اصدق قلبي ام عقلي
اسلاح انسحب وصاح منوو اباوع وصحت
مالك؟؟؟
مالك: منوو انتم
ماهر : اصدقائك اجيت اسلم عليكم
مالك : عوف كيان لكك كلب
ماهر : لا ضلعي ماعوفهه وجيت اخذهه يعني اخذهه
مالك : علا جثتي
ماهر: شنو ما اريدك اتموت بس اجيت اخذهه شبيج بيبي
مالك: لا اتمسلت رجاءا البنيه امانه عندي عوفهه
ما ايحس اله واحد ضرب راسه من وره وكال
اذا مو الذيب ماترهم
صاح ماهر عفيه بالذيب
كريم :جا اشماله الثعلب ايمطمط صارلك ساعتين
ماهر: جا شسوي غير اجه مالك وما اكدر أذي تعرف هوه ابن عمك
كريم: صحيح عفيه عليك
اتقدم كريم علا كيان وشالهه صاح علا ماهر كله امشو كدامي
مشه ماهر وفهد نزلو وصعدو السياره
صاح بيهم كريم انروح البيتهه احسن
مشو وره كريم وكيان ابصفه
اشوي ونزلو استقبلتهم الخدامه ام نرجس
دخلو كلهم اشوي واجه مهيب ويارا وعبير
دخلت عبير تركض جان واكف ماهر وكريم وفهد
اجت وكضت ايدهه وضلت تبجي عليهه وماترضه اتوخر وتكللهه لا اتعوفيني فدوه لا اتعوفيني.
اتقدم مهيب عليها وجر ايدهه كلهه كافي عبير كامت وحضنته وتبجي كل هاذ وفهد واكف افتهم انو هيه مو اله بس بقه ساكت اشوي واجه الدكتور اتفحصهه وكاللهم بس الضغط هابط عدهه لا اتخافون شكللهه مغذي وطلع بقينه كاعدين اشوي وانفتح الباب دخلت منه ابنيه حسنه المضهر ترتدي حجاب يبرز عليها جدا جميله ببشره بيضاء شايله بيدهه صينيه اتقدم بيهه العصير قدمتلنه كلنه بقه فاهد كوه قدمتله من الاحراج لان اكلهه بعيونه حتى ماهر كله بابا دنك اشبيك ضل يضحك اودنك
اشوي وكعدت كيان اتصرخ ما حضنتني ليششش ما حضنتني
كام ماهر ابسرعه اتقدم عليهه حضنهه كلهه لاتخافيين بابا اني يمج لا اتخافين اشوي وفتحت اعيونهه زين وضربت ماهر وصاحت بي وخررررررر ولككككك وخرررر انته دمرتنييي
ماهر: علا كيفج اشبيج
كيان: روح روح منا ماريد اسمع صوتك روحح
ماهر: اسف والله اسف والله ما ادري بيج لمن سمعتينه
والله اني احبج واريد اتزجج
كيان :طوووووووطط لك جذاب
ماهر: والله
كيان اصلا صارت كلمه احبج قديمه مو انته سمعتك ادكول الكريم اني ما احبهه مووووو اني سمعتك والله سمعتك وعلا اساس اني قابله بيك ياططوه
ماهر :اشكرج
كيان: يلا دعبل
ماهر :ما
كيان :روح اشبيك
ماهر: مااا
استغفر الله هم صار مثل البيبي زين ليش ماترفع اكتافك وي الما حتى فد نوب اتصير بيبي
وضم شفتك اللعلويه وتخلي اعيونك ادمع بلكي اشفق عليك وسويلك كم رقم نيدو
ماهر :ههههههههه والله ضريفه
كيان: وخر
اجه يحجي واتقدمت عبير اتعاتب بيهه
وكالتلهه خفت اتعوفيني كيان لا حبي جنت متعصبه كلش فاعيوني انعمت اسفه عفتج بيد هذول الوحوش..بعد كل ذي صاؤ التقو والكل جان فرحان ابعوده كيان وجان ماهر امبين من اعيونهه ايحبهه مرت الايام والاسابيع بعد موت ام كيان بالاعدام ما خلوهه تحضر جانو خايفين عليهه كلش بس الحمد لله مشت وماهر عوضهه ابكلشي خطبهه من كريم وتمت الخطبه وبعد اسبوعين الزواجهم الحمد لله اما عبير ومهيب ماخذيلهم صفحه وعالم الوحدهم فتره وهم ومهيب اتقدم العبير وستأذن من فهد وفهد وافق بدون مشاكل بقه فهد وكريم عزابيه
المهم اتفق مهيب وماهر يتزوجون بنفس اليوم والحمد لله مرت اليوم واليومين الى ان اجه يوم العرس
كيان: ولج عبير البرنص مادري بس وين
عبير : جا اني ما ادري وين حطيت البرنص مالتي حتى اني ولج ماكو
طلع كريم ماخذهم حتى يضحك عليهن
اشوي وندك الباب طلعت كيان فتحت الباب وطب كريم بيده علاكه كاللهه هاذ الي اتدورين علي ابتسمت وكالت ولا اتوب من تصرفاتك من احنه اصغار اتسوي هاي الحركه اما يارا مكتفيه اتعاين علا كريم وكريم هم يا اخي اتزوجو وخلصونه
المهم حضرنه نفسنه ودخلو علينه ماهر ومهيب واني وعبير بالبرنص كملو كلشي وكعدو يمنه والحمد لله اخذنه صور
ودخلو الشباب يركصون جان حفل بسيط اني طلبته ماردت هوسه وكذا حبيته ايصير هدوء ولمن كلشي خلص كل وحده راحت وي زوجهه البيتهم
كيان خلصت واخيرا دخلت البيت طبيت سبحت وكعدت
لمن طلعت لكيت ماهر نايمم ايشوخر يا خايس غير تسبح وتنطمر
جرت مخده وحطتهه علا وجهه اتكلهه ولك اسبح كوم ابسرعه
كام من السرير عشر امتار طافر ويكلهه ليش هيج والله نعسان كلتهه اسبح اشمالك نايم بالحذاء يله كومممم
اخذ ملابس ويصيح شسوي يا ربي اتزوجت مصيبه مصيبه اتزوجت مو ابنيه
كيان :صدككككك طلكني
ماهر لا يارب اني مصيبه وتزوجت ابنيه فقيره
كيان :هههههه
طب سبح وطلع كتله اتريد اكل؟؟؟؟
ماهر: انتي ما اتفكرين بس ابطنج
كيان :محد يستاهل افكر بس غير بطني
ضحكو وضلو ايسولفون جابو كرزات كعدو سوه وجانت الاجواء عدهم كلش حلوه
ثاني يوم الصبح كعدنه متاخرين لان نمنه متاخرين
واني دا اسوي ماسكات الوجهي واندك باب البيت
كمت فتحته وانصدمت صدمه عمري حسين وبدر بالباب وبيدهم ورد هاي شنوو
ماعرفت اشأحجي وكالو ماتسمحيلنه انفوت
ارتبكت واني اكلهم اتفضلو صحت علا الخدامه وكلتلهه اتجيب الضيافه
اشوي واجه ماهر اتعجب همه موجودين بس اني عرفت انو
اجو حتى ارجعلهم الاسهم فتكبرت عليهم اله اطيح حضكم يله ارجعلكم ياهن
كعد اسكندري ماهر وكال كومي عندي احجايه الهم
كمت بدون نقاش ورحت للغرفه بس اسمع صوتهم
ماهر : اولا اذا جايين حتى اتهنونه فأهلا وسهلا
وأذا جايين حتى اتأذوهه فقسما عضما اسوي طشاركم ماله والي وحق من انزل القران اسحلكم سحل اربطكم بالسياره وشغلهه ونطلق علا سرعه180 اخلي بس العضم ايبين
الكل سكت وكلتلهم وحجي زلمه انه الثعلب انا الاسكندر للي ايريد وثعلب لليعلب وراي
الكل بلع ريكه وكالو لا عيني هيه اخيتنه وكريم كللنه نجي انهنيكم لا اكثر ولا اقل والله اشبيك
صاح ماهر علا كيان وكاللهه تعاي قدمي الضيافه الاخوانج
اجت كيان تركض وكالتلهم هلا وكل الهلا بيكم
كعدو وضلو ايسولفون اشوي وجانو فرحانين لان كدرو ايتركون المخدرات وحبو ايبلشون صفحه جديده بعد ما الكل شجعهم علا هاذ الشي والحمد لله خلصت طلعو وره اشوي اجه ماهر وكال اليوم انروح انشوف ابوي وامي
كتله خوش ابوه وامه بالعرس طارو من الفرحه وكالولي انريد بيبي حلو مثلج
واني اضحك ماخذني الواهس شلي بالجهال ودوختهم..
بدلت وطلعت لمن رحت كالولي انو ابوه منتضرنه هوه وامه
دخلونه للبيت وشفنه كريم عدهم خير يا ستار
كعدونه وكال عمو الكريم انطيناكم ياهه اشوي واجت يارا امبدله وطالعه اتجنن والله الحمد لله جانت فرحه بالنسبه الي
وزعت الكهوه عليهم واجت وزعتلنه هم وصاير وجهه احمر
حبت بالسكته الوتيه
خبرهه جان الي والماهر صدمه ههه بس فرحنه كلش
المهم كام ماهر بارك الكريم
واتفقو علا الحاضر والغايب
علا خمسين ابخمسين
لاكن كريم رفض كال خمسين وكيلو ذهب والكل فرح علا فرحهم
كمت وراهه للمطبخ وكلتهه ها يا لوتيه
جنتي اتحبين اخوي وما اتكولين
يارا: هاي يا لوتيه البارحه اتزوجتي اخوي
وضلينه نضحك ونسولف وحنه كاعدين اجت عبير ومهيب التمينه كلنه
والحمد لله جانت فرحه كلش جبيره جنت لابسه فستان ازرق ايناسب بشرتي ولمن اجت عبير هم لابسه فستان ازرق
اجه وكت الغذه والكل التم خلصنه وانسحبو مهيب وعبير
اشوي وطلع كريم بقينه بس اني وماهر
اجت يارا كعدت يمي ضلينه انسولف
ختمنه حديثنه وكام ماهر وكال يله باياتي امشينه طلعنه سوه .
ورجعنه للبيت
كعد وصاحلي اكعد يمه وكال كيانن
كيان: خير
ماهر: تعرفين فاطمه الزهراء عليها السلام
كيان :اي
ماهر: جانت اطهر النساء وجانت محتشمه
كيان: اي
ماهر: اريدج تلبسين حجاب
كيان: اي
ماهر :بس اي ماتعترضين
كيان: وليش اعترض الحجاب حلو
كام ماهر اشوي ورجع بيده علبه فتحتهه اشكال الحجابات
كالتله واو شكرا
ماهر جنت خايف اكلج وترفضين نتزوج ههههه
كيان :بالعكس حبيت الفكره اخذ ايدهه وقبلها وكال
المرءه المحتشمه جميله جمال لا يوصف نحن ننضر الى حجابهها قبل وجهها والحشمه امر جميل جدا
تبقين امرءه ما ينضر الج الكبير والصغير امرءه اتخجل العيون
وتكللهم اني محتشمه لا تنضر الي والحشمه امر الرسول
كيان :شكرا الك اني ما جان احد ايوصيني شكرا الك
ماهر :ولو باباتي تدللي انتي ابنيتي الحلوه
كيان: خجلتني والله هههههه
بعد كعده طويله من النصائح سترتدي كيان حجاب العفه
لتلتحق بكل فتاه حافضت علا عفتها...........
اما عبير ومهيب سافروا فتره ويرجعون
وره فتره اجه عرس يارا
الكل استعد واني منهم رحت اختاريت فستان مستور طبعا ونسقت وياه الحجاب والحذاء
رتبت نفسي ولكل مستعد حتى حسين وبدر من اول
ما اجو مكرشين علا بنات اثنين وين ما يروحن يرحون وراهم شكلي راح احضر عرسهم بعد فتره من الزمن
واحنه كاعدين ننتضر يارا دخل فهد وابنيه ما ادري وين شايفتهه المهم اجه علا ماهر جان واكف ابصفي وكال هاي خطيبتي (نرجس)♡ اجت عبير هم قبل يومين رجعت من السفر حتى تحضر العرس وسلم عليهه فهد وعرفهه علا نرجس وكال جبت عمامي هم اجو وتقدمو سلمو عليهه اجت بيبيتهه حضنتهه وكالتلهه تشبهين ابوج يمه فدوه الهاي الملامح
عبير
عرفت فهد امسولفلهم امي وابوي ماتو والحمد لله اني اهنا وي زوجي مهيب وصديقتي واختي الي وكفت وياي كيان وزوجهه ماهر
الحمد لله علا كل حال
ماهر:فهد عرسك علي
فهد: بدون ما تحجي جنت امقرر انته اتسوي
اجه مهيب يركض كال ها فهد
فهد: خير شرايد
مهيب اشعجب اجيت
فهد وي خطيبتي نحضر الحفل عادي اخوك عزمني تريد اروح عادي
مهيب استغفر الله وين اكو واحد يطلع هسه غير هسه العرس
اشوي ودخلت يارا ضلينه واكفيت اجو وكعدوهه
اما الشباب خلصوهه ركص ضوء القاعه خافت جدا
واني وعبير ونرجس واكفات علا صفحه انباوع عليهم حسين وبدر ذبو فلك اما ماهر وفاهد خانسين علا صفحه
ضايجين اختهم راح تتزوج
اجواء القاعه اتجنن والكل مندمج طلعت بره كلت ارتاح اشوي ما حسيت اله علا واحد ساحب اسلاحه علا راسي
درا وصحت مالك؟؟؟؟
مالك اسكتي ولا صوت
كسرتيني وجايه تحتفلين عادي عندج
كيان فدوه نزل اسلاحك انته مو ابوعيك
مالك اليوم لو اني لو إنتي
كيان عفيه مالك عوفني بعد اتزوجت خليني اعيش فدوه
مالك اسكتي ولج اسكتي حاوطونه اتلاثه زلم ايحرسون مالك
رفع اسلاحه ليفوك وفرغ الشاجور كله
واني ضليت اصرخ حاطه ايدي علا راسي
اشوي وحسيت صوت الاغاني اختفه ضليت اصيح
ماهررررر كريييمم لكك بدررر احسينن
طلعو ايركضون مالك جرني وحط المسدس ابراسي وكال بيكم خير وتقدمو اليوم افرغ الشاجور ابراسهه
اتذكرت كيان هوه فرغ الشاجور فوك
عضت ايده كاعد اشرد وطلقه هربت من الحراس الي وي مالك صرخ مالك بي والتفت ولكه كيان غاركه بالدم............
___________________♡__________________
لهنا وينتهي البارت الحادي عشر وأن شاء الله اكون وفيت
وياكم وعجبتكم الاحداث💋💋💋💋💋❤❤❤❤
بقلمي _مريم الماجدي
أنت تقرأ
إسكندر الزمان
Randomلايسعهم سوا التفكير في انفسهم ليقودهم القانون الى الحقيقه ويتركون خلفهم عائله تصنع اسها من جديد
