عندما تتصادف القلوب
ويصبح الفضول كبير
سيطارد القلب فريسته
عبير
لج ديمه شبيج تخربطين بالحجي
ديمه: والله الاحجي صح وابو الصح
عبير : لج انجبي لاتحجين علا كيان تسواج وتسوه راسج
ديمه: طوووطططط
عبير: ماكوو غير تفسير واحد وهوه انتي غيوررررره
ديمه: وليش اغار اني هيه انعاليش
عبير : والله ماكو انعال غيرج
ديمه: دروحي روحي عود مسويه روحه كاتله نفسهه عليهه عود شوفوني ادافع علا صديقتي
عبير: لج باعي يا عاررر اني لا عرفج ولا تعرفيني ولاشايفتج ولا شي من هسه اكطعي كلشي بيناتنه خوشش
ديمه: يله انعال ايروح ونعال يجي اعوض ابغيرج
عبير: جا خوش هيج صارت خوش
راحت تهرول جنهه ثور الخايسهه شلون تحجي علا كيان
استقطع كلامهه صوت ماهر يصيحلهه
عبير : نعم مسيو شنو تأمر
ماهر: ليش مسيو كيان ماحضرت اجتماع الشركاء؟
عبير: عفوا عدهه ضروف خاصه.
ماهر: وممكن اعرف شنو هاذ الضرف الي ايخلي الواحد مايحضر اجتماع مهم؟
عبير : مسيو ماهر هيه استقرت بالعراق ما ترجع مره ثانيه لاسباب شخصيه.......
كيان :اجت الخدامه كعدتني وكالت كومي استاذ حسين ايكول لازم تنزل للشركه ،
كتلهه خوش ، وكوه كمت ياربي شنو ليش هيج جسمي متكسر كمت اسبح وطلعت رحت بدلت ولبست فستان سمائي وقلاده فضيه وساعه فضيه لفيت شعري ذيل ونزلت
واني دا انزل سمعت واحد ايكول البدر تدري اذا لؤي يعرف بهاذي الفايلات راح ايدمرنه ؟؟
بدر : اي ادري محد يكدر ايوصله هيج فايلات هنه ابيتي لا اتخاف ...عافو الفايلات علا المكتب وطلعو للحديقه اني بسرعه نزلت ورحت للمكتب فتحت الفايل وضليت اخذله صور بسرعه بسرعه خلصت وطلعت اهرول واني دا امشي وقفت كدام واحد طويل القامه ضخم بنيه جسمه رياضيه
وشوم بسيطه جدا وعيون زرقاء جميله ملامح وجهه جميله تفوح منه رائحه العطر ممتزج مع السجائر
وقال : هلا ابنت عمي مسعود صفنت بوجهه ماعرف منو هاذ الشخص معقوله ططوه جديده من عائلتنه الشبح مثل مايسمون
بدر : هاذ ابن عمو الياس ..اسمه مالك..
كيان هلا بيك.
مالك
وكفت كدامي بنيه وعرفتهه بنت مسعود وجانت لابسه لبس سمائي جميل يضوي علا وجهه الهادئ عجبتني من تمشي اسمع طرقات الكعب العاليه وكفت كدامي شكلهه ماعرفتني لان بقت مستغربه من وجودي بس اجه بدر كاللهه منو اني وردتني بتحيه بارده واردفت لبدر قائله اني رايحه للشركه
بدر : اي خوش تركتنه اني وبدر متوجهه للخارج.....
أنت تقرأ
إسكندر الزمان
Randomلايسعهم سوا التفكير في انفسهم ليقودهم القانون الى الحقيقه ويتركون خلفهم عائله تصنع اسها من جديد
