عـلـى درب الـهـوى جـيـنـا...مـن اول مـاتـلاقـيـنا

2

-
{تبدا روايتنا بـالمدينه النوره }
-
{تحديد بيت ابو بهاج }
-
بهاج : صباح الخير يا وجه الخير
ام بهاج ببتسامه : صباح النور
بهاج : شنو الفطور ؟
ام بهاج : شنو تشوف انت ؟
بهاج بضحكه : شدعوه اسال بس
ابو بهاج : شنو تبي بضبط تقول مفطح ؟
بهاج هز راسه بنفي دقايق ودخلت سـيلا و وجد
سـيلا: صباح الخير
ابو بهاج و ام بهاج بنفس الوقت : صباح النور
ابو بهاج : جهزوا نفسكم اليوم او بكرا بنروح الديره
غصت سـيلا بـ الاكل وبهمس لـ وجد : هذا الي خايفه منه
ضحكت وجد وهي عارفها بكرهه سـيلا لـ الديره
ناظر بهاج سـيلا الي تغيرت ملامحه من طار ابوها الديره استغرب لانه مايعرف بكرهه سـيلا لـ الديره
ام بهاج : يلا اجل نقوم الحين نجهز نفسنا ؟
ابو بهاج : ايو جهزو نفسكم اذا خلصنا اليوم نمشي اليوم واذا متاخر نمشي بكرا الصباح
ام بهاج : تمام
بعد الفطور عند سـيلا بغرفتها
وجد : سـيلا قومي جهزي شنطتك !
سـيلا : مابي اروح معكم بكلم ابوي وبقعد عند صديقتي ولا اروح معكم
وجد : وانتي مصدقه ان ابوي بخليك ابوي قال نروح كلنا يعني كلنا
سـيلا : وجد بالله مابي اتهاوش معك برا !
وجد : ابشري ولاكان هذا وجي اذا ابوي وافق وانا ادري بكرهك لـ الديره قامت وجلست جنب سـيلا : بس روحي و اكسري الجوهره
سـيلا : وجد مابي مشاكل معها يكفي اخر مشكله
وجد : سـيلا لاتكوني عنيده !
سـيلا : وجد مو عناد بس مابي اروح واشوف الجوهره
خايفه تسوي شي جديد واخر مشكله بـ القوه رجعت ثقة ابوي فيني تنهدت وكملت : وخايفه بعد لانها راح يكون اعمامي هناك واكيد راح تكبر المشكله اذا سوت شي وانا مابي وبحاول اكلم ابوي
سكتت وجد وطلعت من الغرفه
-
{في مكان اخر }
-
{بيت ابو سالم}
-
ام سالم : صقر يمه روح لـ البقاله جيب اغراض نقصه لنا اليوم اهل عمك ابو بهاج اليوم راح يجون
فزت وهج من طاري اهل عمها : وجد راح تجي ؟؟
ام سالم : ايو
وهج : يمه انا بعد بروح مع صقر بنزل اجيب اغراض و اشتري فستان
ضحكت ام سالم : خلاص روحي بس قولي حق ابوك
وهج : ابشري اذا ماقلت حق ابوي اقول حق منو
ضحكت ام سالم : الله يشفيك روحي روحي بس
ضحكوا على وهج
-
{راحت وهج لـ ابوها }
-
ابو سالم ؛ ياهلا ومرحبا بـ وهجي
ابتسمت وهج : اهلين فيك يا ابوي
ابو سالم : سمي وش بغيتي
وهج : سم الله عدوك يا ابوي بس بغيت فلوس بطلع مع صقر اشتري فستان
ابو سالم : ابشري كم وهج عندي انا
ابتسمت وهج و مد ابو سالم الفلوس
وهج : مشكور يا ابوي
ابتسم ابو سالم
-
{في السوق }
-
ابتهاج : الله شوفي هذا الفستان مرهه يجنن
{ الفستان كان مخصر و علق ولونه احمر كرزي عاري الاكتاف و قصير }
وهج ميلت شفايفها : مادري يا ابتهاج ماحب كذا
ابتهاج: يابنت وش الي وقلدت صوت وهج ؛ ماحب كذا والله مرهه يجنن
وهج الي طفشت من زن ابتهاج فوق راسها : خلاص خلاص بجرب
ابتسمت ابتهاج بانتصار
-
{غرفه تبديل الملابس }
-
ابتهاج : وهج خلصتي ولا شنو ؟؟
وهج : خلصت تعالي
دخلت ابتهاج : وههه ليتني كايد بس
عضت شفايفها من طاري كايد : يعني خلاص اخذها
ابتهاج : بدون تفكير
-
{بيت ابو بهاج }
-
ابو بهاج : ها ؟ خلصتوا
ام بهاج : ايو بس باقي سـيلا تقول ماتبي تروح
ابو بهاج بعصبيه : شنو ماتبي تروح تروح ورجله فوق راسها !
-
{تقدم يطلع لـ غرفه سـيلا و عيونه شرار }
-
فتح الباب بطريقه مرعبها فزت سـيلا من السرير
ابو بهاج بعصبيه ؛ شوفي يا سـيلا ترا الاعناد مو نافعك فـ قومي جهزي نفسك احسن لك
سـيلا بهدؤه : مابي اروح مابي اروح افهموا ماحب الديره !
أبو بهاج بصراخ و عصبيه ؛ غصب عنك تروحين ورجلك فوق راسك حتى الديره نصهم مايعرفون ان عندي بنت ثانيه
سـيلا بعصبيه : وهذا الي ابي مابي اعرف احد !!
ابو بهاج بصراخ : قسمم بالله يا سـيلا لو ما جهزتي نفسك يويلك انا علمتك !!
سـيلا كنت بتتكلم بس قاطعه ابوها لما قفل الباب بـ اقوى شي
سـيلا ببكاء : اوف اوف مابي اروح !
قامت سـيلا تجهز شنطته ودموعه تنهمر على خدها تنهدت تبعد الغصه وتجهزه نفسها عشان تطلع لهم
طلعت و سمعت صوت امها و ابوها
-
{بصاله عند ام بهاج و ابو بهاج }
-
ام بهاج بعصبيه : شننو يعني تبي تغصب البنت تروح معنا سـيلا بـ القوه تروح معي للجيران تبيها تروح الديره !!
ابو بهاج بعصبيه: شنو اسوي انا اتركها هنا لحالها لا والف لا !!
ام بهاج بعصبيه: سـيلا عنيده مارح تجي بسهوله !
ابو بهاج بصرخ و عصبيه : وش اسوي انا حتى نص الديره واهلي نسوا ان عندي بنت ثاني !!
قاطع هواشهم صوت سـيلا الي واضح في الغصه : امي بس بروح معكم
ابو بهاج ؛ ها سـيلا بعضم لسانها قالت لك !
ام بهاج بقله حيلها ؛ يلا يلا مشينا
مسكوا خط لـ الديره