صلوا على النبي💕
لطفاً تصويت وترك تعليق لطيف يسعدني وشكرا💕
آدم البحر.
كان يضعُ الكلمة الخشنة في العبارة بطريقة مُتقنة جداً
طريقة تَجعل منها لا تخدشُ حتى الورده.
____________________________________
باوعت لبرا، عيوني تتطاحن ويه همي، احاول أركز على أي شي، حتى لو كان حشرة تطير، بس مو على اللي جواي، ما اريد أفكر بيه، ابدا ما اريد الدنيا كلها مو واضحة، كلشي مبهم، مثل أفكاري اللي متلخبطة
دخّنت چكارة ثانية، دخانها يلف بيه مثل الضباب، يحاول يخفي همي بس ما ينفع كل نفس آخذه أحس وياها إني أتغرگ أكثر ويزيد تفكيري اكثر وهمي اكثر كل شي متخربط مشاعري وحياتي حتى دگات گلبي.
غمضت عيني رايد يخلص كلشي بعد خلص ماريد شي ولا شي اريد بس ارتاح ويرتاح گلبي، حاولت أستوعب كل شي صار، بس كل ما أحاول كل ما أحس بالألم أكثر حسيت روحي تضيع جواي طالعت تلفوني من جيبي وباوعت على الصوره اللي مخليهه خلفيه مكّشر عيني بالصورة، اباوعلها كأنها طلسم عيني تروح وتجيّ على الصوره، تتبع كل خط وكل زاوية دماغي صار كله فوضى، أفكار تروح وتجيّ مثل الصواعق.
گطع تاملي صوت عزيز اللي وگف وراي طفيته ورجعته لجيبي.
عزيز: شنو تريد تسوي آدم؟
آدم: صاير بيه مثل اليركض والعشا خباز.
عزيز: هههههههه آدم شبيك گول عيني.
رن تلفوني اخذته ورديت.
آدم: أهلا أهلا ابو شراره شنو ناسينه ولك ماتگول اسأل عليه اشوف شبيه عمت عيني.
ابو شراره: چا تسكت لو اجيك اشمرك من عندك؟
آدم: عزه شايفني ولك؟
ابو شراره: وهل يخفى القمر عزيزي؟
آدم: بس الزمك يصير خير ابو عزيزي.
ابو شراره: خوش خوش حبيبي احبك ممموووححح لا تنساني آدومييييي احبك اموت عليك ههييي.
عزه هذا الإنسان شگد عار؟
آدم: ولك يا عار شبيك تتنهوص مو اگوم اجيك بالتفگه.
ابو شراره: مو احمي نفسي منك بالچراز عمت عينك.
آدم: سد سد ولك زربه.
ابو شراره: اييي حبيبي بباايييي ممحح.
آدم: طاح حظك.
سديت الخط ورجعته لجيبتي عزه هذا شلون من واحد.
عزيز: شبيك تضمحوك؟
آدم: مابيه شي لك هذا ابو شراره يريد يموتني من كلامه.
ضحك عزيز لأن يعرف بيه واحد سريري غير شكله الراقي العاقل.
أنت تقرأ
آدم البحر 96
Romanceقصه حقيقيه بقلمي نفس: هي امرأه تبحث عن ثأرها وتتعقب المجرم لقتله او سجنه وتركه للعداله. وهو رجل رغم الأموال التي معه الا انه وحيد ولا يملك شي سعيد وجميل في حياته يريد فقط الإهتمام والحب الصادق. ماذا سيحدث حين يلتقي شخص قلبه قد مات بشخص لديه قلب طي...
