آدم البحر 96

Part 1

صلوا على النبي💕

لطفاً تصويت وترك تعليق لطيف يسعدني وشكرا💕

آدم البحر.

فَمتىٰ اللقاءُ وكم يطَول؟
تساؤُلي هل في الحياة بقيةّ لأراكَ. ؟___________________________________

"الجو كان بارد بشكل مو طبيعي ، المطر عم ينزل بغزارة لدرجة إنه عم يغطي الشارع كلو، الريح عم تضرب وجهي بشدة. كنت ماشية وعم أحاول دفي حالي بجاكيتي الفرو، بس ما في فايدة. وصلت عند مقهى كوفي كان مصنوع من الزجاج يعني يلي جوا يشوفوا يلي برا ويلي برا يشوفوا يلي جوا وهيك يعني ، شفت الدفئ طالع من جواتو وكأنو عم يقلي تعي فوتي تعي نزلت لفحتي يلي كنت مدفيه تمي فيها وثبتتها على رقبتي بس واخدت نفس عميق، ودخلت وانا كلي مي وشعري نازل على وجهي ملزق فيني كيف نسيت اجيب المظله معي كيف وانا عم اشتم بنفسي في شعور حلو غمرني وطبعا هو الدفئ يلي استقبلني خلاني احس حالي بالنعيم حرفيا المكان كتير دافي ومريح مافي أصوات ضجه ولا أصوات بالعكس كتير هادئ وكل شخص مشغول بنفسو كتير حلو الهدوء يلي كان مشيت على أقرب طاولة اخدت كرسي وقعدت حسيت بدفئ عم بلفني من كل مكان، شوي واجى النادل ياخد طلبي فطلبت شوكولا ساخنه وقلت بيني وبين حالي: 'يا ترى الشوكولا هي رح تدفي جسمي ولا بس رح تدفي قلبي يلي بردان؟' طلعت إيدي من جيبي، كانت متجمدة ولونها صار أحمر على أزرق حسيت فيها عم تخدر، بس لما شفت النادل جاي ومعو طلبي وعلى وجهو ابتسامه دافئه نسيت كل شي حرفيا حط طلبي قدامي وراح وانا بسرعه اخدت الشوكولا اشربها ببطئ حتى ما احرق لساني للصراحه ما بوصف الفرحه يلي حسيتها أول ما شربت الرشفة الأولى ههههه يعني بالله ما بدي افرح وانا عم حس البرد يلي بجسمي راح طبعا رح أفرح.
أوبس ما علينا انا بحكي زياده عن اللزوم لا تاخدوا بحكياتي كتير ها ف المهم ضليت حتى خلصت فنجان الشوكولا قعدت شوي بعدين رجعت طلبت واحد تاني بس سفري حتى اخدو معي برا.
شوي ودخل واحد لابس بدلة وفوقها جاكيت طويله وبأيدو بنت صغيره بيجي عمرها تقريبا ٥ سنين هيك شي المهم اول ما دخل هاد الشخص ركض عليه النادل واخد منو جاكيتو وجاكيت البنت الصغيره وعلقهم وبعدين أشر بأيدو أنو اتفضل من هون وفعلا كأنو الشخص متعود على هاي المعامله اخدهم على طاولة صارت مقابل طاولتي وقعدوا والنادل راح بعد ما أخد طلبهم.
طبعا فضولي شوي قوي وما حسيت على حالي وانا عم اطلع عليها وعلى ابوها أشوف الشبه يلي بينهم مو طبيعي مشان هيك عرفت انو بنتو هههه خلص بروح بدل المحقق كونان المهم ما علينا شوي والبنت طلعت فيني بطريقه كتير حلوه وبريئه وضحكت يووههه لك تؤبريني اللهي على هالضحكه شو حلوه.
وانا طبعا ما حسيت على حالي غير طلعت شوكولا من شنطتي ورحت عندها حطيتها بأيدها وبستها من خدها ناسيه أبوها يلي قاعد عم يطلع علينا مستغرب ولي شو قلو هلأ اسفه ولا بعتذر ولا شو قول بلكي ما فهمني شو اعمل ليش أجيت اصلا كنت بس ابتسمت اوف مني اوف.