سلامتها ، اسمع يا فارس روحو جناحكم واقعد عندها شوف إذا تبي شي ولا شي
فارس : ابشر
راح عند الجناح وحطها على السرير ولحفها زين وجلس بالغرفه يناظرها ويشوف كيف الجروح لاعبه بوجهها لعب اتصل على فهد يعلمه لان هو الوحيد الي مو مجود بالجلسه وكان يدور عليها
اتصل فارس : الو
فهد : ما لقيتها صح؟
فارس : أبشرك لقيتها والكلب يعنفها وجسمها كله جروح وكدمات
فهد ابتسم بفرحه : احلف
فارس : وربي
قفل فهد ورجع على البيت طوالي
غمض فارس عيونه بقوه يحاول يتمالك النوم ما قدر وهزمه النوم وانسدح جنب توليب ونام

ظهر يوم جديد ١:٠٣

فتحت توليب عيونها تناظر بصدمه من المكان الي هي متواجده فيه وفارس جنبها نايم بدت تبكي ، فز فارس من سمع بكاها
: شفيك يابوي انتِ
انرمت توليب بحضنه تبكي : مآبي الديره مابيها
ركز فارس بشفايفها : وش الي بشفايفك
نزلت توليب رأسها للأرض وزمّت شفايفها
رفع فارس رأسها : بنت ماجد وحرم فارس ما ينزلون رأسهم
بدت تبكي : فيصل طفا الدخان بشفايفي
احمرت عيون فارس : منجدك وكيف ما منعتيه
توليب : حاولت حاولت بس هو أقوى مني
فارس حب يلطف الجو : شرايك نروح في الحوش
ضحكت توليب عليه : في احد يطلع الظهر ، فارس ابي اروح الرياض
فارس : ابشري من عيوني بعد أسبوع نروح
عبست وجهها : ليه بعد أسبوع
فارس : ترا لك أسبوعين كامله ما شافوك أووه ما شفتي شصار فيهم الي يبكي والي يهوجس والي يدور خصوصا جدي كان مره زعلان
توليب : فارس مقدر احرك رجلي
فارس : ليه
توليب : حاولت اهرب لكن كشفني وكسر رجلي
فارس ما ينكر انه عصب بس يحاول يهدأ : امشي امشي نروح المستشفى
توليب : ما ابي
فارس : امشي بس
توليب غطت نفسها بالحاف : بعدين بعدين خلاص الحين بنام
فارس : تعالي عندي ي بيبي
توليب طلعت رأسها ورفعت حاجبها : كنك بديت تمون بالأخ
ضحك فارس على شكلها وسحبها له ، دفته وبعدت رأسها بصعوبه وهي تتأفف: أف فارس انكتمت
فارس وهو يضحك : اهخخخ يا بطني انتِ نتفه عندي
توليب : وجع ضف وجهك
تغطت توليب بالحاف وبعد مده نامت شدها فارس لحضنه ونامو .
(ونبداء نقول يا بدايات المحبه💋)
صحت توليب بخوف همست : بسم الله الرحمن الرحيم
حطت رجلها على الأرض بتمشي وسرعان ما صرخت ، صحى فارس وهو مفجوع من صرختها : بسم الله عليك شفيك
بدت توليب تبكي وتأشر على رجلها فهم فارس عليها وقام من السرير يلبس ثوبه وخذ مفتاحه ولبست هي عبايتها وتقدم فارس يساند توليب وبعد مده وصلو المستشفى ودخلوها الطوارئ على طول
الدكتور بغضب : يعني ابي افهم بس شي واحد اسبوعيننن ااسبوعععيين رجلها مكسوره وما جبتوها
فارس : م......

الصراحه ما شفت دعم يستاهل ونزلت لكم بارت قصير
ولاتنسوون 🌟🌟
#وش_شعور_المرايا_كل_ماشافتك؟