كعدت وي عبير بعد ما نيمنه الجهال
كعدنه كعده حلوه جبنه سوالف الماضي
بقينه انسولف نضحك مرت نبجي مرات نتحمس
الى ان سألتني اشسوه بابا حتى كرهته
كل ما تسألني اغلس اكللهه بعدين
بس الحمد لله كدرت اكللهه
-هوه مو شي ما ينحجي بس لمن اذكره انجرح اكثر
-حب صارلي اسنين اسألج ترفضين ليش؟
-ينكسر خاطري والله
-سولفي.
-اوكي ابذيج الليله اجه جان طالع هوه
لمن اجه جاب اوياه اثنين زلم
جايب اوياه ابطاله حتى اصبلهم(كرسون) سووني
فأني ما اتحملت كضيت البطل الاول ورشكته بالاول
كضيت الثاني وطكيته علا راسه الحمد لله ما كتلته
ابمكانه المهم كام ابوي يضرب بيه ابرجله زوعني العافيه
خلاني ارفس مثل الطير المذبوح ماعرف شسوي
اجو اخواني شافو الزلم بالكاع ابدمهم وبابا اشرلهم
يستلموني سحلوني سحل حسين وبدر ويضربون
بكل حيلهم عبالك مطي كدامهم
ابوي حار بالاسعاف وعافني بيد وحوش ما تعرف الرحمه
بدر بنيت جسمه كلش قويه خدر جسمي من الضرب
ضلو ايضربون الحد ما فقدت بيدهم
خلصو شغلهم وطلعو اشوي وكعدت لكيت جسمي ازرك
من الضرب فرأستا كمت قفلت الباب وأسمع
ابوي يدك بالباب حيل ايريدني
افتحهه حته ايكمل ضرب بس اني قاومت
هوه دائما جان يضربني ومتعوده علا الضرب
وثاني يوم يكلولي نزلي للشركه عبالك ما مسوين شي
المهم ضل ايدك أيس وراح طبيت سبحت حتى اخفف
من الوجع وختلطت دموعي وي الماي اختنكت
ابذيج الساعه لعنته من كل كلبي حقدت علي
لان ماكو اب هيج ايسوي الاب ايكون ايحب بنته
ويخاف عليهه من الهوه بس اني شفت غير هاذ
فثاني يوم لمن نزلت اتلكتني امي بالرزايل
والغلط وفوك هاذ كلهه كالتلي لازم اسوي الابوي
اريوك رغم احنه عدنه خادمه بس لمن كعدت ابذاك اليوم
لكيتهه طاردتهه حتى تكرب علي ابشغلهه عود
بس هيه جانت امخططه تكتله البابا علمود الشركه اتصير
البدر هوه جان رايد احسين لان احسين اقرب
أنت تقرأ
إسكندر الزمان
Acakلايسعهم سوا التفكير في انفسهم ليقودهم القانون الى الحقيقه ويتركون خلفهم عائله تصنع اسها من جديد
